Timəə dí-pɛn 32:15 - LAWA A BOO SONBORE

¹⁵ Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

LAWA A BOO SONBORE 2011

¹⁵ Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Timəə dí-pɛn 32:15 ပူးပေါင်းရင်းမြစ်များ

Samayeli2 22:47

Dɛnaa Lawa á boe sii la. Ma tamaali ni, ma á barka diɛ nɛ. Lawa n ma kirisibaali lɛa, ma na a din tɔ boe.

KZS1 5:25

Urubɛn tɔrɔn laanka Gaadi tɔrɔn nɛ, ka Manaasee tɔrɔn talɛɛ nɛ, ǹ nə́ n baa bɔlɔgoonbaãdɛnan lɛa, ǹ digolon Lawa nɛ. Lawa goã á tɔrɔn mɛnɛn bɔ̀n baa ǹ dɔ lɛ a biikoo li, maǹ nə́ Lawa lɛ din toa walan ǹ nə́ bɛn dìn guguru koe. Bɛ lɛ nɛ, Lawa tɔ́n Asiirii gána a kii min paa gòãn sɔmɔ, Puli laanka Teglati-Falasaara nɛ, bɛn nə́ ǹ goa ǹ nə́ kiɛ̃ ǹ nɛ Halaa, Abɔɔrɔ nɛ, Aara nɛ, ka Goozan tà lɛ-a nɛ, yǎa á daa dɔ pelo ganaa.

KZS2 12:1

Roboamu a kiibaa gòã bɛ́ á wɔ tán, màn mɛ a pàã li, a kɔ Dɛnaa Lawa a dí-pɛ kɛ lɛ doo wa. Izirayeli zaman tumaa dɔ nə n saa li.

KZS2 26:16

Sɛnɛ, a pàã taman yii, a nə́ n din gole kɔ, bɛ́ tɔn daa ka a mɛnaa nɛ. Á bɔlɔgoonbaãdɛnaa baa Dɛnaa Lawa, a Lawa nɛ. Ǹ kɔn pinaa, á wɔ Lawa a kion mà asɛ n màn gìĩ kɔɔ̃n tiɛ̃ màn gìĩ kɔɔ̃n tã ǹ bǎã kɛ nɛ.

Nehemii 9:25

Ǹ nə́ kiwi dadara kungɔndɛnan kũ ǹ nə́ ǹ si, ka tán bǎã sonbore ne. Ǹ nə́ kionən si ǹ nə́ ǹ baa ǹ wɔ lɛa. Bɛa kionən lɛn man piɛ̃ nɛ ka gɔn màn tɔrɔ tumaa nɛ, ǹ nə́ tù foɛ̃n si tán ǹ nə́ ǹ baa ǹ wɔ lɛa, ka *rezɛ̃ dan nɛ, ka *olivie dan nɛ, ka da nɛ-kɔle gigiã nɛ. Ǹ nə́ màn bii, ǹ nə́ kã, ǹ nə́ kasã, ǹ nə́ goã kanaa a nɔnɔ̀ɔbaa lɛ li, n bǐɛ̃ gole lɛ barka nɛ.

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Zɔbu 15:27

A giala, á kã a yɔrɔ zɔnɔ, a kolon nə́ bɔ, bɛ lɛ n we a yii ni.

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 119:70

Ǹ foo laa, ǹ ba li ǹ sii kɔn din giala ma wa. Sɛnɛ, n landa boon kɛn kɔmalɛ n kɔɔ̃n masɛ ganaa parsiini.

Loen 17:10

Makara kɔn ba ǹ foo-n wa. Ǹ boo tumaa din koa ǹ boo.

Loen 18:46

Gána kɔsɔ minin nə́ ma lɛ wɔ, tiin nə́ ma bebele ǹ nə́ fɔ̃ ma li. Ǹ dinin nə́ soo ǹ duru ǹ bǎãn nɛ, ǹ gɔ̀nɔn nə́ bìn diɛ.

Loen 73:7

A laanɛ ǹ tá kasiɛ̃ nɛ, bɛ̀ ǹ yii bɔ màn li, ǹ gɔ́ɔ̃ n piɛ̃-n ka taasiɛ baraa nɛ.

Loen 81:11

A giala, mà masɛ din nə n Dɛnaa Lawa lɛa, ma din nə má soo n ne, má n bɔ Ezipti gána nɛ. N lɛ bũ gole, ma á re piɛ̃.

Loen 89:26

Ma á re pàã koe la yìsi mu la, ma á re koe la tàn dɔn la.

Loen 89:27

A n die ma bíi kɛnɛn: Maa Díi! Maa Lawa! Ma kirisibaa ǹ kele!

Loen 95:1

Ka daa wɔ n lɛ dɛ, wɔ n nyɛnyɛɛ wɔa Dɛnaa Lawa ganaa. Ka daa wɔ foo kɔɔ̃nbaa ǹ fòo da Lawa nɛ, wɔ tamaali kɛ lɛ wɔ kirisibiɛ.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 44:2

Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 2:32

Nɛniɛ yiri á boe a nyaǹ mànan ganaa? Lɔ tii yiri á boe a gɔ̀ mànan ganaa? Ka yiri bɔ ka ma nɛ, a biikoo a kànaa wa.

Zeremii 2:5

Dɛnaa Lawa bɛ́ màn mɛn pii, á ke: Ka digolon tá sã goon yii ǹ ma zɛ̀rɛ baa nɛ? Ǹ nə́ n wɔlɔ lui ma ganaa, ǹ nə́ koe dìn lɛ, ǹ mɛnɛn bɛ́ ǹ ba màn kɔn lɛa wa, ǹ dininmaan dɔn nə́ màn kooron baa.

Zeremii 5:28

Ǹ nə́ kã, ǹ wìi wɔ. Maǹ sii baraa zɛnɛɛ yǎa ǹ kiɛ̃ a dan la. Sɛnɛ ǹ sii tumaa n bǐɛ̃ koe. A da yaa ǹ ba nɛ toen a zia gii diɛ wa, ǹ ba kiri pepere we doobaan lɛa wa.

Zeremii 5:7

Man makara boe n ganaa lɔn kəni Zeruzalɛmu? N nɛnyaanan nə́ n la bɔ ma ganaa. Mànan mɛnɛn bɛ́ ǹ ba Lawa lɛa wa, maǹ liɛ we ka bɛn tɔ nɛ. Ǹ bɛ́ màn mɛn tumaa li, má a tumaa kɔ ǹ la. Sɛnɛ, ǹ nə́ naarɛbaa zɛnaa, ǹ nə́ kɔn nyɛnyɛnaa ǹ nə́ woo kɔrɔbaa ǹ kion.

Ezekieli 14:5

Man die zɛnɛɛ miɛ̃ màn mɛn bɛ́ toɛ ma Izirayeli minin lɛn kũ ǹ dinin taasiɛ ganaa, a giala, ǹ tumaa nə́ n na ǹ nə́ n bɔ ma ganaa, ǹ dìn lɛn taman yii.

Ozee 13:6

N dɔ buu sɔ̃ ǹ bǎã-n lɔn gɔrɔ, n bòo nya. N bɛ́ n kã, n nə́ n din gole kɔ. Bɛ lɛ nɛ n yiri bɔ ka ma nɛ.

Ozee 4:7

Wúlu-bɔlen mɔnaabaa n die ka sii baraa gigiã nɛ. Ǹ gugurubaa ke, ma á re bɛ bɔyɛɛ ma baa sìi lɛa.

Nya ǹ dín 28:27

A giala, tɔrɔ kɛ lɛ a minin nə́ n foo laa, ǹ nə́ n toon tã, ǹ nə́ n yiin tã. Bɛ bie wa ǹ yii á re wɔlɔ yii, ǹ too á re boo miɛ, ǹ yiri á re a giala miɛ, ǹ wusoo ǹ da Lawa li, Lawa dɔ á re ǹ busu nyɛɛ ǹ foo ne, sɛnɛ, bɛ bɛ́ a bie ǹ yii li ǹ sii lɛa wa.»

Nya ǹ dín 9:5

Sooli tɔ́n nɔ̀n da: «Dɛnaa, die n ka nsɛ nɛ?» Boo-diɛ lɛn lɛ pɛ nɛ: «Yezu n ka masɛ nɛ, n bɛ́ fuu nyɛɛ Yezu mɛn nɛ ke lɛn.

Timəə dí-pɛn 31:16

Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Timəə dí-pɛn 31:20

Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Timəə dí-pɛn 32:6

Baãnaan man ka nɛ, sii-doɛ̃ nya ka-a. Ka dinin man kɛ miã zɛnɛɛ Dɛnaa Lawa-n sonbore? Táa ka a Díi n ka a din lɛ nɛ, táa ka zɛnaali ni? A din na á ka zɛnaa, á ka koa a din a minin lɛa.

Timəə dí-pɛn 33:26

Bɛ kio Muizu wusoo á kɛ pɛ: «Izirayeli minin lɛn, màn kɔn ba n zoɛ̃ kaa Lawa kɛ-a wa. A din nə dii labaran la, a n toa lon a gisĩ tán ka gugurubaa nɛ, a din nə die n doe ka lɛ.

Timəə dí-pɛn 33:5

Zaman lɛ a nyɛɛnaandɛnan bɛ́ ǹ nə́ n lɛ sɔkɔn, kun ka Izirayeli tɔrɔn lɛn nɛ, Izirayeli minin lɛn nə́ kii yɛ.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.

Samayeli1 2:29

Wàa na á baa ka tá barka boe masɛ a wúlu màn lɛ laanka masɛ gɔ ǹ màn lɛ nɛ? Ma bɛ́ máa ka ǹ mɛnɛn bɔ maa kion. Wàa na á baa Elii ná a nɛnyaanan narɛ á la masɛ nɛ, a giala, manə ǹ dinin toe ka masɛ a zaman, Izirayeli nɛnyaanan gɔn màn tumaa a sonbore ne.