Timəə dí-pɛn 32:11 - LAWA A BOO SONBORE

¹¹ Ka giogiatã-a bɛ́ a nɛnyaanan foo taɛ̃ lɔn, bɛ̀ a n bibiə̃ ǹ mìi la, á n nyàan lɛ bɔ sababa, á ǹ goa á ǹ kaa a nyàan la,

LAWA A BOO SONBORE 2011

¹¹ Ka giogiatã-a bɛ́ a nɛnyaanan foo taɛ̃ lɔn, bɛ̀ a n bibiə̃ ǹ mìi la, á n nyàan lɛ bɔ sababa, á ǹ goa á ǹ kaa a nyàan la,

Timəə dí-pɛn 32:11 ပူးပေါင်းရင်းမြစ်များ

Siin Giala 1:2

Kanaa lɛ gɔ́ɔ̃ kooro na á goã, màn kɔ́n banban. Bǎã tumaa na á goã mu lɛa, wɔlɔ tumaa n tì. Lawa Yiri na á goã bìn diɛ mu lɛ ganaa.

Loen 18:10

Dɛnaa Lawa lon toɛ̃, á gisĩ. Á gisĩ ka labara kaara nɛ a gòãn giulun.

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Izayii 31:5

Ka bàan bɛ́ n nyàa nyoɛ̃ a nɛnyaanan la lɔn, Dɛnaa Lawa Pàãyiidɛnaa n die Zeruzalɛmu tamɛɛ miɛ̃. Á re a zia gii diɛ, a na a kanbaa. Á re tamɛɛ, a na a kirisibaa.

Izayii 40:31

Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

Izayii 46:4

Man miɛ̃ yǎa kaa zizi kɔ waáraa. Man ka guĩ miɛ̃ yǎa ka mìi ka fúli. Má din nə má zɛnaa lɛlɛ, ma din nə die ka guĩ doo. Ma á re ka gɔ̀nɔn kuĩ, ma ka kirisibaa.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 13:11

Dɛnaa Lawa a da ǹ boo á ke: «Minbuiin nɛn bɛ́ maabɛlɛ yii ǹ binbin ni lɔn, ma dɔ n má Izirayeli zaman laanka Zudaa zaman yii ma binbin ni miɛ̃, máa ǹ maa zaman baa, ǹ ma tɔ bɔ, ǹ gugurubaa da ma tɔ la, ǹ ma foo kɔɔ̃n kɔ. Sɛnɛ, ǹ nə n too kɔ ma lon wa.»

Ozee 11:3

Ma din ni má gòã saa bibinaa giala nyaa Efrayimu ni, má gũ ma kolo-n, a dɔ̃ mà ma tá asɛ tamiɛ̃ wa.

Timəə dí-pɛn 33:12

Bɛnzamɛn tɔrɔn wɔ paǹ li, a na á kɛ pɛ: «Dɛnaa Lawa Bɛnzamɛn tɔrɔn narɛ parsiini. Maǹ là nyantoro la kun ka n din ni, n din nə ǹ tamaɛ baraabaraa n din nə giã nɛ ǹ bii.»

Ebrəə 11:3

Golee Lawa li n toɛ, wɔ á doɛ̃ wáa Lawa na á kanaa da ka a boo ne. Bɛ lɛ nɛ, wɔ yii bɛ́ kanaa mɛn ganaa, bɛ bie á n zɛnaa ka màn yɛ ka yii-n wole-n wa.

Sii-nyaan 12:14

Sɛnɛ, ǹ nə́ giogialatã-a gole kɛ nyàan kɔ lɔ lɛ la, mà a yoo a wo a giã ǹ bǎã lɛ-n don gɔ́ɔ̃ nɛ, maǹ die toe walan, yǎa lɛ̀ sɔɔ ka talɛɛ, a wɔlɔ á re sɔsɔɔ koe miɛ̃ kɛ ganaa.

Sii-nyaan 12:4

Á leere talakɔn sɔɔbaa ǹ wɔ nɔɔ ka a mui ni, á kaa tán. Á daa golee lɔ nɛ-yɛle lɛ yɔrɔ-a, bɛ̀ a ná a nɛ lɛ yɛ lɔn gɔrɔ, a kũ a sɔ̃.