Timəə dí-pɛn 32:10 - LAWA A BOO SONBORE

¹⁰ Lawa na á woo a minin yaa don, ǹ dininsɔɔ̃nɔn, don mànan lɛ-baa bii, á ǹ tamaa, á ǹ doroo, á ga ǹ walan, ka a din yii nàn bɛ́ lɔn.

LAWA A BOO SONBORE 2011

¹⁰ Lawa na á woo a minin yaa don, ǹ dininsɔɔ̃nɔn, don mànan lɛ-baa bii, á ǹ tamaa, á ǹ doroo, á ga ǹ walan, ka a din yii nàn bɛ́ lɔn.

Timəə dí-pɛn 32:10 ပူးပေါင်းရင်းမြစ်များ

Loen 107:40

A din nə barka boe pàãman kɛn nɛ, á toɛ ǹ nə́ n bibiĩ don sa bii, zii ná a banban ǹ tá koe lɛ wa.

Loen 17:8

N bɛ́ n din yii nàn tamaɛ lɔn, ma tamaa miɛ̃. Ma duru n din nyàa giulun.

Suusun 7:2

Bɛ̀ n tá li n yii goã koo, maa dí-pɛn kɛn tamaa, ka maa daraan kɛn nɛ ka gɔn màn giɔ̀mɔ kaka bɛ́ lɔn.

Loe kɔɔ̃n kɔɔ̃n 8:5

Lɔ mɛn nə ke n toɛ diə gole li die, paraa-n denden a din foo dùũ wɔ gùrù ganaa? Man má n yii kaa pɔmu da kɛ giulun, n dan bɛ́ á n nɔ̀ si bǎã mɛn lɛ nɛ, a bɛ́ á n yɛ á n da kanaa bǎã mɛn lɛ nɛ.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 13:11

Dɛnaa Lawa a da ǹ boo á ke: «Minbuiin nɛn bɛ́ maabɛlɛ yii ǹ binbin ni lɔn, ma dɔ n má Izirayeli zaman laanka Zudaa zaman yii ma binbin ni miɛ̃, máa ǹ maa zaman baa, ǹ ma tɔ bɔ, ǹ gugurubaa da ma tɔ la, ǹ ma foo kɔɔ̃n kɔ. Sɛnɛ, ǹ nə n too kɔ ma lon wa.»

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Ezekieli 16:5

N yɛ pinaa gɔrɔ, min kɔn nə n makara dɔ̃ á bɛa siin kɛn lɛn kɔn zɛnaa n nɛ wa. N tìĩ bɔ ǹ nyin ni, ǹ nə́ n zũ don.

Ezekieli 20:36

Ma goã má kiri kuru ka digolon la lɔn Ezipti diə gole kɛ nɛ, man die kuri ka dɔn la miɛ̃. Ma din Dɛnaa Lawa a da ǹ boo ne.

Ozee 11:3

Ma din ni má gòã saa bibinaa giala nyaa Efrayimu ni, má gũ ma kolo-n, a dɔ̃ mà ma tá asɛ tamiɛ̃ wa.

Ozee 13:5

Man má n dɔ̃ diə ne, lɛ̀ gere gána nɛ.

Zakarii 2:12

Dɛnaa Lawa Pàãyiidɛnaa a da ǹ boo á ke, asɛ mɛn dí gole wɔ ma gɔn, mà ma pɛ tɔrɔn kɛn manɛ ǹ nə́ ka kokoo: «Min woo min yoo ka gialaa, ǹ dɛnaa na á n gɔn sã masɛ din yii ni.

Zakarii 2:8

á pɛ-n kɛnɛn: – Baa si n wo pɛ tɔntɔraagiĩ kɛ nɛ biɛ ná a gɔn: «Zeruzalɛmu doamaa nɛ a goã kiwi lɛa kungɔn ná a ba a ganaa wa. A giala, minbuiin nɛn laanka tɔɔn mɛnɛn bɛ́ a nɛ, ǹ tá re mɔnɛɛ ǹ la yii ni.

Rɔmu minin 2:18

N tá Lawa lɛ foo sii doɛ̃, n doamaa bɛ nɛ n màn mɛn zɛnaa, a dí-pɛn nə́ bɛ nyaa n nɛ.

Rɔmu minin 3:2

Hiĩ, mìi tá la, mìi gole gole dinin. Bibinaanɛ, Lawa na á boo da ka Zuifun ni. A na á ná a boo lɛ koa ǹ dinin li.

Timəə dí-pɛn 1:19

Bɛ kio, wɔ́ kiɛ̃ wɔ́ n bɔ Horɛbu kele li, ka wɔa Lawa, Dɛnaa Lawa lɛ goã á pɛ á laa wɔ-a lɔn. Wɔ don gangabiɛ mɛn yɛ a sii n nyɛ́ɛ diɛ, wɔ́ bɛ lɛ wɔsɔ kɔn, wɔ́ Amɔɔrɔ tɔrɔn kele yii zii kɛ saa, wɔ́ daa yǎa Kadɛsi-Barneya.

Timəə dí-pɛn 1:31

ka diə gole kɛ dɔ gɔ́ɔ̃ nɛ. Ka dinin bɛ́ ká yɛ. Ka zii tɔ mɛn tumaa wɔ ká tɔ́n dɔ bǎã kɛ lɛ nɛ, kaa Lawa, Dɛnaa Lawa lɛ na á ka tamaa bɛ gɔ́ɔ̃ nɛ, ka min bɛ́ a nɛgiĩ siɛ, bɛ̀ a tamaa a kolo-n lɔn.»

Timəə dí-pɛn 4:36

A din lɛ na á n toa lon, á boo da ka nɛ, á ka daraa. A ka toa tán, á ná a tɛ gole kɛ nyaa ka nɛ, ká a boon ma bɛa tɛ lɛ bii.