Timəə dí-pɛn 31:9 - LAWA A BOO SONBORE

⁹ Muizu bɛa dí-pɛ lɛ kiɛ̃ á kɔ *Levii tɔrɔn wúlu-bɔlen kɛn la, ǹ mɛnɛn lɛn bɛ́ Dɛnaa Lawa a *lɛ kɔ kɔn la ǹ goo guĩ, á kɔ Izirayeli tɔrɔn min golen tumaa dɔ la.

LAWA A BOO SONBORE 2011

⁹ Muizu bɛa dí-pɛ lɛ kiɛ̃ á kɔ *Levii tɔrɔn wúlu-bɔlen kɛn la, ǹ mɛnɛn lɛn bɛ́ Dɛnaa Lawa a *lɛ kɔ kɔn la ǹ goo guĩ, á kɔ Izirayeli tɔrɔn min golen tumaa dɔ la.

Timəə dí-pɛn 31:9 ပူးပေါင်းရင်းမြစ်များ

Kiin1 8:3

Izirayeli a min golen tumaa bɛ́ ǹ nə́ dɔ, Lawa a wúlu-bɔlen lɛn nə́ goo lɛ saa ǹ nə́ woo ne.

Kiin2 17:37

A landa boon laanka sii yɔrɔ bɔ ǹ boon mɛnɛn kiɛ̃, ka dí-pɛn laanka gɔn waa ǹ boon kɛn nɛ á kɔ ka la, ka die ka bɛn lɛn tamaa baraabaraa. Ka baran lawa kɔsɔn guguru kɔ wa.

KZS1 15:2

Á tɔn pɛ kəni: Bɛ̀ Lawa a goo lɛ tá n guĩ, a n die goɛ̃ *Levii tɔrɔn dininsɔɔ̃nɔn manɛ, a giala mà Dɛnaa Lawa na á ǹ bɔ mà ǹ Dɛnaa Lawa a goo lɛ gũ, ǹ na a dí nya biikoo tumaa li.

Nehemii 8:3

Ɛsidrasi bɛa sɛ́wɔ kɛ lɛ pɛ bii-a Mu kiɛnlɛ lɛ nyɛɛnɛ, giĩn laanka lɔn yɔrɔ-a, ka min mɛn tumaa goã boe la ǹ nə́ boo giala miɛ, ǹ ná a woo ǹ bǎã dɔ doɛ̃. A kũ baayɛlɛ yiisoo ganaa a wo penleen yaa, zaman lɛ tumaa na á goã n too koe doɛ̃ dí-pɛn sɛ́wɔ lɛ a boon ganaa.

Bɔ bɛ̀rɛbaa nɛ 24:4

Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Malakii 2:7

Hiĩ, Lawa a wúlu-bɔle a nya ǹ dí n ka Lawa doɛ̃ nɛ, ka a landan tamaa nɛ. Maǹ die nɔ̀n diɛ a din la ka Lawa a dí-pɛn yɔrɔn nɛ. A din ni Dɛnaa Lawa Pàãyiidɛnaa á boo sii á pɛ wole lɛa.

Minin nimi 33:2

Izirayeli minin lɛn nə goã golee bǎãn mɛnɛn nɛ, bɛ̀ ǹ wusoo ǹ yoo ǹ tɔ wɔ, ka Dɛnaa Lawa goã pii ǹ nɛ lɔn, Muizu goã á bɛa bǎãn lɛn tɔn kiɛ̃. Ǹ golee bǎãn mɛnɛn nɛ, ǹ nə́ tɔ́n yoo ǹ nə́ tɔ wɔ, bɛa bǎãn lɛn tɔn nə́ ke:

Minin nimi 4:15

Bɛ̀ Izirayeli minin lɛn tá yui n boe bǎã nɛ biikoo mɛn li, bɛ̀ Aarɔn laanka a nɛgiĩn nə́ màn pɛnɛ kion sonbore lɛ laanka a dí nya ǹ mànan kɛn tumaa ganaa ǹ nə́ nya, Keyati tɔrɔn lɛn nə da ǹ goa. Sɛnɛ ǹ gɔn na a ba re miɛ màn sonboren lɛn gɔ̀nɔn kooromaa-a wa, màn mɛn bɛ́ toɛ ǹ baran gã wa. Keyati tɔrɔn lɛn dí n ka bɛ lɛ nɛ, kɔn yɛ ka Lawa nɛ ǹ kion lɛ nɛ.

Minin nimi 4:5

Bɛ̀ Izirayeli minin lɛn tá yui n boe ǹ giã ǹ bǎã nɛ, Aarɔn laanka a nɛgiĩn die ǹ da kion bii kuru kɔn-a ǹ mɔnaa kɛ bɔ, ǹ kɔ *lɛ kɔ kɔn la ǹ goo lɛ lɛ.

Minin nimi 4:6

Kɔmalɛ mɛn nə́ ke á n zɛnaa ka siĩ ki kəkə ne, ǹ bɛ kɔ lɛ. Bɛ kio, mɔnaa mɛn nə́ ke a gɔ̀nɔn yii n bɔlaan lɛa, ǹ bɛ kuməə a din tumaa ganaa, ka goo lɛ a saa ǹ bàlàn kaa a ganaa.

Marki 12:19

– Mìinaa, Muizu na á landa kɛ kɔ wɔsɛn la, á pɛ: «Bɛ̀ giĩ mɛn gã, a ná a lɔ toa walan a ná a nɛ yɛ a ganaa wa, ǹ dɔɔ̃n doamaa nɛ a bɛa lɔ giɔɔrɔ lɛ saa a nɛnyaanan yɛ a ganaa, ǹ dɔɔ̃n papaã wole lɛ wɔn lɛa.»

Luku 20:28

«Mìinaa, Muizu na á landa sii kɛ kiɛ̃ á kɔ wɔsɛn la: bɛ̀ min dɔɔ̃n nə́ lɔ saa, á goã a ná a nɛ yɛ lɔ lɛ-a wa yǎa á woo gã, ǹ dɛnaa nə ǹ dɔɔ̃n a lɔ lɛ saa a nɛnyaanan yɛ a ganaa, màn mɛn bɛ́ toɛ, ǹ dɔɔ̃n lɛ tɔrɔ goã.»

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 1:45

Filipi dɔ́ kiɛ̃ á woo dɔ Natanayeli li, á pɛ nɛ: «Muizu boo da min mɛn wɔ gɔn la landa sɛ́wɔ nɛ, Lawa a boo gii-dalin dɔn nə́ boo da a wɔ gɔn la, wɔsɛn nə́ yɛ: Yezu ni, Nazarɛtin Zozɛfu a nɛgiĩ ni.»

Zaã a sɛ́wɔ 5:46

Bɛ̀ ka n ka waa Muizu la, bɛ̀ ka tá wɛɛ masɛ dɔ la, a giala, Muizu na á masɛ din boo da a sɛ́wɔ lɛ nɛ.

Timəə dí-pɛn 10:8

A saa bɛa waáraa lɛ ganaa a da kaa pelo lɛ, Dɛnaa Lawa na á *Levii tɔrɔn kɛn bɔ á ǹ koa ǹ gɔrɔn, mà ǹ na asɛ a *lɛ kɔ kɔn la ǹ goo kɛ gũ, bɛ̀ ǹ golee asɛ yɔrɔ-a, ǹ na asɛ a dí nya, bɛ̀ ǹ barka da minin ganaa ka asɛ tɔ nɛ.

Timəə dí-pɛn 17:18

Bɛ̀ kii lɛ giã a kiibaa la ǹ mɛn waáraa, Levii tɔrɔ wúlu-bɔlen kɛn bɛ́ re dí-pɛn mɛnɛn koe la, a die a wusoo a kɔ bɛn lɛn lɛ, a ǹ kiɛ̃ sɛ́wɔ kɔsɔ nɛ, a din wɔ lɛa.

Timəə dí-pɛn 31:28

A bɛ́ miɛ̃, ka kaa tɔrɔn lɛn min golen tumaa laanka ǹ zaman-lɛduə̃lin sɔkɔn ma li. Ma á re lon laanka tán biɛ ma siéren lɛa ǹ ganaa, mà boon kɛn pɛ Izirayeli minin lɛn manɛ ǹ ma.

Timəə dí-pɛn 33:10

Ǹ dinin lɛn man Zakɔba tɔrɔn darɛɛ n sii yɔrɔ bɔ ǹ boon ganaa, ǹ dinin man Izirayeli minin darɛɛ n dí-pɛn ganaa. Ǹ dinin man nyɔɔ gìĩ kɔɔ̃n tiɛ̃ n yɔrɔ-a, ǹ dinin man *wúlu màn tiɛ̃ *wúlu bɔ ǹ bǎã kɛ nɛ.

Zozoe 3:3

ǹ nə́ zaman lɛ doro ka boon kɛn nɛ: «Dɛnaa Lawa lɛ, kaa Lawa lɛa, bɛ̀ ka bɛa *lɛ kɔ kɔn la ǹ goo kɛ yɛ Levii tɔrɔ wúlu-bɔlen kɛn gɔn lɔn, didie yoo a n bɔ a giã ǹ bǎã nɛ a kɔ lɛ.

Zozoe 6:12

Zozoe yoo baayɛlɛ yiisoone, wúlu-bɔlen lɛn dɔn nə́ Dɛnaa Lawa a goo lɛ saa.