Timəə dí-pɛn 31:6 - LAWA A BOO SONBORE

⁶ Ka n gù we yii, ka n foo taã, ka baran nyɛ́ɛ baa wa, ka gɔ̀nɔn baran bìn da ǹ nyɛɛn wa. A giala, kaa Lawa, Dɛnaa Lawa din nə die ka diɛ zii, a re n gɔn boe ka ganaa wa, a re ka toɛ walan wa.»

LAWA A BOO SONBORE 2011

⁶ Ka n gù we yii, ka n foo taã, ka baran nyɛ́ɛ baa wa, ka gɔ̀nɔn baran bìn da ǹ nyɛɛn wa. A giala, kaa Lawa, Dɛnaa Lawa din nə die ka diɛ zii, a re n gɔn boe ka ganaa wa, a re ka toɛ walan wa.»

Timəə dí-pɛn 31:6 ပူးပေါင်းရင်းမြစ်များ

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 28:15

Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»

Samayeli2 10:12

N gù we yii. Daa wɔ n gù we yii wɔ tɔrɔ minin lɛn laanka wɔa Lawa a kiwin kɛn lɛa. Sii mɛn bɛ́ siĩn Dɛnaa Lawa yii li, Dɛnaa Lawa din bɛ zɛnaa.»

Kiin1 2:2

– Ma dɔ n die woe min tumaa a woo ǹ bǎã nɛ. N gɔ̀nɔn da n din-a, n giĩbaa zɛnaa!

Kiin1 6:13

Man die goɛ̃ Izirayeli minin lɛn bii, ma ba re maa zaman Izirayeli minin lɛn toɛ walan wa.»

Kiin1 8:57

Wɔa Lawa, Dɛnaa Lawa lɛ die a goã kun ka wɔ nɛ ka a goã kun ka wɔ digolon ne lɔn. A baran n gɔn bɔ wɔ ganaa wa, a baran wɔ toa walan duduu wa.

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

KZS2 32:7

«Ka toa ka goã kaka ka foo n tã. Ka baran nyɛ́ɛ baa wa. Ka nyan toa nyɛ́ɛ ka kũ Asiiriin kii yɔrɔ-a kɔnlɛ ka zia-baali damata kɛ-n kun ni wa. Taãnɛ, pàã gole goon tá kun ka wɔ nɛ, bɛ ná a ba kunun ǹ ni wa.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Loen 94:14

Sonbore, Dɛnaa Lawa ba n gɔn boe a zaman kɛ ganaa wa. A ba a din wɔn kɛn toɛ walan wa.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Zeremii 1:8

N baran nyɛ́ɛ baa ǹ nɛ wa, ma á kunun n ni, ma n kirisibaa. Dɛnaa Lawa a da ǹ boo ne.

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Azee 2:4

Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!»

Minin nimi 13:20

Ka ga a ganaa, bɛ̀ a tán tá siĩn hinlaa bɛ̀ a siĩn wa, bɛ̀ da bǎã nɛ hinlaa bɛ̀ da bǎã bie wa. Ka n foo taã, ka gána lɛ a da nɛ na ka da nɛ ka gɔn.» Bɛ́ daa yǎa bɛ̀ *rezɛ̃ da nɛ bibinaan ma biikoo ne.

Minin nimi 13:9

Rafuu a nɛgiĩ Paltii n Bɛnzamɛn tɔrɔn wɔ lɛa,

Minin nimi 14:9

Sɛn kəni, ka baran n gòãn dii Dɛnaa Lawa ganaa wa. Ka baran nyɛ́ɛ baa bɛa gána kɛ lɛ a minin man wa. Bɛa minin kɛn lɛn ba re wɔsɛn lɛ boe goon dinin wa. A giala, ǹ bɛ́ dìn mɛnɛn wúlu li, bɛn nə́ ǹ toa walan. A da yaa, Dɛnaa Lawa á kun ka wɔsɛn nɛ. Ka baran nyɛ́ɛ din baa ǹ nɛ wa.»

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Korɛnti1 16:13

Ka n yii dɔraa, ka goã doa-n sɔnbɔraa nɛ goleemali gɔ́ɔ̃ nɛ. Ka toa ka goã min kakan lɛa, ka foo n tã.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timəə dí-pɛn 1:21

Ka ga, kaa Lawa, Dɛnaa Lawa na á gána kɛ lɛ koa tán ka yɔrɔ-a. Ka woo, ka si ka baa kaa wɔ lɛa, ká ka digolon Lawa, Dɛnaa Lawa lɛ goã á n lɛ kɔ ka la ka a sii-n lɔn. Ka baran nyɛ́ɛ baa wa, ka gù baran gã wa.»

Timəə dí-pɛn 1:29

Masɛ Muizu tɔ́n pɛ ka-n kɛnɛn: «Ka gɔ̀nɔn baran bìn da wa, ka baran nyɛ́ɛ baa ǹ nɛ wa.

Timəə dí-pɛn 11:8

Ma bɛ́ gɔn waa ǹ boon mɛnɛn tumaa pii ka nɛ pelo, ka bɛn tamaa. Bɛ á re toɛ ka pàã yɛ, ka bɛ́ re kiɛ̃ ka kaa gána mɛn lɛ nɛ, ka boo la ka si ka baa kaa wɔ lɛa.

Timəə dí-pɛn 20:1

Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.

Timəə dí-pɛn 31:23

Bɛ kio, Dɛnaa Lawa nə́ n gɔn waa Nunu a nɛgiĩ Zozoe dɔ nɛ, á pɛ nɛ: «N gù we yii, n nə n foo taã. A giala, man lɛ kɔ Izirayeli minin lɛn la ka gána mɛn a sii ni, n din lɛ n die woe ǹ ne walan. Ma din Lawa á re goɛ̃ kunun n ni.»

Timəə dí-pɛn 31:7

Bɛ kio, Muizu lɛ dia Zozoe la, á pɛ nɛ Izirayeli minin lɛn tumaa yii ni: «N gù we yii, n nə n foo taã. A giala, Dɛnaa Lawa nə n liɛ zaman kɛ lɛ digolon ne mà asɛ á re gána mɛn lɛ koe ǹ la, n din Zozoe n die woe ka zaman kɛ lɛ-n walan. N din nə die bɛa gána kɛ lɛ gii ǹ bii.

Timəə dí-pɛn 31:8

Dɛnaa Lawa din tá re miɛ̃ n nyɛɛnɛ, á re goɛ̃ kun n ni. A re n gɔn boe n ganaa wa, a re n toɛ walan wa. N baran nyɛ́ɛ baa wa, n baran toa màn kɔn nyɛ́ɛ da n ganaa wa.»

Timəə dí-pɛn 4:31

A giala, kaa Lawa, Dɛnaa Lawa lɛ n makara-doɛ̃ wole lɛa. A re n gɔn boe ka-a wa, a re ka bɔ̀n biɛ wa, a lɛ kɔ kɔn la mɛn wɔ ka digolon ne á n liɛ, a yiri a die boe ka bɛ-n wa.

Timəə dí-pɛn 7:18

Ka baran nyɛ́ɛ baa ǹ nɛ wa. Dɛnaa Lawa sii mɛn zɛnaa Eziptin kii laanka a gána minin manɛ, ka n yiri kɔa bɛ li.

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Zozoe 10:25

Zozoe tɔ́n pɛ ǹ nɛ: «Ka baran nyɛ́ɛ baa wa, ka foo baran biɛ na wa. Ka n foo taã, ka n gù we yii. A giala, kaa zɔ́ɔn mɛnɛn tumaa á ke ǹ nə́ die zia biɛ ka ganaa, Dɛnaa Lawa n die zɛnɛɛ ǹ tumaa-n kɛnɛn.»

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.