Timəə dí-pɛn 31:3 - LAWA A BOO SONBORE

³ Kaa Lawa, Dɛnaa Lawa lɛ din nə die miɛ̃ ka nyɛɛnɛ. Tɔrɔ kɔsɔn mɛnɛn bɛ́ ka nyɛɛnɛ, a din nə die bɛn dii lenlen, ka tɔn nə ǹ bǎã si ka baa kaa wɔ lɛa. Sɛnɛ, Zozoe n die ka nyɛɛnaandɛnaa biɛ, ka Dɛnaa Lawa bɛ́ á pɛ lɔn.

LAWA A BOO SONBORE 2011

³ Kaa Lawa, Dɛnaa Lawa lɛ din nə die miɛ̃ ka nyɛɛnɛ. Tɔrɔ kɔsɔn mɛnɛn bɛ́ ka nyɛɛnɛ, a din nə die bɛn dii lenlen, ka tɔn nə ǹ bǎã si ka baa kaa wɔ lɛa. Sɛnɛ, Zozoe n die ka nyɛɛnaandɛnaa biɛ, ka Dɛnaa Lawa bɛ́ á pɛ lɔn.

Timəə dí-pɛn 31:3 ပူးပေါင်းရင်းမြစ်များ

Siin Giala 48:21

Bɛ kio, Zakɔba pɛ Zozɛfu ni: «Ma á re giɛ̃, sɛnɛ, Lawa á re goɛ̃ kun ka nɛ, á re toɛ, ka wusoo ka da ka digolon gána nɛ.

Nya ǹ dín 7:45

Mɔnaa kion lɛ bɛ́ á n kɔ bɛa digolon kɛn kiodɛnan la, bɛn nə́ wɔ nɛ Kanaan gána nɛ, Zozoe nə ǹ nyɛɛnaan bɔ, ǹ nə́ wɔ gána mɛn nɛ, bɛ̀ Lawa bɛ́ tɔrɔ kɔsɔn lui boe ǹ nyɛɛnɛ. Wɔ digolon kɔsɔn mɛnɛn nə́ da bɛn kio, maǹ nə́ toa bɛn dɔn gɔn. A na á n zɛnaa miɛ̃ yǎa á daa dɔ wɔ digolon kɛn ganaa kii Davida a biikoo li.

Timəə dí-pɛn 1:30

Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Timəə dí-pɛn 3:28

N gɔn waa Zozoe ne n na a gù we yii, n na a foo taã. A giala, n yii bɛ́ gána mɛn ganaa, Zozoe lɛ din nə die Zurdɛ̃ tà kuri ka zaman kɛ nɛ, a wo bɛa gána lɛ kɔ ǹ la.»

Timəə dí-pɛn 31:14

Bɛ kio, Dɛnaa Lawa tɔ́n pɛ Muizu ni: «N gɛ̀ lɛawaa diri. Lɛ dia Zozoe la, ka da kun, kɔn yɛ ka Lawa nɛ ǹ kion kɛ nɛ, man gɔn waa nɛ.» Muizu laanka Zozoe woo kɔn yɛ ǹ kion lɛ nɛ.

Timəə dí-pɛn 31:23

Bɛ kio, Dɛnaa Lawa nə́ n gɔn waa Nunu a nɛgiĩ Zozoe dɔ nɛ, á pɛ nɛ: «N gù we yii, n nə n foo taã. A giala, man lɛ kɔ Izirayeli minin lɛn la ka gána mɛn a sii ni, n din lɛ n die woe ǹ ne walan. Ma din Lawa á re goɛ̃ kunun n ni.»

Timəə dí-pɛn 31:4

Dɛnaa Lawa Amɔɔrɔ tɔrɔn kii Sihɔn laanka Ɔgu dɛ, á ǹ gána yu. A sii mɛn zɛnaa bɛn manɛ, a n die bɛ lɛ miã zɛnɛɛ bɛa tɔrɔn lɛn dɔn manɛ.

Timəə dí-pɛn 34:9

Nunu a nɛgiĩ Zozoe yiri na á goã piɛ̃-n ka sii-doɛ̃ nɛ, a giala, Muizu na á goã á n gɔn da la. Izirayeli minin lɛn ná a bɔlɔ si. Dɛnaa Lawa goã á màn mɛn pɛ Muizu ni, mà a pɛ ǹ nɛ, maǹ nə́ sii tumaa zɛnaa á kɔnpɛ ka bɛ lɛ nɛ.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Timəə dí-pɛn 9:3

Ka dɔ̃ pelo, mà kaa Lawa, Dɛnaa Lawa lɛ din nə die miɛ̃ ka nyɛɛnɛ, ka tɛ á ke màn kuĩ lɔn. A din nə die ǹ dii, a ǹ kaa tán ka nyɛɛnɛ. Ka á re ǹ lui, ǹ papaã ǹ nə n bɔ walan bǎã goon, ka Dɛnaa Lawa bɛ́ á n lɛ kɔ ka la lɔn.

Ebrəə 4:8

Sonbore, bɛ̀ Zozoe na á zaman lɛ kaa susui li, bɛ̀ Lawa a re lɛawaa kɔsɔ boo diɛ doo wɔ susui ni ǹ lɛawaa lɛa wa.

Zozoe 1:2

«Maa dí-nyali Muizu gã. Kanna kəni, n din yoo, n Zurdɛ̃ tà kɛ kuru, n din laanka zaman kɛ lɛ tumaa nɛ. Ma bɛ́ gána mɛn koe ka dinin Izirayeli minin lɛn la, ka wo walan.

Zozoe 11:15

Dɛnaa Lawa goã á pɛ a dí-nyali Muizu-n lɔn, Muizu dɔ na á pɛ Zozoe-n miɛ̃, Zozoe dɔ na á zɛnaa miɛ̃. Dɛnaa Lawa goã á màn mɛn tumaa pɛ Muizu ni, Zozoe nə ǹ kɔn na á da wa.

Zozoe 3:7

Dɛnaa Lawa pɛ Zozoe ne: «Pelo, man die a giala koe, ma n tɔ saa lon Izirayeli minin lɛn tumaa yɔrɔ-a. Bɛ á re toɛ ǹ dɔ̃, mà ma á re goɛ̃ kunun n ni ka ma bɛ́ má goã kun ka Muizu-n lɔn.

Zozoe 4:14

Bɛa pinaa kɛ lɛ nɛ, Dɛnaa Lawa nyaa Izirayeli minin lɛn tumaa nɛ, mà asɛ din na á tɔ kɔ Zozoe la. A saa bɛ lɛ ganaa lɔn, ǹ nə́ nyɛ́ɛ baa Zozoe ne, ka ǹ bɛ́ ǹ nə́ goã nyɛ́ɛ biɛ Muizu-n lɔn a tá kanaa lɛawaa tumaa gɔ́ɔ̃ nɛ.