Timəə dí-pɛn 31:16 - LAWA A BOO SONBORE

¹⁶ Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

LAWA A BOO SONBORE 2011

¹⁶ Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Timəə dí-pɛn 31:16 ပူးပေါင်းရင်းမြစ်များ

Siin Giala 15:15

Sɛnɛ, nsɛ Abramu á re zizi koe, n gã ka yii-nyɛɛ nɛ, ǹ nə n gere bĩ.

Siin Giala 25:8

bɛ kio, á tɔ́n gã. Á zizi kɔ parsiini, á gã bɛ̀ a yii n nyɛɛ nɛ a zizi kɔ lɛ gɔ́ɔ̃ nɛ. Ǹ ná a gere bĩ ǹ minin geren bĩ ǹ bǎã nɛ.

Siin Giala 47:29

A gɛ̀ bɛ́ dirii ǹ mɛn waáraa, a ná a nɛgiĩ Zozɛfu lɛ bíi, á pɛ nɛ: «Bɛ̀ ma sii a kɔɔ̃nɛ n ganaa, n kɔn-narɛɛ laanka n bɔlɔgoondɛnaabaa nyaa ma nɛ. N baran ma gere bĩ Ezipti gána-n wa. N gɔn wɔ ma gisi li, n nyaa, mà ń lɛ kɔ.

Siin Giala 47:30

Bɛ̀ ma gã, n ma gere saa Ezipti, n wo bĩ ma digolon gere bĩ ǹ bǎã nɛ.» Zozɛfu ná a lɛ si: «N pɛ lɔn, ma á re zɛnɛɛ miɛ̃.»

Samayeli2 7:12

Bɛ̀ n lɛawaan lɛ pã ǹ mɛn waáraa n papaã n nə́ n bɔ kanaa, ma á re n din gɔ́ɔ̃gɔ́ɔ̃ ǹ nɛ goon boe ma koa kii lɛa n bǎã nɛ. Ma á re pàã we a kiibaa lɛ nɛ.

Kiin1 1:21

Bɛ̀ a baa miɛ̃ wa, n wɔ tii li kio, ǹ tá re sii baraa a dɔlɔ boe masɛ laanka maa nɛ Salomɔn ganaa kooro.»

Kiin1 18:18

Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Kiin2 18:12

A giala Izirayeli minin lɛn man nə n too kɔ ǹ Lawa, Dɛnaa Lawa lɛ lon wa. Ka bɛ dɔ nɛ, ǹ ná a lɛ kɔ kɔn la lɛ ziziɛ̃. Dɛnaa Lawa a dí-nyali Muizu goã á màn mɛn yii pɛ, ǹ nə n too kɔ bɛ-a wa, ǹ kɔ lɛ dɔn wa.

Kiin2 20:1

Bɛa biikoo lɛ li, busu kɔn Ezekiasi kũ, á woo dɔ gɛ̀ gɔn la. Amɔsi a nɛgiĩ Izayii lɛ Lawa a boo gii-dali lɛa, bɛ daa yaa, á pɛ nɛ: – Dɛnaa Lawa n kɛ pii: «N gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.»

KZS2 21:11

Zoraamu lɛ wúlu bɔ ǹ bǎãn dɔ Zudaa kelen la, á Zeruzalɛmu minin laanka Zudaa min kɔsɔn kɛn kaa lawa kɔsɔn guguru kɔ ganaa.

Zɔbu 20:11

A we na á goã kaka ka tɔntɔraa ten ne, sɛnɛ, a kakabaa lɛ á die wɛɛ tán kun ni tii li.

Loen 106:39

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.

Loen 73:27

A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.

Bɔ bɛ̀rɛbaa nɛ 32:6

A lɛawaa sonbore, ǹ yoo tán maa-n gɔrɔ, ǹ nə́ *wúlu màn tiɛ̃n bɔ, ǹ nə́ bii kɔɔ̃n kɔ kɔn wúlu mànan bɔ. Zaman lɛ giã tán á màn bii, á màn mi, bɛ kio, á yoo á sàn kɔ.

Bɔ bɛ̀rɛbaa nɛ 34:15

Ka baran toa ka wo lɛ kɔ wɔ ka bɛa gána kɛ lɛ a minin ni wa. Bɛ bie wa, bɛ̀ ǹ tá ǹ dìn guguru koe, ǹ nə́ ǹ wúlun boe, ǹ tɔn kiɛ̃ ǹ ka bíi, ka wo ǹ wúlu siĩn sɔ̃ kooro.

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Zeremii 36:7

Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Ezekieli 16:15

Ma n nə́ n saa n siĩnbaa kɛ li, n tɔ a bɔ kɛ taman yii, n kɔrɔbaa zɛnaa. N nə́ n din kɔ kiɛ̃ wolen tumaa la, ń kɔrɔbaa zɛnaa kunun ǹ ni, n nə́ n goã bɛn lɛn wɔ lɛa.

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Ozee 10:4

Boo n woe ǹ la. Maǹ lɛ kɔn we kɔn la, maǹ liɛ we soɛ la. Ǹsɛn gɔn, pepere-pɛ na á buu sèwòdɛnaa baa, ka nyankɔrɔ bɛ́ lɔn kantian bii ni wuru-n.

Lawa a wúlu-bɔlen 26:15

bɛ̀ ka n piã ka masɛ a landa boon kɛn nɛ, bɛ̀ masɛ a sii yɔrɔ bɔ ǹ boon kɛn tìĩ bɔ ka nyin ni, yǎa ka ǹ tii, bɛ̀ ka a masɛ a gɔn waa ǹ boon kɛn tumaa a sii zɛnɛɛ doo wa, ka maa lɛ kɔ kɔn la lɛ ziziɛ̃.

Minin nimi 27:13

N yii á die gána lɛ yii, bɛ kio, n dɔ n die giɛ̃ ka n dɔɔ̃n Aarɔn bɛ́ lɔn.

Nya ǹ dín 13:36

Dí goã Davida gɔn a din a biikoo kɛ li, a bɛ́ á bɛ nya Lawa nɛ á nya, á gã, ǹ ná a gere bĩ kunun ǹ digolon ne, a gere bɔɔ̃.

Timəə dí-pɛn 31:18

Bɛa pinaa kɛ lɛ-n sɛn, ma á re n yɔrɔ bɔyɛɛ ma bɔ ǹ la duduu, ǹ sii baraan kɛn lɛn tumaa a lɛa, ǹ nə́ die zɛnɛɛ. A giala, maǹ die lawa kɔsɔn guguru koe.

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Timəə dí-pɛn 32:50

N bɛ́ re dii kele mɛn lɛ la, n tá re giɛ̃ walan n wo n digolon li, ka ǹ dɔɔ̃ngiĩ Aarɔn nə́ ke á gã Hɔɔrɔ kele la lɔn, á woo ǹ digolon li.

Timəə dí-pɛn 34:5

Dɛnaa Lawa a dí-nyali Muizu na á gã walan Moabu gána nɛ, ka Dɛnaa Lawa bɛ́ á goã á pɛ lɔn.

Timəə dí-pɛn 4:25

Bɛ̀ ká giã gána lɛ nɛ á belebɔ, yǎa ka nɛnyaanan laanka nɔ̀ɔnɔn yɛ, ka nyan màn nyín zɛnaa ka ka dinin ziziɛ̃-n wa, haalɛ ta màn mɛn din nyín ni. Sii mɛn bɛ́ baraa kaa Lawa, Dɛnaa Lawa yii li, ka nyan bɛ zɛnaa, ka a foo yoo-n wa.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Sii yɔrɔ-bɔlen 10:13

Sɛnɛ, ka bɛ́ ka masɛ toa walan, ka dí nya lawa kɔsɔn manɛ, bɛ lɛ na á toa, ma a re wusii ma ka kirisibaa doo wa.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.

Sii yɔrɔ-bɔlen 2:11

Sii mɛn bɛ́ baraa Dɛnaa Lawa yii li, Izirayeli minin lɛn man nə́ bɛ zɛnaa, ǹ nə́ dí nya *Baalin manɛ.

Sii yɔrɔ-bɔlen 2:12

Ǹ nə́ Dɛnaa Lawa toa walan, ǹ digolon Lawa lɛ, asɛ mɛn bɛ́ á ǹ waa Ezipti gána nɛ á soo ǹ ne. Ǹ nə́ dìn guguru kɔ, tɔrɔn kɛn lɛn wɔn bii, tɔrɔn mɛnɛn lɛn nə goã ǹ lɛnpɛnɛ. Ǹ nə́ kaa tán bɛn yɔrɔ-a ǹ nə́ ǹ guguru kɔ, ǹ nə́ wɔ Dɛnaa Lawa lon.