Timəə dí-pɛn 31:11 - LAWA A BOO SONBORE

¹¹ Izirayeli minin tumaa bɛ́ re die n lɛ soekɔn ǹ Lawa, Dɛnaa Lawa yɔrɔ-a, bǎã kɛ nɛ a din bɔ á koa, ka die ka bɛa dí-pɛn sɛ́wɔ kɛ lɛ pɛ Izirayeli minin lɛn tumaa yii ni, ǹ ma.

LAWA A BOO SONBORE 2011

¹¹ Izirayeli minin tumaa bɛ́ re die n lɛ soekɔn ǹ Lawa, Dɛnaa Lawa yɔrɔ-a, bǎã kɛ nɛ a din bɔ á koa, ka die ka bɛa dí-pɛn sɛ́wɔ kɛ lɛ pɛ Izirayeli minin lɛn tumaa yii ni, ǹ ma.

Timəə dí-pɛn 31:11 ပူးပေါင်းရင်းမြစ်များ

Kiin2 17:37

A landa boon laanka sii yɔrɔ bɔ ǹ boon mɛnɛn kiɛ̃, ka dí-pɛn laanka gɔn waa ǹ boon kɛn nɛ á kɔ ka la, ka die ka bɛn lɛn tamaa baraabaraa. Ka baran lawa kɔsɔn guguru kɔ wa.

Kiin2 23:2

Bɛ kio, á woo Dɛnaa Lawa a kion lɛa sumu-n, Zudaa minin tumaa laanka Zeruzalɛmu minin tumaa n kun ni: Lawa a wúlu-bɔlen ne, Lawa a boo gii-dalin ni, zaman lɛ din tumaa, doobaan laanka pàãman nɛ. Lɛ kɔ kɔn la ǹ sɛ́wɔ mɛn bɛ́, ǹ nə́ yɛ Lawa a kion, kii lɛ bɛa boo yii pɛ ǹ nɛ.

Nehemii 8:13

A lɛawaa paabaa ǹ wɔ pinaa, zaman lɛ tumaa a kɛdɛnan nɛ, Lawa a wúlu-bɔlen laanka Levii tɔrɔn nɛ, ǹ nə́ n sɔkɔn Ɛsidrasi landa sii-daraali genli, màn mɛn bɛ́ toɛ ǹ dí-pɛn sɛ́wɔ lɛ a boon woo ǹ bǎã yɛ sɔnbɔraanɛ.

Nehemii 8:18

A saa zɔ́n lɛ a giala-kɔ pinaa ganaa, Lawa dí-pɛn sɛ́wɔ lɛ na á goã n pii, baraabaraa yǎa zɔ́n lɛ a nya pinaa. Maǹ nə́ zɔ́n lɛ zɛnaa lɛawaa sɔbaa, a lɛawaa kiwisibaa ǹ wɔ pinaa, a kɔnpɛ ka a yɔrɔ bɔ ǹ gɔn nɛ, ǹ nə́ n sɔkɔn ǹ nə́ zɔ́n lɛ a zɛnaa gɔn nyɔmɔ.

Nehemii 9:3

Ǹ bɛ́ golee-n lon ǹ bǎã nɛ, ǹ Lawa, Dɛnaa Lawa a dí-pɛn sɛ́wɔ kɛ na á n pɛ á belebɔ, á dɔ biikoo sɔɔ. Ǹ nə́ ǹ sii baraan dɔn pɛ, ǹ nə́ ǹ Lawa, Dɛnaa Lawa guguru kɔ, bɛ dɔ́ belebɔ á dɔ biikoo sɔɔ.

Loen 84:7

Ta bɛn man kiɛ̃ tán gere bǎã kɛ nɛ, a nə n bɔyɛɛ a mu bǎã nyantoto baa. La bibinaan kɛn man kiɛ la, ǹ barka wɔ a nɛ.

Bɔ bɛ̀rɛbaa nɛ 34:24

Sonbore, bɛ̀ masɛ tɔrɔ kɔsɔn loo ma ǹ bɔ ka nyɛɛnɛ, maa kaa gána gole kɔ, min kɔ́n ba re a lɛn zoɛ̃, mà a n die kaa gána lɛ kuĩ bɛa biikoo sɔɔ kɛ lɛ gɔ́ɔ̃-n wa, ka bɛ́ re woe kaa Dɛnaa Lawa yɔrɔ-a biikoon mɛnɛn li ke lɛn.

Nya ǹ dín 13:15

Muizu a Landa sɛ́wɔ laanka Lawa a boo gii-dalin sɛ́wɔ pɛ kio, lɛsɔkɔn kion lɛ a goledɛnan nə́ pɛ ǹ nɛ: – Wɔ dɔɔ̃nɔn lɛn, bɛ̀ kɔn doroo hinlaa kɔn foo taã ǹ boo kɔ́n tá ka lɛ-n, ka n die pii zaman nɛ, zii tan.

Nya ǹ dín 15:21

Sonbore, a kũ biikoo sɔsɔɔ ganaa, Muizu a dí-pɛn lɛn laakalaalin tá kiwi din tumaa nɛ, a giala, ǹ tá a sɛ́wɔ lɛ pii *susu ǹ pii tumaa li lɛsɔkɔn kionən ne.»

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:14

Sɛnɛ, Dɛnaa Lawa bɛ́ re bǎã mɛn boe kaa tɔrɔn lɛn bii, ka kaa wúlu mànan tã bɛa bǎã lɛ dinsɔɔ̃ nɛ. Man gɔn waa ka nɛ ka sii mɛn tumaa nɛ, ka a tumaa zɛnaa walan lɛ dinsɔɔ̃ nɛ.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.