Timəə dí-pɛn 30:9 - LAWA A BOO SONBORE

⁹ Kaa Lawa, Dɛnaa Lawa lɛ á re kaa nya ǹ dí tumaa bǐɛ̃ koe ka gɔn. Á re toɛ kaa nɛnyaanan laanka kaa tɔɔn nə mɔnaa, á re kaa tán-kɔsiɛ dɔ bǐɛ̃ koe. Bǐɛ̃ zɛnaa ǹ foo mɛn yɛ a lon ka digolon wɔ paǹ li, bɛ lɛ á re yii a lon ka dɔn wɔ paǹ li.

LAWA A BOO SONBORE 2011

⁹ Kaa Lawa, Dɛnaa Lawa lɛ á re kaa nya ǹ dí tumaa bǐɛ̃ koe ka gɔn. Á re toɛ kaa nɛnyaanan laanka kaa tɔɔn nə mɔnaa, á re kaa tán-kɔsiɛ dɔ bǐɛ̃ koe. Bǐɛ̃ zɛnaa ǹ foo mɛn yɛ a lon ka digolon wɔ paǹ li, bɛ lɛ á re yii a lon ka dɔn wɔ paǹ li.

Timəə dí-pɛn 30:9 ပူးပေါင်းရင်းမြစ်များ

Izayii 62:4

Ǹ ba re n bíi doo mà «Kiwi mɛn bɛ́ ǹ nə́ n la bɔ a ganaa» wa. Ǹ ba re n gána kɛ bíi doo mà «Kɛbɔlɔ» wa. Sɛnɛ, maǹ die n bíi «min mɛn bɛ́ kɔɔ̃n Dɛnaa Lawa ganaa.» Ǹ tá re n tán bíi: «Kɔn-wɔle sonbore.» A giala, n tá re kɔɔ̃n koe Dɛnaa Lawa ganaa, n tán lɛ dɔ á re zuũ yii.

Izayii 62:5

Ká tɔntɔraa bɛ́ kɔn we ka a nɛniɛ-n lɔn, min mɛn bɛ́ n doe, bɛ lɛ n die n zuũ biɛ. Ka lɔ tii bɛ́ n zuũ foo kɔɔ̃n koe lɔn, n dɔ n die Dɛnaa Lawa foo kɔɔ̃n koe miɛ̃.

Izayii 65:19

Ma foo á re kɔɔ̃n koe Zeruzalɛmu taman yii, Man die n nyɛnyɛɛ maa zaman a lɛa. Wuu laanka gú diɛ lɛ a re boe doo wa.

Zeremii 31:27

Kànaa ka boɛɛn, man die minbuiin nɛn laanka tɔɔn pɛsɛ̃ Izirayeli laanka Zudaa gána nɛ ká ǹ bɛ́ màn tɔrɔ pɛsɛ̃ wuru-n lɔn. Dɛnaa Lawa a da ǹ boo ne.

Zeremii 31:28

Má goã má yoo ǹ gialaa, má ǹ woɛ̃, má ǹ ziziɛ̃, má ǹ wuru, má bɔ̀n da ǹ ganaa. Sɛnɛ sisia, man die sii tumaa zɛnɛɛ ǹ nɛ, màn mɛn bɛ́ toɛ ma wusoo ma ǹ dɔ, ma ǹ zumu. Ma din Dɛnaa Lawa a da ǹ boo ne.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Lawa a wúlu-bɔlen 26:4

Bɛ̀ ka zɛnaa miɛ̃, lan mɛnɛn bɛ́ ka laadoo bǐɛ̃ koe, ma á die toɛ, bɛn nə kaa a biikoo li. Tán-kɔsiɛ á die bǐɛ̃ koe, dan dɔn tá re nɛ koe.

Lawa a wúlu-bɔlen 26:6

Ma á re là nyantoro koe gána lɛ la. Ka á re wɛɛ tán ka nyuù wɔ, sii kɔn ná a re nyɛ́ɛ diɛ ka ganaa wa. Don mànan mɛnɛn bɛ́ basaã koe, masɛ á re bɛn papaɛ̃ ma ǹ bɔ gána lɛ nɛ. Masɛ a re toɛ min da zia baa ka ganaa kaa gána kɛ-n doo wa.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Zaã a sɛ́wɔ 15:11

Man má bɛ pɛ ka nɛ, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ goã ka dɔn lon, kaa nyɛnyɛɛ lɛ pã.

Timəə dí-pɛn 28:4

Á re ka gɔ́ɔ̃gɔ́ɔ̃ ǹ nɛnyaanan mɔnɛɛ, a kaa bɔ don bǐɛ̃ kɔ. Á re kaa diin mɔnɛɛ, kaa sèren ne, ka kaa bòen ne.

Timəə dí-pɛn 28:63

A bɛ́ na á kɔɔ̃n kɔ Dɛnaa Lawa din ganaa á bǐɛ̃ zɛnaa ka nɛ, á ka mɔnaa lɔn ke, a n die kɔɔ̃n koe a ganaa miɛ̃ dɔn, a ka dɛ a ka nya lenlen. Ka bɛ́ re we gána mɛn lɛ nɛ ka si ka baa kaa wɔ lɛa, á re ka wɛɛ ka saɛ, a ka bɔ bɛ nɛ.

Timəə dí-pɛn 30:8

Sɛnɛ kasɛn, ka wusoo ka Dɛnaa Lawa bɔlɔ si doo. Ma bɛ́ gɔn waa ǹ boon mɛnɛn pii ka nɛ pelo, ka kɔ bɛn lɛ.

Timəə dí-pɛn 7:14

Lawa á re barka diɛ ka ganaa, a la tɔrɔ kɔsɔn kɛn tumaa nɛ. Giĩ laanka lɔ kɔn ba re yii ka bii gɛ̀làa lɛa wa. Gɛ̀làa dɔ a re yii kaa tɔɔn bii wa.