Timəə dí-pɛn 30:4 - LAWA A BOO SONBORE

⁴ Haalɛ ta kaa min mɛnɛn man bɛ̀rɛn lɛa kanaa lɛ dàn ganaa, kaa Lawa, Dɛnaa Lawa lɛ á re woe ǹ kuĩ walan, a da ǹ sɔkɔn.

LAWA A BOO SONBORE 2011

⁴ Haalɛ ta kaa min mɛnɛn man bɛ̀rɛn lɛa kanaa lɛ dàn ganaa, kaa Lawa, Dɛnaa Lawa lɛ á re woe ǹ kuĩ walan, a da ǹ sɔkɔn.

Timəə dí-pɛn 30:4 ပူးပေါင်းရင်းမြစ်များ

Kiin1 8:34

n toa lon n nə ǹ lɛ si, n nə n zaman Izirayeli tɔrɔn lɛn sii baraan toa ǹ nɛ. N goã ń tán mɛn kɔ wɔ digolon la, n wusoo n da ǹ nɛ walan.

KZS2 30:9

Bɛ̀ ka wusoo ka daa Dɛnaa Lawa li, min mɛnɛn nə ka dɔɔ̃nɔn laanka kaa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ, ǹ makara á re boe ǹ ganaa, ǹ nə n gɔn bɔ ǹ ganaa, ǹ wusoo ǹ da gána kɛ nɛ. Dɛnaa Lawa n makaradɛnaa lɛa, a n foo basiɛ̃wole lɛa. Bɛ̀ ka wusoo ka daa a li, a ba re n yɔrɔ bɔyɛɛ a bɔ ka la wa.»

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Izayii 27:12

Bɛa pinaa, Dɛnaa Lawa á re *belee duwii, a saa Efrati tà ganaa, a wo yǎa Ezipti tà gòã nɛ. Kasɛn Izirayeli minin, a n die ka goɛ gogoon ka belee mìi bɛ́ lɔn.

Izayii 43:6

Má pɛ gɔsɛ a lɛ̀gɔn nɛ: «Ǹ toa walan!» Má pɛ gusin a lɛ̀gɔn nɛ: «N nyan bìn da ǹ ganaa wa!» Ka maa nɛgiĩn kɛn kũ gána sɔsɔɔn kɛn nɛ, ka da ǹ nɛ, ka maa nɛlɔn kɛn kũ kanaa lɛ dan ganaa ka da ǹ nɛ.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Zeremii 31:8

A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

Zeremii 8:3

Ma bɛ́ tɔrɔ baraa kɛa yiikoonaan mɛnɛn pɛsɛ̃ bǎã woo bǎã nɛ, gɛ̀ á re soɛ koe ǹ ganaa yiikoonaabaa nɛ. Dɛnaa Lawa Pàãyiidɛnaa a da ǹ boo ne.

Ezekieli 36:24

«Ka goã tɔrɔn mɛnɛn bii gánan mɛnɛn tumaa nɛ, ma á re ka wɛɛ ma ka bɔ walan, ma ka sɔkɔn, ma da ka ka nɛ, ka dinin gána nɛ.

Matiə 24:31

Masɛ á die maa lon a dia dí-a wolen diɛ, bɛn gole wuu li, kanaa gùrù sii din tumaa ganaa, ǹ maa yii gɔgɔɔ̃ wolen lɛn lɛ sɔkɔn a saa kanaa lɛkoro goon ganaa, a wo a lɛkoro kɔsɔ yaa.

Marki 13:27

Á die lon a dia dí-a wolen diɛ kanaa gùrù sii din tumaa ganaa, ǹ Lawa a yii gɔgɔɔ̃ wolen lɛn lɛ sɔkɔn-a, a saa kanaa lɛkoro goon ganaa a wo a lɛkoro kɔsɔ yaa.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.