Timəə dí-pɛn 30:3 - LAWA A BOO SONBORE

³ Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.

LAWA A BOO SONBORE 2011

³ Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.

Timəə dí-pɛn 30:3 ပူးပေါင်းရင်းမြစ်များ

Siin Giala 28:15

Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»

Siin Giala 48:21

Bɛ kio, Zakɔba pɛ Zozɛfu ni: «Ma á re giɛ̃, sɛnɛ, Lawa á re goɛ̃ kun ka nɛ, á re toɛ, ka wusoo ka da ka digolon gána nɛ.

KZS1 16:35

Ka pɛ: «Wɔ si sii la, Dɛnaa Lawa, wɔa Lawa, wɔ sɔkɔn wɔa gána nɛ, n wɔ bɔ tɔrɔ kɔsɔn bii. Bɛa biikoo li, wɔ á re barka diɛ n nɛ, wɔ n tɔ sonbore kɛ laakalaa, wɔ wɔ dinin koa n guguru kɔ gɔ́ɔ̃ nɛ.

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Zɔbu 42:10

Zɔbu bɛ́ á Lawa nyankɔ a giaáran lɛn lɛa, Dɛnaa Lawa wusoo á Zɔbu saa á da lon. Á gɔn màn kɔ la, bɛ́ la lɛlɛ ǹ wɔ kɛ-n gunyin paa.

Loen 107:3

á ka bɔ gánan tumaa nɛ, á ka lɛ sɔkɔn, a saa lɛ̀giala ganaa a wo lɛ̀nyɛɛn li, a saa gusin a lɛ̀guru ganaa a wo gɔsɛ a lɛ̀guru li.

Loen 147:2

Dɛnaa Lawa n wusii Zeruzalɛmu doe. A n Izirayeli nɛnyaanan boe bɛ̀rɛbaa nɛ, ǹ soekɔn.

Izayii 27:12

Bɛa pinaa, Dɛnaa Lawa á re *belee duwii, a saa Efrati tà ganaa, a wo yǎa Ezipti tà gòã nɛ. Kasɛn Izirayeli minin, a n die ka goɛ gogoon ka belee mìi bɛ́ lɔn.

Izayii 43:5

Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

Izayii 54:7

Má goã má n la bɔ n ganaa biikoo boɛɛn gɔ́ɔ̃ nɛ, sɛnɛ, ka foo basiɛ̃ nɛ, man li ma wusoo ma n saa.

Izayii 56:8

Dɛnaa Lawa mɛn Izirayeli a wo bɛ̀rɛbaa ǹ bǎã n wolen sɔkɔn, bɛa da ǹ boo á ke: «Má minin sɔkɔn má ǹ lɛpɛnɛ nɛ. Man die wusii ma kɔsɔn sɔkɔn kunun ǹ ni doo.»

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Busii pɛ 3:32

Ta a na á fuu da n mìi ni, a n wusii doo a n narɛ, a giala a bǐɛ̃baa á gole.

Ezekieli 11:17

Bɛ lɛ nɛ, á pɛ ǹ nɛ mà masɛ Dɛnaa Lawa n kɛ pii: Ma ka pɛsɛ̃ tɔrɔn mɛnɛn bii ka gána kɔsɔn nɛ, ma á re ka wɛɛ walan, ma ka sɔkɔn, ma Izirayeli gána lɛ kɔ ka la.

Ezekieli 36:24

«Ka goã tɔrɔn mɛnɛn bii gánan mɛnɛn tumaa nɛ, ma á re ka wɛɛ ma ka bɔ walan, ma ka sɔkɔn, ma da ka ka nɛ, ka dinin gána nɛ.

Ezekieli 39:28

Ǹ tá re doɛ̃ bɛa biikoo li kəni, mà ma din nə Dɛnaa, ǹ Lawa lɛa. A laanɛ má ǹ goa má woo ǹ ne tɔrɔ kɔsɔn li, ma á re wusii ma ǹ sɔkɔn ǹ dinin tán la. Ma a re ǹ kɔn din toɛ walan doo wa.

Misee 7:19

Á die wusii a makara bɔ wɔ-a doo. Á die wɔa sii baraan toɛ wɔ nɛ, á ǹ tuturu a ǹ bɔ wɔ-a lenlen.

Zakarii 10:9

Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

Rɔmu minin 11:23

Bɛ̀ Zuifun lɛn dɔn nə́ wusoo ǹ goleemalibaã kɛ kio, Lawa á re wusii a ǹ wɔ da giala lɛ ganaa, a giala, bɛa pàã tá Lawa lon.

Rɔmu minin 11:26

Bɛa yɔrɔ kɛ lɛ la, Izirayeli minin dɔn tumaa á re kirisibiɛ, ká a bɛ́ á n kiɛ̃ lɔn: «Nyin-sili lɛ n die boe *Siɔn kele la Zeruzalɛmu kiwi, a n die Zakɔba tɔrɔ minin kɛn Lawa bɔlɔ-tii nyɛɛ.

Rɔmu minin 11:31

A n die n zɛnɛɛ bɛa yɔrɔ kɛ lɛ la Zuifun lɛn dɔn manɛ. A laanɛ ǹ tá Lawa bɔlɔ tii wolen lɛa kanna ke, ǹ kɔ́n pinaa Lawa á re makara boe ǹ dɔn ganaa.

Timəə dí-pɛn 13:17

Bɛ kio, ka kiwi lɛ a màn tumaa sɔkɔn a zaman paã ǹ bǎã nɛ, ka tɛ da a ganaa, ka kiwi lɛ tã lenlen. A n die n biɛ ka *wúlu màn nə́ ke ǹ nə́ tã lenlen lɔn, kaa Lawa, Dɛnaa Lawa wɔ lɛa. Bǎã lɛ n die goɛ̃ tán kɛbɔlɔ lɛa miɛ̃ duduu, a giala, kiwi lɛ a re n doe doo duduu wa.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.