Timəə dí-pɛn 30:19 - LAWA A BOO SONBORE

¹⁹ Pelo, man lon laanka tán biɛ maa siére lɛa: yiikoonaabaa laanka gɛ̀-n ma á koɛ ka yɔrɔ-a, ka lɛn bǐɛ̃ laanka a baraa nɛ. Ka yiikoonaabaa ǹ zii saa, màn mɛn bɛ́ toɛ, ka yii goã koo, ka dinin laanka kaa nɛnyaanan nɛ.

LAWA A BOO SONBORE 2011

¹⁹ Pelo, man lon laanka tán biɛ maa siére lɛa: yiikoonaabaa laanka gɛ̀-n ma á koɛ ka yɔrɔ-a, ka lɛn bǐɛ̃ laanka a baraa nɛ. Ka yiikoonaabaa ǹ zii saa, màn mɛn bɛ́ toɛ, ka yii goã koo, ka dinin laanka kaa nɛnyaanan nɛ.

Timəə dí-pɛn 30:19 ပူးပေါင်းရင်းမြစ်များ

Siin Giala 2:17

Sɛnɛ, sii bǐɛ̃ laanka sii baraa dɔ̃ ǹ da ke, n nyan toa bɛa nɛ wɔ n lɛ-n wa dɛ! A giala, bɛ̀ n ná a nɛ bii ǹ mɛn pinaa, n tá re giɛ̃, sàabaa ba bɛ la wa.»

Loen 119:111

N gɔn waa ma-n boon kɛn man maa naforo lɛa yǎa duduu. Ǹ dinin lɛn man ma foo kɔɔ̃n koe.

Loen 119:173

N gɔn dia n nə n dɔ ma lɛ, a giala, má lɛ kɔ n doroo boon lɛn ganaa.

Loen 119:30

Masɛ n má bɔlɔgoondɛnaabaa ǹ zii saa. Masɛ n maa wɔ toɛ n din a sii yɔrɔ bɔ lɛ ganaa.

Suusun 1:29

Bɛ n die n zɛnɛɛ a giala ka n piã ka doɛ̃ nɛ, ka n piã ka nyɛ́ɛbaa Dɛnaa Lawa yii n ni.

Suusun 12:28

Yiikoonaabaa n peperebaa ǹ zii la. Min woo min kɔ bɛa zii lɛ lɛ, a n kanbiɛ gɛ̀ ganaa.

Suusun 8:36

Sɛnɛ, bɛ̀ min mɛn ma dɔ̃ wa, a n busu lɛa ǹ Dɛnaa ganaa. Ma tìĩ bɛ́ boe-n min mɛnɛn tumaa nɛ, bɛn man gɛ̀ narɛ.

Suusun 9:11

Sii-doɛ̃ n màn diɛ yiikoonaabaa lɛawaan li, a n lɛ̀ lɛ mɔnɛɛ.

Izayii 1:2

Lon, n too kɔ! Tán, n dɔ nə n too da! Dɛnaa Lawa n kɛ pii: «Man nɛnyaanan too, ǹ nə́ dadara kɔ, sɛnɛ, ǹ nə́ n gòãn dii ma ganaa.

Izayii 56:4

Sonbore, Dɛnaa Lawa n kɛ pii: «Giĩbaa bɛ́ a ba min mɛnɛn lon wa, ǹ nə́ maa susu ǹ piin koɛ, ǹ nə́ ma foo siin zɛnɛɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Zeremii 21:8

Ǹ tá re pii zaman lɛ-n kɛnɛn: – Dɛnaa Lawa n kɛ pii: «Á ke, man yiikoonaabaa laanka gɛ̀ diɛ ka nyɛɛnɛ.

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Zeremii 42:21

Sɛnɛ pelo, man Dɛnaa Lawa, wɔa Lawa a boo binyəə koe ka la. Sɛnɛ, a boo mɛn yii da ma nɛ, ka a n too koe ǹ kɔn li wa.

Ezekieli 20:11

Má maa landa boon kɛn kɔ ǹ la, má ǹ daraa maa sii yɔrɔ bɔ ǹ boon kɛn ganaa. Bɛ̀ minbuiin nɛ mɛn tá koe bɛn lɛ, ǹ dɛnaa yii á re goɛ̃ koo.

Luku 10:42

Sii goon toto n ke laadoo sii lɛa. Mariya na á màn sonbore yii gɔgɔɔ̃. Bɛ dɔ a re n sii la doo duduu wa.

Nya ǹ dín 2:39

A giala, Lawa din bɛ́ á n lɛ kɔ ka màn mɛn nɛ, bɛ ǹ ka dinin wɔ lɛa ka kaa nɛnyaanan nɛ, ka minin mɛnɛn tumaa wɔlɔ bɛ́ tɔn sɔsɔɔ, Lawa n die ǹ bíi.»

Timəə dí-pɛn 11:26

Ka ga, pelo, man lɛn bǐɛ̃ laanka a baraa pii ka yii ni, ka n yii dùũ bɔ ǹ bii.

Timəə dí-pɛn 30:1

Ma boon mɛnɛn tumaa pɛ má ǹ kaa tán ka giulun, a bǐɛ̃ nɛ ka a baraa nɛ, bɛ̀ ǹ mɛn a sii dɔ ka ganaa ǹ mɛn waáraa, kaa Lawa, Dɛnaa Lawa lɛ bɛ́ re woe ka nɛ bǎã mɛn nɛ, ka n toa walan ka n taasɛ,

Timəə dí-pɛn 30:15

Ka ga Izirayeli minin lɛn, pelo, masɛ n yiikoonaabaa laanka yii-nyɛɛ koɛ ka yɔrɔ-a, ka gɛ̀ laanka bɔ̀n nɛ.

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»

Timəə dí-pɛn 31:28

A bɛ́ miɛ̃, ka kaa tɔrɔn lɛn min golen tumaa laanka ǹ zaman-lɛduə̃lin sɔkɔn ma li. Ma á re lon laanka tán biɛ ma siéren lɛa ǹ ganaa, mà boon kɛn pɛ Izirayeli minin lɛn manɛ ǹ ma.

Timəə dí-pɛn 32:1

Lon mànan lɛn, ka n too kɔ, man die boo diɛ, tán mànan dɔn, ka n too kɔ ma lɛ gɔ́ɔ̃ ǹ boon li.

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timəə dí-pɛn 4:25

Bɛ̀ ká giã gána lɛ nɛ á belebɔ, yǎa ka nɛnyaanan laanka nɔ̀ɔnɔn yɛ, ka nyan màn nyín zɛnaa ka ka dinin ziziɛ̃-n wa, haalɛ ta màn mɛn din nyín ni. Sii mɛn bɛ́ baraa kaa Lawa, Dɛnaa Lawa yii li, ka nyan bɛ zɛnaa, ka a foo yoo-n wa.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Timəə dí-pɛn 4:6

Ka bɛa boon lɛn tamaa, ka kɔ ǹ lɛ. A giala, bɛ lɛ n die kaa sii-doɛ̃ laanka kaa yiridɛnaabaa nyɛɛ tɔrɔ kɔsɔn manɛ, ǹ mɛnɛn bɛ́ re landa boon kɛn lɛn tumaa miɛ. Maǹ die pii: – Tɔrɔn kɛn gigiãbaa lɛ! Sii-doɛ̃ laanka yiri tá ǹ lon dɛ!

Timəə dí-pɛn 6:2

Màn mɛn bɛ́ toɛ dɔn, ka nyɛ́ɛ baa, kaa Lawa, Dɛnaa Lawa yii ni, ka dinin ni, kaa nɛnyaanan nɛ, ka kaa nɔ̀ɔnɔn nɛ. Ma bɛ́ maa landa boon laanka maa gɔn waa ǹ boon mɛnɛn tumaa koe ka la, kaa yiikoonaabaa tumaa gɔ́ɔ̃ nɛ, ka bɛn tamaa, màn mɛn bɛ́ toɛ, ka nyin sasa yɛ.

Timote1 5:21

Man boo kɛ pii n ni, ma á laɛ n ganaa, Lawa laanka Yezu Krita yɔrɔ-a, ka Lawa a lon a dia dí-a wole sonboren ne, máa n kɔ bɛa doroon kɛn lɛn lɛ. N baran ǹ kɔn soɛ kɔ ǹ miã-n wa, n baran minin bɔkɔnlɛ dɔ wɔ sii kɔ́n gɔ́ɔ̃-n wa.