Timəə dí-pɛn 30:1 - LAWA A BOO SONBORE

¹ Ma boon mɛnɛn tumaa pɛ má ǹ kaa tán ka giulun, a bǐɛ̃ nɛ ka a baraa nɛ, bɛ̀ ǹ mɛn a sii dɔ ka ganaa ǹ mɛn waáraa, kaa Lawa, Dɛnaa Lawa lɛ bɛ́ re woe ka nɛ bǎã mɛn nɛ, ka n toa walan ka n taasɛ,

LAWA A BOO SONBORE 2011

¹ Ma boon mɛnɛn tumaa pɛ má ǹ kaa tán ka giulun, a bǐɛ̃ nɛ ka a baraa nɛ, bɛ̀ ǹ mɛn a sii dɔ ka ganaa ǹ mɛn waáraa, kaa Lawa, Dɛnaa Lawa lɛ bɛ́ re woe ka nɛ bǎã mɛn nɛ, ka n toa walan ka n taasɛ,

Timəə dí-pɛn 30:1 ပူးပေါင်းရင်းမြစ်များ

Siin Giala 4:14

Bɛ̀ ń ma loo pelo, ń ma bɔ tán kɛ la, ma á re goɛ̃ durii ni n la. Ma n die goɛ̃ bibiə̃ wole lɛa, gùli lɛa, kanaa kɛ gɔ́ɔ̃ nɛ biikoo tumaa li. Bɛ̀ min woo min n ma yɛ, á die ma dii.»

Kiin1 8:34

n toa lon n nə ǹ lɛ si, n nə n zaman Izirayeli tɔrɔn lɛn sii baraan toa ǹ nɛ. N goã ń tán mɛn kɔ wɔ digolon la, n wusoo n da ǹ nɛ walan.

KZS2 30:9

Bɛ̀ ka wusoo ka daa Dɛnaa Lawa li, min mɛnɛn nə ka dɔɔ̃nɔn laanka kaa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ, ǹ makara á re boe ǹ ganaa, ǹ nə n gɔn bɔ ǹ ganaa, ǹ wusoo ǹ da gána kɛ nɛ. Dɛnaa Lawa n makaradɛnaa lɛa, a n foo basiɛ̃wole lɛa. Bɛ̀ ka wusoo ka daa a li, a ba re n yɔrɔ bɔyɛɛ a bɔ ka la wa.»

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Izayii 46:8

Ka n yiri kɔ bɛ li, ka n foo taã. Ka n bɔyaa ka daa, bɔlɔpaa-pɛlin lɛn.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 8:3

Ma bɛ́ tɔrɔ baraa kɛa yiikoonaan mɛnɛn pɛsɛ̃ bǎã woo bǎã nɛ, gɛ̀ á re soɛ koe ǹ ganaa yiikoonaabaa nɛ. Dɛnaa Lawa Pàãyiidɛnaa a da ǹ boo ne.

Ezekieli 18:28

Bɛ̀ a din dɔ̃ sɛn mà asɛ a zɛnaa ǹ siin lɛn tumaa n baraa, bɛ̀ á wusoo a kio, sàabaa ba la wa, a yii á re goɛ̃ koo, a re giɛ̃ wa.

Ezekieli 6:9

Ma bɛ́ re woe ka kaa la wolen lɛn nɛ tɔrɔn mɛnɛn bii, ǹ tá re n taasɛ ka ma-n walan. Ka taasiɛ kɔrɔ laanka ga kɔrɔ mɛn wɔ, ka wusoo ka n bɔ masɛ kio, ka kaa naarɛɛbaa ǹ yiin kɛn doa dìn la, masɛ á re bɛa giã baraa lɛ ziziɛ̃. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn kɛn tumaa taman yii ka zɛnaa.

Zakarii 10:9

Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

Luku 15:17

Á tɔ́n golee á n taasɛ a din a sii ganaa, yǎa a pɛ a din ni mà dí-nyali á mɔnaa nɛ asɛ di lon, ǹ nə́ màn bii a giala n goɛ̃. A da yaa asɛ n giɛ̃ bòo-n kànaa.

Timəə dí-pɛn 28:28

Dɛnaa Lawa á re gàãn kiɛ ka ganaa, a ka yii tã, a ka yiri lɔlɔkɔn.

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Timəə dí-pɛn 29:27

Dɛnaa Lawa lɛ foo bɛ́ á busu ǹ li, a foo bɛ́ á yoo ǹ li á la yii ni, a na á ǹ goa ka saɛ á kiɛ̃ ǹ nɛ, á woo ǹ kaa gána kɔsɔ nɛ. Maǹ tɔn walan, a da kaa pelo lɛ.»

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.

Timəə dí-pɛn 30:15

Ka ga Izirayeli minin lɛn, pelo, masɛ n yiikoonaabaa laanka yii-nyɛɛ koɛ ka yɔrɔ-a, ka gɛ̀ laanka bɔ̀n nɛ.

Timəə dí-pɛn 30:19

Pelo, man lon laanka tán biɛ maa siére lɛa: yiikoonaabaa laanka gɛ̀-n ma á koɛ ka yɔrɔ-a, ka lɛn bǐɛ̃ laanka a baraa nɛ. Ka yiikoonaabaa ǹ zii saa, màn mɛn bɛ́ toɛ, ka yii goã koo, ka dinin laanka kaa nɛnyaanan nɛ.

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.