Timəə dí-pɛn 3:18 - LAWA A BOO SONBORE

¹⁸ Bɛa waáraa lɛ nɛ, má tɔ́n nə n laa ka ganaa, má pɛ ka-n kɛnɛn: «Kaa Lawa, Dɛnaa Lawa na á gána kɛ lɛ kɔ ka la, kaa wɔ lɛa. Kaa zia-baalin tumaa nə ǹ ziabaa ǹ mànan goa, ǹ mɛ ǹ dɔɔ̃n Izirayeli minin gialakunun lɛn nyɛɛnɛ, ǹ Zurdɛ̃ tà kuru.

LAWA A BOO SONBORE 2011

¹⁸ Bɛa waáraa lɛ nɛ, má tɔ́n nə n laa ka ganaa, má pɛ ka-n kɛnɛn: «Kaa Lawa, Dɛnaa Lawa na á gána kɛ lɛ kɔ ka la, kaa wɔ lɛa. Kaa zia-baalin tumaa nə ǹ ziabaa ǹ mànan goa, ǹ mɛ ǹ dɔɔ̃n Izirayeli minin gialakunun lɛn nyɛɛnɛ, ǹ Zurdɛ̃ tà kuru.

Timəə dí-pɛn 3:18 ပူးပေါင်းရင်းမြစ်များ

Siin Giala 15:7

Á pɛ-n kɛnɛn doo: «Masɛ Dɛnaa din ni má n bíi, má soo n ne, má n bɔ Uuru kiwi *Baabilonii gána nɛ, man die gána kɛ lɛ koe n la, a n wɔ baa.»

Loen 136:21

Á bɛn gána baa ka di kíɛ̃ nɛ, a kɔn-narɛɛ a nyɛɛ duduu wa.

Minin nimi 33:53

Ka gána lɛ si ka baa kaa wɔ lɛa, ka giã a nɛ. A giala, ma din nə bɛa gána kɛ lɛ koe ka la, màn mɛn bɛ́ toɛ a kaa wɔ baa.

Timəə dí-pɛn 12:1

Landa boon laanka sii yɔrɔ bɔ ǹ boon lɛn man ka kɛn nɛ. Ka digolon Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka die ka n yiri koa li, ka bɛn tamaa walan, kaa tá kanaa lɛawaan tumaa gɔ́ɔ̃ nɛ.

Timəə dí-pɛn 15:4

Bɛ̀ á daa a zii li, doobaa din doamaa bie a yɛ ka bii wa. A giala, kaa Lawa, Dɛnaa Lawa bɛ́ gána mɛn lɛ koe ka la mà ka si ka baa kaa wɔ lɛa, á re gɔn màn gigiã koe ka la walan.

Timəə dí-pɛn 19:14

Kaa Lawa, Dɛnaa Lawa bɛ́ re gána mɛn lɛ koe ka la mà a kaa wɔ baa, bǎã mɛn bɛ́ re doe ka-a walan, lɛlɛ minin nə gèlè mɛn koa, ka nyan bɛ na, ka n dɔ ka miãkɛnɛn wɔ-n wa.

Timəə dí-pɛn 19:2

Kaa Lawa, Dɛnaa Lawa bɛ́ re gána mɛn lɛ koe ka la mà ka baa kaa wɔ lɛa, ka die ka kiwi sɔɔ bɔ walan, ka ǹ koa ǹ gɔrɔn kaa gána lɛ bii.

Timəə dí-pɛn 19:7

Bɛ lɛ na á toa, ma á n gɔn wɛɛ ka nɛ máa ka kiwi sɔɔ bɔ, ka koa a gɔrɔn.

Timəə dí-pɛn 21:1

Kaa Lawa, Dɛnaa Lawa bɛ́ re gána mɛn lɛ koe ka la mà a kaa wɔ baa, ǹ tá boe la ǹ min dɛ ǹ da tán, min na a gere yɛ don walan, sɛnɛ, ǹ nə́ ǹ ba a dɛli doɛ̃ wa.

Timəə dí-pɛn 25:19

Bɛ lɛ nɛ, kaa zɔ́ɔn mɛnɛn tumaa bɛ́ ka lɛnpɛnɛ, bɛ̀ kaa Lawa, Dɛnaa Lawa ka kanbaa bɛn tumaa ganaa ǹ mɛn waáraa, a bɛ́ re gána mɛn lɛ koe ka la mà a kaa wɔ baa, ka Amalɛki tɔrɔn kɛn dɛ lenlen, ka ǹ bɔ walan. Ka nyan toa ka yiri bɔ wa dɛ!

Timəə dí-pɛn 5:31

Sɛnɛ, nsɛ golee kànaa, ma li. Ma á re gɔn waa ǹ boon kɛn tumaa pii n ni, landa boon kɛn nɛ, ka sii yɔrɔ bɔ ǹ boon kɛn nɛ. Ń die n nə ǹ daraa bɛn lɛn ganaa, ǹ kɔ ǹ lɛ gána kɛ lɛ nɛ, má n koe ǹ la, ǹ wɔ lɛa.»

Timəə dí-pɛn 6:1

Gɔn waa ǹ boon lɛn man ka kɛn nɛ kànaa, ka landa boon laanka sii yɔrɔ bɔ ǹ boon ne. Kaa Lawa, Dɛnaa Lawa na á pɛ, mà ma ka daraa ǹ ganaa, màn mɛn bɛ́ toɛ, ka kɔ ǹ lɛ gána lɛ nɛ, ka bɛ́ re kiɛ̃ ka kaa gána mɛn lɛ nɛ, ka si ka baa kaa wɔ lɛa.

Timəə dí-pɛn 9:6

Ka dɔ̃ mà kaa peperebaa a lɛa bie re toɛ, kaa Lawa, Dɛnaa Lawa gána sonbore kɛ lɛ kɔ ka la, ka si ka baa kaa wɔ lɛa wa. A giala, ka n tɔrɔ too kaka-a lɛa.

Zozoe 1:11

«Ka n bibiə̃ giã ǹ bǎã lɛ nɛ, ka pɛ zaman lɛ nɛ, mà ǹ ga màn-bii li ǹ koa ǹ gɔn li. A giala, kànaa laanka lɛawaa sɔɔ, ka á re Zurdɛ̃ tà kuri. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka la, ka á re woe bɛ lɛ sii ka baa kaa wɔ lɛa.»