Timəə dí-pɛn 3:14 - LAWA A BOO SONBORE

¹⁴ Manaasee tɔrɔ Yayiiri ke, bɛ́ Argɔbu bǎã kɛ tumaa si yǎa Gesuuru tɔrɔn laanka Maakaati tɔrɔn gèlè la. Á n din tɔ kɔ Basan gána lɛ a kiwin ganaa. Maǹ bɛa bǎã lɛ bíi pelo mà Yayiiri a gána.

LAWA A BOO SONBORE 2011

¹⁴ Manaasee tɔrɔ Yayiiri ke, bɛ́ Argɔbu bǎã kɛ tumaa si yǎa Gesuuru tɔrɔn laanka Maakaati tɔrɔn gèlè la. Á n din tɔ kɔ Basan gána lɛ a kiwin ganaa. Maǹ bɛa bǎã lɛ bíi pelo mà Yayiiri a gána.

Timəə dí-pɛn 3:14 ပူးပေါင်းရင်းမြစ်များ

Samayeli2 10:6

Amɔn tɔrɔn lɛn nə́ yɛ, mà ǹsɛn nə́ n dinin tìĩ bɔ Davida nyin ni. Bɛ lɛ nɛ, ǹ nə́ wɔrɔ bɔ, ǹ nə́ minin dia woe Siirii minin kɛn zia-baalin goɛ Bɛti-Rehɔbu laanka Soobaa kiwi. Maǹ nə́ Siirii minin lɛn min duu fuə (20 000) goa, ǹ mɛnɛn bɛ́ tɔ we ka ǹ gòã nɛ bɛ̀ ǹ wo zia baa. Ǹ nə́ Min duu goon (1 000) goa Maakaan kii kɛa bǎã nɛ, ǹ nə́ min duu fulupaa (12 000) goa Tɔbu kiwi.

Samayeli2 13:37

Abusalɔn na á goã á baa si á woo Amiwudu a nɛgiĩ Gesuurun kii Talmayii li, á giã walan yǎa lɛ̀ sɔɔ. Bɛa biikoo lɛ tumaa gɔ́ɔ̃ nɛ, Davida na á goã a nɛgiĩ Amnɔn lɛ a gɛ̀ wuu pii baraabaraa.

Samayeli2 14:23

Zoabu yoo á zii saa, á woo Gesuuru kiwi, á Abusalɔn kũ á daa nɛ Zeruzalɛmu.

Samayeli2 20:26

Zayirii tɔrɔ Iraa dɔ na á goã Davida a minin lɛn mìilandɛnaa goon lɛa.

Samayeli2 23:34

Aasibayi a nɛgiĩ Elifelɛti ni boe Makaati, Ayitofɛli ke boe Gilɔn, bɛa nɛgiĩ Eliamu ni,

Samayeli2 3:3

A paabaa ǹ wɔ n ka Kileyabu ni. Abigayili mɛn goã Karmɛli min Naabali a lɔ lɛa, a na á Kileyabu yɛ bɛ ganaa. A sɔɔbaa ǹ wɔ n ka Abusalɔn nɛ. Gesuurun kii Talmayii a nɛlɔ Maakaa n bɛ dan lɛa.

Loen 49:11

Á ke, yiridɛnan dinin nə́ giɛ̃, ǹ nə́ bɔ̀n biɛ kun ka gàãnaan laanka baãnaan nɛ, ǹ nə́ ǹ gɔn mànan toɛ walan min kɔsɔn nɛ.

Zeremii 40:8

Bɛa sɔraasin lɛn nə́ daa n kaa kun Gedalia nɛ Mispaa. Ǹ nyɛɛnaandɛnan man ka Netania a nɛgiĩ Isimayeli ni, Kareyaa a nɛgiĩ màn paa Zoanan laanka Zanaatan nɛ, Tanewumɛti a nɛgiĩ Seraya nɛ, Netofaa min Efayii a nɛgiĩn ni, ka Yazania nɛ Maakaa min goon a nɛ lɛa.

Minin nimi 32:41

Yayiiri ke Manaasee a nɛgiĩ kɔsɔ lɛa, bɛ tɔrɔn nə́ woo Amɔɔrɔ tɔrɔn kiwin si ka pàã nɛ ǹ nə́ ǹ baa ǹ wɔn lɛa. Ǹ nə́ bɛa kiwin lɛn bíi "Yayiiri a kiwin".

Timəə dí-pɛn 3:13

Galaati gána lɛ a gialakun ke, ka Basan gána tumaa nɛ, Ɔgu goã ǹ mɛn lɛ mìi la, má bɛ kɔ Manaasee tɔrɔn kɛn talɛɛ la. Argɔbu bǎã kɛ tumaa, ka Basan gána tumaa nɛ, maǹ nə́ goã bɛn bíi Refayimu tɔrɔn gána.

Timəə dí-pɛn 3:4

Wɔ́ a kiwin lɛn tumaa si bɛa waáraa lɛ nɛ Argɔbu a bǎã kɛ nɛ. Kiwi din goã, mà wɔ n wɔ si ǹ la wa. A kaa kun kiwi pɔsɔrɔ, Basan gána nɛ, Ɔgu goã ǹ mìi la.

Zozoe 12:5

A na á goã giã-n Ɛrmɔn kele bǎã kɛ dɔ mìi la, ka Salkaa kiwi ni, ka Basan bǎã kɛ tumaa nɛ, a wo yǎa Gesuuru tɔrɔn kɛn laanka Makaati tɔrɔn kɛn gèlè la, a wo kaa Ɛsibɔn kii Sihɔn kɛa bǎã a talɛɛ lɛ Galaati gána nɛ.

Zozoe 13:13

Sɛnɛ, Izirayeli minin lɛn nə Gesuuru minin kɛn laanka Maakaa tɔrɔn kɛn loo wa. Bɛ lɛ n ke, Gesuuru minin lɛn laanka Maakaa tɔrɔn lɛn nə́ giã Izirayeli minin lɛn bii, yǎa á daa kaa pelo lɛawaa kɛ lɛ.