Timəə dí-pɛn 3:1 - LAWA A BOO SONBORE

¹ Bɛ kio, wɔ́ n bɔyaa wɔ́ Basan gána zii saa. Basanan kii Ɔgu soo kun ka a zaman tumaa nɛ, á daa n da wɔ lɛ Edreyii kiwi, á zia baa wɔ ganaa.

LAWA A BOO SONBORE 2011

¹ Bɛ kio, wɔ́ n bɔyaa wɔ́ Basan gána zii saa. Basanan kii Ɔgu soo kun ka a zaman tumaa nɛ, á daa n da wɔ lɛ Edreyii kiwi, á zia baa wɔ ganaa.

Timəə dí-pɛn 3:1 ပူးပေါင်းရင်းမြစ်များ

Kiin1 4:19

Uri a nɛgiĩ Gebɛrɛ na á goã Galaati gána mìi la, gána mɛn lɛ goã Amɔɔrɔ tɔrɔn kii Sihɔn wɔ lɛa lɛlɛ, kɔnlɛ ka Basan gána kɛ nɛ á goã kii Ɔgi a tán lɛa. Nyɛɛnaandɛnaa goon na á goã bɛa bǎãn lɛn tumaa mìi la.

Nehemii 9:22

Ń gánan laanka tɔrɔn wɔ ǹ gɔn, ń bɛn bǎãn nana kɔn ǹ biin ni. Ɛsibɔn gána ke, kii Sihɔn a gána lɛa, ǹ nə́ bɛ si ǹ nə́ baa ǹ wɔ lɛa, ka Basan gána kɛ nɛ, Ɔgu a gána lɛa.

Loen 136:20

Á Basan kii Ɔgu dɛ, a kɔn-narɛɛ a nyɛɛ duduu wa.

Timəə dí-pɛn 1:4

Bɛ á zɛnɛɛ bɛ̀ Muizu boo Amɔɔrɔ tɔrɔn kii Sihɔn kɛ la, ǹ mɛn lɛ goã giã-n Ɛsibɔn kiwi. Basanan kii Ɔgu mɛn dɔ goã giã-n Astarɔti kiwi, á boo bɛ dɔ la Edreyii kiwi.

Timəə dí-pɛn 2:32

Sihɔn soo á daa n da wɔ lɛ, a din laanka a zaman tumaa nɛ, á zia baa wɔ ganaa Yaasaa kiwi.

Timəə dí-pɛn 29:7

Wɔ́ ǹ gána si, wɔ́ kɔ Urubɛn tɔrɔn laanka Gaadi tɔrɔn la, ka Manaasee tɔrɔn kɛn talɛɛ nɛ ǹ wɔ lɛa.

Timəə dí-pɛn 3:2

Dɛnaa Lawa tɔ́n pɛ ma nɛ: «N baran nyɛ́ɛ baa-n wa. A giala, má wɔ n gɔn, a din ni, a zaman tumaa nɛ, ka a gána nɛ. Amɔɔrɔn kii Sihɔn mɛn goã giã-n Ɛsibɔn, n sii mɛn zɛnaa bɛ nɛ, bɛ lɛ miã zɛnaa a dɔ nɛ.»

Timəə dí-pɛn 31:4

Dɛnaa Lawa Amɔɔrɔ tɔrɔn kii Sihɔn laanka Ɔgu dɛ, á ǹ gána yu. A sii mɛn zɛnaa bɛn manɛ, a n die bɛ lɛ miã zɛnɛɛ bɛa tɔrɔn lɛn dɔn manɛ.

Timəə dí-pɛn 4:47

Ǹ nə́ goã ǹ ná a gána si la, ǹ nə́ Basanan kii Ɔgu dɔ a gána si la. Amɔɔrɔ tɔrɔn kiin lɛn man bɛn nɛ min paa, ǹ nə́ goã Zurdɛ̃ tà kio lɛ̀giala-n.

Zozoe 12:1

KIIN mɛnɛn tumaa goã gána lɛ nɛ, Zurdɛ̃ tà kio lɛ̀giala-n, a saa Arnɔn tà lɛ-a ganaa yǎa Ɛrmɔn kele li ka Zurdɛ̃ a nyankɔrɔ lɛ kɛ tumaa nɛ, dia-n woe lɛ̀giala la, Izirayeli minin nə́ bɛa kiin lɛn dɛ, ǹ nə́ ǹ bǎãn si ǹ la. Ǹ kiin mɛnɛn dɛ, bɛn tɔn nə́ ke:

Zozoe 12:4

Kii lɛ a goon ne ka Ɔgu ni, Basan kiwi. Refayimu tɔrɔn mɛnɛn nə goã, bɛn min goon ne. A na á goã gia-n Asitarɔti kiwi laanka Edreyii kiwi mìi la.

Zozoe 13:30

a na á goã siɛ Mahanayimu kiwi ganaa, a Basan bǎã kɛ tumaa kaa a nɛ, ka Basan gána a kii Ɔgu kɛa gána tumaa nɛ, ka Zayiiri a kiwi pɔsɔrɔ kɛ tumaa nɛ Basan gána nɛ.

Zozoe 9:10

Amɔɔrɔ tɔrɔn kii min paa mɛn goã Zurdɛ̃ tà kio, Ɛsibɔn kii Sihɔn ke ka Basan kii Ɔgu kɛ nɛ á goã giã-n Astarɔti kiwi, a sii mɛn tumaa zɛnaa bɛn dɔn manɛ, wɔsɛn nə́ ma.