Timəə dí-pɛn 29:9 - LAWA A BOO SONBORE

⁹ Izirayeli minin lɛn, ka dinin tumaa n ke golee-n kànaa pelo, kaa Lawa, Dɛnaa Lawa yɔrɔ-a: kaa mìilandɛnan nɛ, kaa goledɛnan nɛ, kaa min golen ne, kaa zaman-lɛduə̃lin ni,

LAWA A BOO SONBORE 2011

⁹ Izirayeli minin lɛn, ka dinin tumaa n ke golee-n kànaa pelo, kaa Lawa, Dɛnaa Lawa yɔrɔ-a: kaa mìilandɛnan nɛ, kaa goledɛnan nɛ, kaa min golen ne, kaa zaman-lɛduə̃lin ni,

Timəə dí-pɛn 29:9 ပူးပေါင်းရင်းမြစ်များ

Kiin1 2:3

Dɛnaa Lawa, n Lawa lɛ bɔlɔ si. Kɔ Dɛnaa Lawa a ziin lɛ, n na a landa boon tamaa, n na a gɔn waa ǹ boon si, ka a sii yɔrɔ bɔ ǹ boon laanka a da ǹ boon ne, ka a bɛ́ ke á n kiɛ̃ Muizu a dí-pɛn sɛ́wɔ kɛ-n lɔn, màn mɛn bɛ́ toɛ n sii yii bǐɛ̃ kɔ n gɔn, ka sii mɛnɛn tumaa bɛ́ n koa n yɔrɔ-a.

KZS2 20:13

Zudaa zaman tumaa ka ǹ kion minin ni, ǹ lɔn nɛ, ka ǹ nɛnyaanan nɛ, ǹ nə́ golee lon Dɛnaa Lawa yɔrɔ-a.

KZS2 31:21

Á dí gigiã nya Dɛnaa Lawa a kion kɛa dín lɛa ka dí-pɛn laanka gɔn waa ǹ boon kɛn kɔ ma lɛ a lɛa. A bɛ́ á zɛnaa miɛ̃, á ga Dɛnaa Lawa li ka a foo tumaa nɛ, a sii tumaa yɔrɔ yɛ.

Loen 25:10

Min mɛnɛn bɛ́ Dɛnaa Lawa a lɛ kɔn la ǹ boon kɛn tamaɛ, ka a gɔn waama-n boon kɛn dɔn nɛ, a n bɛn kuĩ ka kɔn-narɛɛ gole ne, á n biɛ̃ duduu zɛnɛɛ ǹ nɛ.

Zeremii 50:5

Zii mɛn bɛ́ woe *Siɔn, ǹ tá re nɔ̀n diɛ bɛ li, ǹ nə n yɔrɔ bɔyaa ǹ dia kiwi lɛ la. Ǹ tá re die, ǹ lɛ kɔ kɔn la wɔ ka masɛ nɛ, yǎa duduu, ǹ yiri ná a boe-n duduu dɔn wa.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Timəə dí-pɛn 29:1

Muizu Izirayeli minin lɛn tumaa bíi, á pɛ ǹ nɛ: – Ka bɛ́ Ezipti gána nɛ, Dɛnaa Lawa siin mɛnɛn zɛnaa *Faarahɔn nɛ, a dí-nyalin ni ka a gána tumaa nɛ, ka dininmaan yii bɛ́ tumaa yɛ.

Timəə dí-pɛn 29:10

kaa lɔn laanka kaa nɛnyaanan nɛ ka gùlin mɛnɛn dɔn dinin nə́ ke giã-n ka bii kaa bǎã lɛ nɛ, ǹ nə́ gɔn kuri koe ka la, ǹ nə́ mu sii koe ka la.

Timəə dí-pɛn 31:12

Ka zaman lɛ sɔkɔn, giĩn ni, lɔn nɛ ka nɛnyaanan nɛ, ka gùlin mɛnɛn dɔn bɛ́ giã nɛ ka kiwin ni, màn mɛn bɛ́ toɛ, ǹ nə n too kɔ dí-pɛn sɛ́wɔ lɛ a boon li, ǹ boo la ǹ nyɛ́ɛ baa kaa Lawa, Dɛnaa Lawa yii ni, ǹ nə n yiri dɔ koa li, ǹ dí-pɛn sɛ́wɔ lɛ a boon tumaa tamaa.

Timəə dí-pɛn 4:6

Ka bɛa boon lɛn tamaa, ka kɔ ǹ lɛ. A giala, bɛ lɛ n die kaa sii-doɛ̃ laanka kaa yiridɛnaabaa nyɛɛ tɔrɔ kɔsɔn manɛ, ǹ mɛnɛn bɛ́ re landa boon kɛn lɛn tumaa miɛ. Maǹ die pii: – Tɔrɔn kɛn gigiãbaa lɛ! Sii-doɛ̃ laanka yiri tá ǹ lon dɛ!

Timəə dí-pɛn 5:3

Dɛnaa Lawa bie á bɛa lɛ kɔ kɔn la lɛ wɔ ka wɔ digolon dininsɔɔ̃nɔn nɛ wa. Sɛnɛ, a na á doa kɔn ka wɔ dɔn nɛ, wɔ mɛnɛn tumaa yii á ke koo kànaa pelo.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 1:8

N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.

Zozoe 24:1

Ǹ kɔn pinaa, Zozoe Izirayeli minin lɛn tumaa lɛ sɔkɔn Sisɛmu. Á lɛ dia ǹ min golen la, ǹ nyɛɛnaandɛnan nɛ, ǹ sii yɔrɔ-bɔlen ne ka ǹ landa sii-daraalin ni. Ǹ nə́ daa golee Lawa yɔrɔ-a.

Zozoe 8:35

Muizu boon mɛnɛn tumaa pɛ Zozoe ne, bɛa boo lɛ a goon goã, mà Zozoe na á pɛ Izirayeli zaman lɛ yii-n wa. Ǹ lɔn nɛ, ǹ nɛnyaanan nɛ, tɔrɔ kɔsɔn mɛnɛn dɔn dinin bɛ́ ǹ bii, á pɛ ǹ tumaa yii ni.