Timəə dí-pɛn 28:68 - LAWA A BOO SONBORE

⁶⁸ A laanɛ má pɛ ka nɛ máa ka yii á re wusii a mɛ Ezipti gána kɛ ganaa doo duduu wa, Dɛnaa Lawa á re wusii a wo ka nɛ walan ka mu la ǹ goo ne. Walan kəni, kaa giĩn laanka kaa lɔn tá re n dinin siɛ̃ kaa zɔ́ɔn lɛn la bɛ̀rɛn lɛa. Sɛnɛ, min na a re yii a ka pii wa.

LAWA A BOO SONBORE 2011

⁶⁸ A laanɛ má pɛ ka nɛ máa ka yii á re wusii a mɛ Ezipti gána kɛ ganaa doo duduu wa, Dɛnaa Lawa á re wusii a wo ka nɛ walan ka mu la ǹ goo ne. Walan kəni, kaa giĩn laanka kaa lɔn tá re n dinin siɛ̃ kaa zɔ́ɔn lɛn la bɛ̀rɛn lɛa. Sɛnɛ, min na a re yii a ka pii wa.

Timəə dí-pɛn 28:68 ပူးပေါင်းရင်းမြစ်များ

Nehemii 5:8

Má pɛ ǹ nɛ: «Ǹ wɔ dɔɔ̃n Zuifun mɛnɛn sã tɔrɔ kɔsɔn la, táa wɔ dininmaan lɛn man wɔ́ bɛn nyin si á kɔnpɛ ka wɔ pàã nɛ. Sɛnɛ, kasɛn man ka dɔɔ̃nɔn siɛ̃, ka n li ka ǹ sã wɔ dininmaan dɔn la!» Ǹ nə́ golee ka kiĩkə́ə̃n, ǹ yii din ba boo ganaa ǹ tá diɛ wa.

Bɔ bɛ̀rɛbaa nɛ 13:17

Faarahɔn bɛ́ á toa zaman lɛ soo, Lawa nə́ ǹ nyɛɛnaa ǹ bɔ. A Filisiti minin gána a zii kɛ kũ ǹ ni wa, a laan bɛa zii lɛ goã kunu. Lawa yɛ mà bɛ̀ zaman lɛ dɔ̃ mà a doamaa nɛ a zia da, mà a yiri á re n bɔyɛɛ, mà á re wusii a wo Ezipti gána nɛ.

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Zeremii 43:7

Ǹ nə́ n piã ka Dɛnaa Lawa bɔlɔ sii ni, ǹ nə́ woo Ezipti gána nɛ, ǹ nə́ dɔ yǎa Tapanɛsi.

Zeremii 44:12

Zudaa minin mɛnɛn yii goã koo ǹ nə́ daa gùli kɔ Ezipti gána nɛ, ma á re ǹ tumaa dii lenlen. Ǹ tumaa n die giɛ̃ bɛa gána lɛ nɛ, zia laanka bòo gɔn, ǹ tumaa, nɛnyaanan nɛ ka min zizin ni. Hiĩ, ǹ tumaa n die giɛ̃ bɛa yɔrɔ kɛ lɛ la. Maǹ die ǹ biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Luku 12:45

Sɛnɛ, bɛ̀ bɛa dí-nyali kɛ lɛ pɛ a din gɔ́ɔ̃ nɛ: «Maa dɛnaagiĩ lɛ a daa á tɔn sɔsɔɔ», á yoo, a tá ǹ miã dí-nyali gialakunun kɛn dii, a giĩ laanka a lɔdɛnan nɛ. A n màn bii, a n màn mii, á n we a yii ni.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 17:16

Sɛnɛ, kii lɛ a sùin doamaa bie ǹ goã gigiã wa. A doamaa dɔ bie a zaman lɛ lɛ goa a dia Ezipti, mà ǹ wo sùin pii ǹ da ǹ nɛ, màn mɛn bɛ́ toɛ, asɛ a sùin nə mɔnaa wa. A giala, Dɛnaa Lawa pɛ ka nɛ mà ka nyan toa ka n bɔyaa ka kɔ zii kɛ lɛ doo wa.

Timəə dí-pɛn 28:67

Sii mɛn bɛ́ re n zɛnɛɛ, bɛ̀ ká bɛ yɛ ka yii ni, nyɛ́ɛ á re ka kuĩ. Bɛ̀ lɛ̀ waa, ka á re pii mà wasa n die miɛ̃ biĩ kəni? Bɛ̀ wasa mɛ, ka á re pii mà lɛ̀ n die wɛɛ biĩ kəni?

Timəə dí-pɛn 29:1

Muizu Izirayeli minin lɛn tumaa bíi, á pɛ ǹ nɛ: – Ka bɛ́ Ezipti gána nɛ, Dɛnaa Lawa siin mɛnɛn zɛnaa *Faarahɔn nɛ, a dí-nyalin ni ka a gána tumaa nɛ, ka dininmaan yii bɛ́ tumaa yɛ.