Timəə dí-pɛn 28:53 - LAWA A BOO SONBORE

⁵³ Kaa zɔ́ɔn lɛn da kɔ ka lɛ lɛ gɔ́ɔ̃ nɛ, ǹ bɛ́ re nɔmaa mɛn diɛ ka mìi ni, bɛ lɛ n die ka kiɛ kaa nɛnyaanan sɔ̃ ganaa. Kaa Lawa, Dɛnaa Lawa nɛgiĩn laanka nɛlɔn mɛnɛn kɔ ka la, ka n die bɛn lɛn soɛ̃.

LAWA A BOO SONBORE 2011

⁵³ Kaa zɔ́ɔn lɛn da kɔ ka lɛ lɛ gɔ́ɔ̃ nɛ, ǹ bɛ́ re nɔmaa mɛn diɛ ka mìi ni, bɛ lɛ n die ka kiɛ kaa nɛnyaanan sɔ̃ ganaa. Kaa Lawa, Dɛnaa Lawa nɛgiĩn laanka nɛlɔn mɛnɛn kɔ ka la, ka n die bɛn lɛn soɛ̃.

Timəə dí-pɛn 28:53 ပူးပေါင်းရင်းမြစ်များ

Zeremii 19:9

Zɔ́ɔn mɛnɛn bɛ́ zoɛ̃ ǹ gɛ̀ li, bɛn tá re kiwi lɛ lɛnpɛnɛ, ǹ yoo ǹ gialaa. Nɔmaa baraa taman yii, ǹ tá re ǹ nɛgiĩn laanka ǹ nɛlɔn siĩ soɛ̃, ǹ dinin dɔn nə kɔn siĩ sɔ̃.

Busii pɛ 2:20

E! Dɛnaa Lawa, n yii bũ n ga minin kɛn ganaa n nə́ ǹ kũ ka yɔrɔ kɛ nɛ! Lɔn manə ǹ nɛnyaanan soɛ̃! Maǹ Lawa a wúlu-bɔlen laanka Lawa a boo gii-dalin dii Lawa a kion!

Busii pɛ 4:10

Maa zaman lɛ a koe biikoo li, náa sonboren dinin nə́ ǹ nɛnyaanan kɔrɛ, ǹ nə́ sɔ̃ màn-bii lɛa.

Ezekieli 5:10

Díin tá re ǹ nɛnyaanan soɛ̃ kiwi lɛ nɛ, nɛnyaanan dɔn tá re ǹ díin soɛ̃. Ma dɔlɔ mɛn boo da, man die bɛ lɛ boe ka ganaa. Kaa min mɛnɛn dɔn bɛ́ re goɛ̃, ma á re bɛn tumaa sasawɛɛ, ma ǹ kaa kanaa paǹ tumaa nɛ.»

Lawa a wúlu-bɔlen 26:29

Bòo lɛ taman yii, ka á re ka yɛ ǹ nɛnyaanan soɛ̃.

Matiə 24:19

Bɔ̀n nə die goɛ̃ lɔ nɔnaan wɔ lɛa, ka min mɛnɛn dɔn bɛ́ nɛnyaanan nə́ ǹ gɔn, ǹ nə́ nyɔ koe ǹ la bɛa lɛawaan kɛn lɛn li.

Timəə dí-pɛn 28:18

Ka gɔ́ɔ̃gɔ́ɔ̃ ǹ nɛnyaanan wɔ a re bǐɛ̃ koe wa, kaa tán dí a re ka gɔn sii wa, kaa diin ni, kaa sèren ne ka kaa bòen ne, bɛn kɔn ba re mɔnɛɛ wa.

Timəə dí-pɛn 28:54

Ka bii, giĩ mɛn bɛ́ min sonbore lɛa a n makara doɛ̃, bɛ n die n yii baraa boe a din dɔɔ̃nɔn li, a din gòã li ǹ lɔ nɛ ka a din a nɛgiĩn mɛnɛn nə́ ke á ǹ koa.

Timəə dí-pɛn 28:55

A n die bɛ zɛnɛɛ, màn mɛn bɛ́ toɛ, a baran ǹ kɔn gɔ ka a nɛgiĩn lɛn siĩ-n wa. A giala, kaa zɔ́ɔn lɛn bɛ́ re die koe ka lɛ ke, ǹ bɛ́ re nɔmaa mɛn diɛ ka mìi ni, màn kɔn din ba re yii ka bii bɛa biikoo lɛ li wa.

Timəə dí-pɛn 28:57

A giala, màn kɔn bɛ́ a banban, a nɛ mɛn yɛ sisia, ka yisi mɛn dɔ kaa á n bɔ a ganaa, a dinsɔɔ̃ n giɛ li a bɛ lɛ sɔ̃ ka durii ni, nɔmaa lɛ taman yii, kaa zɔ́ɔn lɛn nə nɔmaa mɛn da ka mìi ni, bɛ̀ ǹ bɛ́ ǹ nə́ daa kɔ kaa kiwin lɛn lɛ.