Timəə dí-pɛn 28:30 - LAWA A BOO SONBORE

³⁰ Ta kaa min mɛn na á san bɔ, min kɔsɔ n die kuĩ a waa nɛ. Ta kaa min mɛn na á kion dɔ, min kɔsɔ n die giɛ̃ a nɛ. Ta kaa min mɛn na á *rezɛ̃ da wuru bɔ, haalɛ a nɛ bibinaa din, a re niɛ wa.

LAWA A BOO SONBORE 2011

³⁰ Ta kaa min mɛn na á san bɔ, min kɔsɔ n die kuĩ a waa nɛ. Ta kaa min mɛn na á kion dɔ, min kɔsɔ n die giɛ̃ a nɛ. Ta kaa min mɛn na á *rezɛ̃ da wuru bɔ, haalɛ a nɛ bibinaa din, a re niɛ wa.

Timəə dí-pɛn 28:30 ပူးပေါင်းရင်းမြစ်များ

Samayeli2 12:11

Dɛnaa Lawa n kɛ pii: Á ke, man die toɛ n nɔmaa bɔ n din a kion kɛ lɛ nɛ. Masɛ n die n lɔn kɛn kuĩ n din yii ni, ma ǹ kɔ min kɔsɔ la. Bɛ á re giɛ̃ kun ka n lɔn lɛn nɛ wɔlɔ fúlu-a.

Zɔbu 20:18

A màn mɛn yɛ, á re bɛ toɛ walan, a re n mui la wa. A pii kɔ á màn mɛn yɛ, a die bii wa.

Zɔbu 3:18

Kòso nɛn tumaa n là nyantoro yii. Min mɛnɛn nə goã boe ǹ yii ni, ǹ ba bɛn lɛ miɛ̃ doo wa.

Zɔbu 31:10

ma dɔ a lɔ mu si a kɔ min kɔsɔ la, min kɔsɔn nə kũ, bɛ̀ ǹ nə n la nyɛɛ a ganaa.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Zeremii 6:12

Ǹ kionən tá re min kɔsɔn wɔ biɛ, kɔnlɛ ka ǹ wurun ni ka ǹ lɔn nɛ. Ma á re n gɔn siɛ gána kɛa minin li. Dɛnaa Lawa a da ǹ boo ne.

Zeremii 8:10

Dɛnaa Lawa pɛ: Á bǐɛ̃ kɔ, Man die ǹ lɔn koe min kɔsɔn la, ma ǹ wurun kɔ ǹ kũ wolen la. A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ Lawa a boo gii-dalin ganaa a wo Lawa a wúlu-bɔlen yaa, ǹ tumaa n kɔkɔrɔ.

Busii pɛ 5:11

Wɔa zɔ́ɔn nə́ pàã zɛnaa lɔn ganaa *Siɔn kiwi, ka nɛlɔn nɛ Zudaa gána nɛ.

Busii pɛ 5:2

N gána mɛn kɔ wɔ la, á ke tiin wɔ lɛa. Min mɛnɛn bɛ́ wɔ ba ǹ doɛ̃ wa, wɔa kionən man bɛn gɔn.

Ozee 4:2

Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

Amɔɔsi 5:11

Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.

Misee 6:15

Kasɛn kɛn, ka á re màn diɛ kaa wuru-n, sɛnɛ, ka n ka a re kuri wa. Kasɛn kɛn, ka á re *olivie nyɔɔ boe, sɛnɛ, ka n ka a re loe ka ganaa wa. Ka á re rezɛ̃ mu boe, sɛnɛ, ka n ka a re a duvɛ̃ mii wa.

Abakuku 3:17

Á ke, gɔ́rɔ dan ba buũ koe doo wa. *Rezɛ̃ da ba nɛ koe doo wa. Nɛ ba *olivie da la doo wa. Màn-bii kɔn ba boe wurun ni wa. Sère goon din ba sèren kion wa. Dii ba zìã-n wa.

Sofonii 1:13

Sɛnɛ, ǹ gɔn mànan tá re màn kokoo biɛ ǹ kionən tá re yui. Maǹ kionən doe, sɛnɛ ǹ ba re giɛ̃ ǹ nɛ wa. Maǹ *rezɛ̃ dan zumi, sɛnɛ ǹ ba re a duvɛ̃ mii wa.

Timəə dí-pɛn 28:31

Ǹ tá re kaa diin dii ka dinin yii ni, sɛnɛ, a siĩ a re we ka lɛ-n wa. Ǹ tá re kaa dundunun fore ka dinin yii ni ǹ wo ǹ ne, ǹ nə́ ǹ ba re n bɔyɛɛ ǹ da kaa piɛ doo wa. Kaa zɔ́ɔn tá re kaa sèren sii ka la, sɛnɛ, min ba re yii a n dɔ ka lɛ wa.