Timəə dí-pɛn 28:12 - LAWA A BOO SONBORE

¹² Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.

LAWA A BOO SONBORE 2011

¹² Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.

Timəə dí-pɛn 28:12 ပူးပေါင်းရင်းမြစ်များ

Kiin1 18:1

A bɛ́ á bele bɔ, lɛ̀ gere lɛ a wɔ lɛ̀ sɔɔbaa ǹ wɔ, Dɛnaa Lawa boo da ka Yilii ni: «Wo n din nyaa Akaabu ni, ma á die la kiɛ tán la.»

Zɔbu 38:22

*Mu nyuù-wɔle bɛ́ boe bǎã mɛn nɛ, n bin woo yǎa walan? La gii bɛ́ boe bǎã mɛn nɛ lon, n bin bɛ yɛ?

Loen 135:7

A din nə labaran goɛ lon kanaa gùrù goon ganaa, a la da tɛ-pɛ ganaa, màn mɛn bɛ́ toɛ la kaa. A din nə piɛ̃ boe a bǎã nɛ, a da bɔ ganaa.

Suusun 22:7

Pàãma pàã la doobaa wɔ nɛ. Giɔ̀mɔdɛnaa n giɔ̀mɔ-dali lɛ a kòso nɛ lɛa.

Ezekieli 34:26

Ma á re barka diɛ gána kɛ ganaa, ka maa kele kɛ lɛkoro lɛ-a bǎãn nɛ. La mu mɛn bɛ́ barka da maa ǹ wɔ lɛa, ma á re toɛ bɛ kaa a biikoo li.

Lawa a wúlu-bɔlen 26:4

Bɛ̀ ka zɛnaa miɛ̃, lan mɛnɛn bɛ́ ka laadoo bǐɛ̃ koe, ma á die toɛ, bɛn nə kaa a biikoo li. Tán-kɔsiɛ á die bǐɛ̃ koe, dan dɔn tá re nɛ koe.

Timəə dí-pɛn 11:14

á re kaa gána lɛ a la kiɛ a biikoo li, a la bibinaan laanka a giala-nyɔmiɛ̃ kɔ ka la. Bɛ á re toɛ kaa tán-kɔsiɛ mànan nə bǐɛ̃ kɔ, ka *belee laanka duvɛ̃ yɛ, ka nyɔɔ nɛ.

Timəə dí-pɛn 14:29

Levii tɔrɔn kɛn, bǎã ná a banban ǹ wɔ lɛa ka bii wa, bɛn tá re die bɛa màn-bii lɛ kɔn siɛ, kɔnlɛ ka gùlin ni, nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n kaa kiwin ni. Ǹ tumaa á die màn bii ǹ kã. Bɛ̀ á n baa miɛ̃, kaa Lawa, Dɛnaa Lawa á die barka diɛ ka ganaa, ka a nya ǹ dí tumaa gɔ́ɔ̃ nɛ.

Timəə dí-pɛn 15:10

Ka bɔ ka foo-a, ka kɔ la bɛ̀ ka foo n kɔɔ̃nɛ. Bɛ lɛ n die toɛ kaa Lawa, Dɛnaa Lawa barka da kaa nya ǹ dí tumaa ganaa, ka bɛ́ re n gɔn diɛ dí woo dí ganaa, a bɛ bǐɛ̃ kɔ.

Timəə dí-pɛn 15:6

A giala, kaa Lawa, Dɛnaa Lawa lɛ á re barka diɛ ka ganaa, ka a bɛ́ á pɛ lɔn. Kasɛn man die giɔ̀mɔ diɛ tɔrɔ kɔsɔn ganaa, ka dinin ba re giɔ̀mɔ siɛ ǹ lon wa. Ka n die giɛ̃ tɔrɔ kɔsɔ gigiã mìi la, sɛnɛ, ka dinin kɛn, ǹ ba boe la ǹ giã ka mìi la wa.

Timəə dí-pɛn 23:20

Bɛ̀ kaa min mɛn giɔ̀mɔ da ǹ dɔɔ̃n ganaa, ta wɔrɔ nɛ, ta màn-bii ni, ta màn woo màn nɛ á n là we, a nyan toa a pɛ, mà yǎa a na a là diɛ wa.

Timəə dí-pɛn 28:24

Dɛnaa Lawa á re nyɔɔsɔ laanka gusuũ biɛ kaa gána lɛ wɔ lɛa, bɛ̀ a bɛ gisĩ ka la. Bɛn tá re n toɛ lon bɛ̀ ǹ gisĩ ka la, yǎa ka giɛ̃ ka nyɛɛ.

Timəə dí-pɛn 28:44

Ǹsɛn man die giɔ̀mɔ diɛ kasɛn ganaa kəni, kasɛn ba re boe la ka màn kɔn a giɔ̀mɔ da ǹsɛn ganaa wa. Maǹ die goɛ̃ ka nyɛɛnɛ, kasɛn man die goɛ̃ ǹ kio.