Timəə dí-pɛn 28:1 - LAWA A BOO SONBORE

¹ Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

LAWA A BOO SONBORE 2011

¹ Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

Timəə dí-pɛn 28:1 ပူးပေါင်းရင်းမြစ်များ

KZS1 14:2

Davida dɔ̃ kəni, mà Dɛnaa Lawa din na á ná asɛ koa Izirayeli gána a kii lɛa, mà asɛ a kiibaa lɛ n pàã yii woe nyɛɛnɛ, Lawa a zaman Izirayeli minin lɛn taman yii.

Loen 106:3

Min mɛnɛn bɛ́ dí-pɛn tamaɛ, ǹ nə́ sii pepere zɛnɛɛ biikoo tumaa li, Lawa á re barka diɛ bɛn ganaa.

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 119:128

Bɛ lɛ n ke ma á pii máa, n doree boon lɛn tumaa n pepere a yɔrɔ tumaa li. Soɛ sii kɔn ba kɔɔ̃n ma ganaa wa.

Loen 119:6

Bɛ lɛ n die toɛ, bɛ̀ ma á n yiri koɛ n dí-pɛn lɛn tumaa nɛ, sìi a re ma kuĩ wa.

Loen 148:14

Á wusoo á pàã kɔ a minin la, Izirayeli nɛnyaanan lɛn, bɛa tɔrɔ kɛ lɛ mɔrɛɛ nɛ a ganaa. Bɛ lɛ nɛ, ǹ tumaa tá loe loe a tɔ boe ne. Aleluya, ka Dɛnaa Lawa tɔ bɔ!

Loen 91:14

Bɛ lɛ n ke Lawa á pii: A bɛ́ ma narɛ parsiini, man die boe sii ni, a bɛ́ ma doɛ̃, bɛ lɛ-n ma á re tamaɛ.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Bɔ bɛ̀rɛbaa nɛ 23:22

Bɛ̀ ka ma lɛ si, ka maa boo kɛa sii tumaa zɛnaa, man die kaa zɔ́ɔn zɔ́ɔ biɛ, ma ziabaa ǹ ganaa kaa lɛa.

Bɔ bɛ̀rɛbaa nɛ 23:25

Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 3:10

Ka pɛ kɛnɛn: «Min pepere n yii-nyɛɛ la, a giala, á re a nya ǹ dí sonboren kɛn là yii.»

Zeremii 11:4

Lɛlɛ, ma ka digolon waa Ezipti gána nɛ, tɛ gole ke, má soo ǹ ne. Bɛa waáraa lɛ nɛ, ma lɛ kɔ kɔn la wɔ kɔn ka ka nɛ, má pɛ: Ka n too kɔ maa boon li, ka kɔ ǹ lɛ ka ma bɛ́ pii ka-n lɔn pelo. Ka bɛ nɛ, ka á re maa zaman biɛ, ma dɔ á re kaa Lawa biɛ.

Zeremii 12:16

Maa zaman lɛ miãkɛnɛn nə́ maa zaman lɛ daraa lɛ kɔ wɔ ganaa ka *Baali tɔ nɛ. Sɛnɛ, maa zaman kɔnbɔ ka giã ǹ gɔn mɛn nɛ, bɛ̀ ǹ nə́ n daraa bɛ ganaa, bɛ̀ ǹ nə́ n liɛ ka masɛ Dɛnaa Lawa Yiikoonaa tɔ nɛ, ka bɛ-n kəni, ǹ tá re giã ǹ bǎã yii maa zaman lɛ bii.

Zeremii 17:24

Dɛnaa Lawa a da ǹ boo á ke: «Sɛnɛ kasɛn, ka n too kɔ ma lon taãn nɛ. *Susu ǹ pii pinaa, ka nyan bɔ ka guĩ kɔ́n nɛ kiwi lɛ a kiɛnlɛn nɛ wa. Ka bɛa lɛawaa lɛ koa masɛ wɔ lɛa, ka nyan dí kɔ́n nya wa.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Luku 9:48

á pɛ ǹ nɛ: «Bɛ̀ min mɛn lɛ kɔ, á nɛnyaan kɛ miã kũ doɛ̃ masɛ tɔ taman yii, bɛa dɛnaa na á lɛ kɔ masɛ din ganaa. Bɛ̀ min dɔ lɛ kɔ masɛ-a, bɛa dɛnaa na á lɛ kɔ masɛ a dia wole ganaa. A giala min mɛn bɛ́ n din kiɛɛrɛ koe ka bii, bɛa dɛnaa lɛ n gole ka tumaa nɛ.»

Zaã a sɛ́wɔ 15:14

Ma dí mɛn pɛ ka nɛ, bɛ̀ ka tá bɛ nyɛɛ, ka n masɛ a giaáran lɛa.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Timəə dí-pɛn 11:13

Ma bɛ́ gɔn waa ǹ boon mɛnɛn koe ka la pelo, bɛ̀ ka n too kɔ bɛn li doɛ̃ sɛn, ká kaa Lawa, Dɛnaa Lawa narɛ ká dí nya nɛ ka ka foo tumaa nɛ, ka ka gɔ́ɔ̃ tumaa nɛ,

Timəə dí-pɛn 11:27

Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, bɛ̀ ká n too kɔ bɛn li, kaa wɔ á re bǐɛ̃ koe.

Timəə dí-pɛn 15:5

A dàn nɛ, ka kaa Lawa, Dɛnaa Lawa lɛ bɔlɔ si. Ma bɛ́ n gɔn wɛɛ ka nɛ ka boon mɛnɛn tumaa-n pelo, ka n yiri koa li ka bɛn tamaa.

Timəə dí-pɛn 26:18

Dɛnaa Lawa dɔ pɛ pelo mà ka na a asɛ a zaman lɛa, mà ka na a dinsɔɔ̃ wɔ lɛa, ka a bɛ́ á pɛ ka-n lɔn, ka a gɔn waa ǹ boon kɛn tumaa tamaa.

Timəə dí-pɛn 26:19

A giala, Lawa tɔrɔ kɔsɔn mɛnɛn tumaa zɛnaa, a n die gugurubaa koe ka la, a ka tɔ bɔ, ka golebaa yɛ a la bɛn manɛ. Bɛ gɔ́ɔ̃ nɛ, a n giɛ li ka goã asɛ din wɔ lɛa, ka a bɛ́ á pɛ lɔn.

Timəə dí-pɛn 28:13

Dɛnaa Lawa n die ka diɛ nyɛɛnɛ, a re ka toɛ kio wa. Ka n die woe nyɛɛn miɛ̃ duduu, ka a wusii ka kio-n wa. Sɛnɛ, ma bɛ́ kaa Lawa, Dɛnaa Lawa a gɔn waa ǹ boo mɛnɛn lɛn koe ka la pelo, yǎa ka bɛn lɛn sii, ka ǹ tamaɛ, ka koe ǹ lɛ.