Timəə dí-pɛn 27:15 - LAWA A BOO SONBORE

¹⁵ Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

LAWA A BOO SONBORE 2011

¹⁵ Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

Timəə dí-pɛn 27:15 ပူးပေါင်းရင်းမြစ်များ

Siin Giala 31:19

Laban na á goã á woo a tɔɔn ka kuru ǹ bǎã nɛ. Raseli bɛ toa walan, a ná a kion lɛduə᷉ ǹ dìn goa a kio.

Siin Giala 31:34

Raseli na á goã á dìn lɛn goa, á ǹ duru nyɔɔmaa a kɛkɛrɛ giulun, á giã la. Laban mɔnaa kion gɔ́ɔ̃ tumaa gugusi, á ga, a màn kɔ́n yɛ wa.

Siin Giala 9:25

Á tɔ́n pɛ: «Koe die a bɔ Kanaan ganaa. A die a n baa ǹ dɔɔ̃nɔn lɛn bɛ̀rɛn bɛ̀rɛ lɛa!»

Kiin2 17:19

Sɛnɛ Zudaa tɔrɔn dɔn nə ǹ Lawa, Dɛnaa Lawa a gɔn waa ǹ boon lɛn tamaa wa. Landan mɛnɛn bɛ́ Izirayeli minin nə́ ǹ koa, maǹ nə́ kɔ bɛn lɛ.

Kiin2 23:13

Wúlu bɔ ǹ bǎãn mɛnɛn nə goã Zeruzalɛmu yɔrɔ-a, *olivie kele a gusin a lɛ̀gɔn la, ke ǹ nə́ bii basaã kɔ ǹ bǎã, kii lɛ bɛn soɛ̃ yiɛ. Izirayeli gána a kii Salomɔn na á goã á bɛa wúlu bɔ ǹ bǎãn kɛn lɛn dɔ, Sidɔn minin dì bɔbɔnɛɛ Astartee kɛ wɔ lɛa, ka Moabu gána a dì bɔbɔnɛɛ Kemɔɔsi kɛ nɛ, ka Amɔn tɔrɔn dì bɔbɔnɛɛ Milkɔmu kɛ nɛ.

KZS1 16:36

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu!» Zaman tumaa pɛ mà hiĩ mà a n miɛ̃! Ka Dɛnaa Lawa tɔ bɔ!

KZS2 33:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

Bɔ bɛ̀rɛbaa nɛ 20:23

Kaa boe la, ka masɛ baa ka lawan kɛn bɛ́ lɔn, ǹ nə́ ǹ zɛnaa ka wɔrɔgiala laanka sana-n wa. Kaa boe la, ka bɛn miãn zɛnaa masɛ genli wa.

Bɔ bɛ̀rɛbaa nɛ 20:4

- N baran màn nyín zɛnaa n bɛ baa n Lawa lɛa wa. A baran lon màn yiikoonaa baa wa, tán wɔ nɛ, ka mu giulun wɔ-n wa.

Bɔ bɛ̀rɛbaa nɛ 34:17

«Ka baran fɔlɔ yo ka màn nyín zɛnaa nɛ, ka baa kaa Lawa lɛa wa.

Izayii 44:13

Da-sɛlɛli n biɛ diɛ gɔn li, a zɔɔ̃, a dì nyín zɛnaa la ka ton fu ni. A n gɔn lɛ kuri ka sɛ̀miɛ̃ nɛ, a n zɔnɛ ka kàka nɛ. A n giɛ minbuiin nɛ ganaa, min siĩn-siĩni, a na a kɔnboe zɛnaa. Bɛa nyín kɛ lɛ n woe n koɛ kion.

Izayii 44:17

Gɔn lɛ a gialakun ke, a n dì zɛnɛɛ nɛ, màn nyin lɛa. A kaa tán a yɔrɔ-a a na a guguru kɔ, a ná a nyankoe kɛnɛn: «Ma n maa lawa lɛa, ma kirisibaa!»

Izayii 44:19

Min kɔn ba n taasɛ, a bɔ a din ni, min kɔn ba yiri yii ka sii-doɛ̃ nɛ a pɛ: «Má tɛ koa ka gɔn lɛ a talɛɛ nɛ, má màn-bii zɛnaa a tɛ nàn la, má siĩ tã la má sɔ̃. Ma á re màn nyín bɔbɔnɛɛ zɛnɛɛ ká a gialakun kɛ-n doo? Ma a re kiɛ tán gɔn lɛkoro yɔrɔ-a wa!»

Zeremii 11:3

n pɛ ǹ nɛ: «Dɛnaa Lawa Izirayeli a Lawa boo mɛn da á ke: Bɛ̀ min mɛn kɔ lɛ kɔ kɔn la ǹ boo kɛn lɛ wa, lɛn baraa nə n bíi li.

Zeremii 11:5

Bɛa yɔrɔ lɛ la, ma lɛ-kɔ mɛn wɔ ka ka digolon ne, máa ma á re gána koe ǹ la, bɔ̀nyaa laanka zoo nyɔɔ n baa sii a nɛ, ma á re bɛ lɛ piɛ̃. A din lɛ n ke ka tá a-n pelo.» Má a lɛ si: «Hiĩ Dɛnaa Lawa!»

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Zeremii 28:6

– Hiĩ, a n zɛnaa miɛ̃! N boo mɛn da sisia, Dɛnaa Lawa die a bɛ zɛnaa! Ǹ mànan mɛnɛn tumaa goa Lawa a kion ǹ nə́ woo ǹ ne Baabilonii, a wusoo a da ka bɛn nɛ, ka goa-wolen kɛn tumaa nɛ!

Ezekieli 14:4

Bɛ lɛ nɛ, boo da ǹ nɛ, n pɛ ǹ nɛ, mà masɛ Dɛnaa Lawa n kɛ pii: «Izirayeli tɔrɔn kɛn lɛn min mɛn a dìn sii bɛ́ kaka a ganaa, màn mɛn bɛ́ re diɛ sii baraa zɛnaa ganaa bɛ̀ á n toa bɛ la, á wusoo á daa nɔ̀n da Lawa a boo gii-dali la ka sii ni, masɛ dinmaa Dɛnaa Lawa n die a lɛ sii. Dì gigiã kɛ lɛ a tá a guguru koe, a dɔlɔ bɛ́ ka màn mɛn nɛ, ma á re bɛ diɛ a mìi ni.»

Ezekieli 7:20

Ǹ nə́ n saa ǹ nyaǹ màn sonboren kɛn li, ǹ nə́ n dinin gole kɔ. Ǹ nə́ màn nyín bɔbɔnɛɛn tìĩ-bɔlen zɛnaa ka bɛn lɛn nɛ. Bɛ lɛ na á toa, ma á re biɛ *gɔ̀ lɛa ǹ ganaa.

Lawa a wúlu-bɔlen 19:4

Ka baran dìn guguru kɔ wa. Ka baran màn nyín zɛnaa, ka bɛ baa kaa Lawa lɛa wa. Masɛ din Dɛnaa Lawa n kaa Lawa lɛa.

Lawa a wúlu-bɔlen 26:1

Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Minin nimi 5:22

Mu kɔɔsɛ ke die ka koe ne, bɛ á die we n gɔ́ɔ̃ nɛ, a n nɔ̀ yii, a n kurəə nɛ yɛ ganaa.» Lɔ lɛ die a pɛ: «A n miɛ̃, a n miɛ̃.»

Matiə 24:15

"Sii bɔnɛɛ mɛn bɛ́ basaã kɔ ǹ sii lɛa", Lawa a boo gii-dali Danayeli ná a boo da, ka á re bɛ yii. A n die n zɛnɛɛ Lawa laanka a wúlu-bɔlen kɔn yɛ ǹ bǎã nɛ Lawa a kion. (Kasɛn mɛnɛn bɛ́ sɛ́wɔ kɛ pii, ka n doa ka a giala ma!)

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Korɛnti1 14:16

Sonbore, bɛ̀ n Lawa nyankɔ, n barka da Lawa nɛ ka n yiri dinsɔɔ̃ nɛ, min mɛn bɛ́ too-kɔle kooro lɛa, bɛ n siɛ lɔn a pɛ mà «A n miɛ̃» n barka da Lawa-n lɛ kio? A giala, n bɛ́ boo mɛn diɛ a boe la á bɛ doɛ̃ wa.

Timəə dí-pɛn 27:14

Levii tɔrɔn kɛn Lawa a wúlu-bɔlen lɛa bɛn die ǹ nə n lɛn saa lon, ǹ kɛ pɛ Izirayeli minin lɛn tumaa nɛ:

Timəə dí-pɛn 29:17

Min kɔn nyan toa a yɛ ka bii giĩ lɛa hinlaa lɔ lɛa, tanlɛ lɛa hinlaa tɔrɔ lɛa, bɛ ń wusii n boe wɔa Lawa, Dɛnaa Lawa kio pelo, mà asɛ n woe bɛa tɔrɔn kɛn lɛn dìn guguru koe wa. Min kɔn dɔ nyan toa a yɛ ka bii, a n baa ka da gòon bɛ́ lɔn, sèwò kɔɔsɛ koe wa.

Timəə dí-pɛn 4:25

Bɛ̀ ká giã gána lɛ nɛ á belebɔ, yǎa ka nɛnyaanan laanka nɔ̀ɔnɔn yɛ, ka nyan màn nyín zɛnaa ka ka dinin ziziɛ̃-n wa, haalɛ ta màn mɛn din nyín ni. Sii mɛn bɛ́ baraa kaa Lawa, Dɛnaa Lawa yii li, ka nyan bɛ zɛnaa, ka a foo yoo-n wa.

Timəə dí-pɛn 5:8

Ka baran màn nyìn zɛnaa ka bɛ baa kaa lawa lɛa wa. Mànan mɛnɛn bɛ́ lon, ǹ mɛnɛn bɛ́ tán la, ka ǹ mɛnɛn dɔn bɛ́ mu li tán, a nyan bɛ kɔn nyìn baa wa.

Timəə dí-pɛn 7:25

Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

Sii yɔrɔ-bɔlen 17:3

Miika wɔrɔ duu goon ka paabiɛ lɛ saa, á kɔ ǹ dan la. Ǹ dan tɔ́n pɛ nɛ: «Bɛa wɔrɔ kɛ lɛ din, man má kɔ Dɛnaa Lawa la, maa nɛgiĩ lɛ a lɛa. Máa á re màn nyín zɛnɛɛ nɛ, a fɔlɔ yo a kaa la, a baa dì lɛa. Bɛ lɛ n ke, ma á koe la kanna.»

Sii yɔrɔ-bɔlen 17:4

Á wusoo á wɔrɔ lɛ kɔ ǹ dan la. Ǹ dan bɛa wɔrɔ lɛ si, á wɔrɔ biɛpaa bɔ a nɛ, á kɔ fɔlɔ-yole la. Bɛ́ màn nyín zɛnaa nɛ, á fɔlɔ yo á kaa la, ǹ nə́ koa Miika a kion dì lɛa.

Samayeli1 26:19

Maa dɛnaagiĩ kii lɛ die a bǐɛ̃ kɔ sisia, a n too kɔ a bɛrɛgiĩ a boo ganaa. Bɛ̀ Dɛnaa Lawa nə n sɔmɛ n diɛ ma ganaa, Lawa gɔ ǹ màn die a Dɛnaa Lawa foo basã! Sɛnɛ, bɛ̀ minin manə n sɔmɛ n diɛ ma ganaa, bɛn dɛnan wɔ die a ziziɛ̃ Dɛnaa Lawa yɔrɔ-a. A giala, maǹ nə́ ma loo pelo, ǹ nə́ ma bɔ Dɛnaa Lawa a kíɛ̃ ganaa, ǹ nə́ die ma diɛ lawa kɔsɔn guguru kɔ ganaa.