Timəə dí-pɛn 26:5 - LAWA A BOO SONBORE

⁵ Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.

LAWA A BOO SONBORE 2011

⁵ Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.

Timəə dí-pɛn 26:5 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 24:4

N liɛ masɛ nɛ, mà n tá re woe masɛ á bɔ ǹ gána nɛ, n ma din a kion min saa lɔ lɛa, n da kɔ Izaaki la.»

Siin Giala 25:20

Izaaki a yɛ lɛ̀ pusi, á Rebeka saa lɔ lɛa. Rebeka n Laban ǹ miãnɛn lɛa, Betoeli mɛn bɛ́ Aramu min lɛa boe Mezopotamii gána nɛ, bɛa nɛlɔ nɛ.

Siin Giala 27:41

Ezawu Zakɔba baa zɔ́ɔ, ǹ di a lɛn bǐɛ̃ bíi li lɛ taman yii. Á pɛ a din gɔ́ɔ̃-n kɛnɛn: «Maa díi lɛ a gɛ̀ dɔ á nya. Bɛa pinaa, man die ma diɛ̃ Zakɔba dii.»

Siin Giala 28:5

Izaaki Zakɔba dia, á woo Aaramun giĩ Betoeli a nɛgiĩ Laban li, Mezopotamii gána nɛ. Zakɔba laanka Ezawu ǹ dan Rebeka ǹ miãgiĩ ni.

Siin Giala 31:20

Zakɔba Siiriin giĩ Laban mìi dɔ li, a na a baa sii boo lɛ da a yiri-a wa.

Siin Giala 31:24

Ǹ kɔn pinaa tèlò-n, Lawa nə́ n din nyaa Siiriin giĩ Laban nɛ ka narɛɛ nɛ, á pɛ nɛ: «N din kũ, n nyan toa n sii kɔ́n zɛnaa Zakɔba-n wa.»

Siin Giala 31:40

Penlee ne, sɛ̀fuu n ma dii, tèlò-n nyan kɛ n boe ma ganaa, ma goã nyuù naɛ ma yii-a wa!

Siin Giala 43:12

Ka bɛ́ ka wɔrɔ mɛn yɛ kaa boroon lɛn nɛ, bɛ̀ ka bɛ́ ǹ lɛ buĩ, ka wusoo ka wo ne ka koa. Kɔntan, min na á sã, á ǹ kaa a nɛ. Ka bɛ miã wɔrɔ ti a ganaa ka wo ne.

Siin Giala 45:11

Ma á die màn-bii koe n la kànaa, màn mɛn bɛ́ toɛ n la, n din laanka n kion minin ni, ka n tɔɔn tumaa nɛ. A giala, bòo lɛ á tɔn koe yǎa lɛ̀ sooro doo.»

Siin Giala 45:7

Lawa na á masɛ dia ka nyɛɛnɛ gána lɛ nɛ, mà ma da ga màn-bii li ma koa ka nɛ, màn mɛn bɛ́ toɛ ka la, ka tɔrɔ goã bòo kɛ kio, ka kanbaa ǹ sii ni.

Siin Giala 46:27

Zozɛfu na á nɛgiĩ paa yɛ Ezipti gána nɛ. Zakɔba a kion minin mɛnɛn nə da Ezipti, ǹ tumaa a kaa kun nə min pɔsɔbaa.

Siin Giala 47:27

Zakɔba giã Ezipti gána nɛ, Gosɛnɛ tán la. A tɔrɔn lɛn nə́ tándɛnan baa, ǹ nə́ nɛnyaanan yɛ, ǹ nə́ mɔnaa parsiini.

Siin Giala 47:4

Bòo lɛ na á kaka kɔ Kanaan gána-n parsiini, buu dɔ din banban doo, wɔa tɔɔn tá soɛ̃ wa. Bɛ lɛ nɛ, wɔ́ daa gùli kɔ kànaa. Bǐɛ̃ kɔ, n bǎã kɔ wɔ la Gosɛnɛ gána nɛ, wɔ giã walan.»

Bɔ bɛ̀rɛbaa nɛ 1:12

Sɛnɛ, ǹ bɛ́ giɛ li mà ǹ màn da Izirayeli nɛnyaanan lɛn nɔmaa li ǹ mɛn waáraa, bɛa biikoo lɛ din ni, màn nə́ miɛ̃ ǹ mɔnaa li, ǹ nə́ bǎã siɛ. Ǹ sii goã nyɛ́ɛ diɛ Ezipti minin ganaa.

Bɔ bɛ̀rɛbaa nɛ 1:5

Ǹ bɛ́ woe, bɛ̀ Zozɛfu sɛ n Ezipti gɔrɔ. Zakɔba a kion minin lɛn tumaa na á goã min pɔsɔbaa.

Bɔ bɛ̀rɛbaa nɛ 1:7

Izirayeli minin lɛn nə́ nɛnyaanan yɛ, ǹ nə́ mɔnaa Ezipti gána lɛ nɛ, ǹ pàã gole kɔ parsiini.

Ozee 12:12

Bɛ̀ Galaati minin nə́ sii bɔbɔnɛɛ zɛnalin baa, maǹ màn kooron lɛa ma gɔn. Maǹ tɔn wúlun boboe Gilgaali ka dii gɔ̀lɔ̀n nɛ. Ǹ wúlu bɔ ǹ bǎãn kɛn tá re n biɛ ka kɔlɔn bɛ́ lɔn kantian bii ni wuru-n.

Ozee 12:13

Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.

Nya ǹ dín 7:15

Zakɔba a da Ezipti gána nɛ n ka bɛ nɛ. A na á gã walan, ka wɔsɛn digolon lɛn dɔn nɛ.

Timəə dí-pɛn 1:10

A giala, Dɛnaa Lawa, kaa Lawa lɛ ka bulubɔ, ka á ke mɔnaa-n pelo, ka lon a leeren bɛ́ lɔn.

Timəə dí-pɛn 10:22

Ka digolon bɛ́ woe Ezipti, bɛ̀ man min pɔsɔbaa dinsɔɔ̃. Sɛnɛ, sisia, kaa Lawa, Dɛnaa Lawa á ke á ka mɔnaa, ka lon a leeren bɛ́ lɔn.

Timəə dí-pɛn 26:4

Bɛ kio, wúlu-bɔle kɛsɛ lɛ si a bɔ a gɔn, a wo da tán kaa Lawa, Dɛnaa Lawa a *wúlu bɔ ǹ bǎã kɛ yɔrɔ-a.

Timəə dí-pɛn 7:7

Bɛ̀ ń yǎa Dɛnaa Lawa tá ka narɛ, bɛ̀ ń yǎa á ka bɔ, a bie ka ka n mɔnaa-n ká la tɔrɔ gialakunun kɛn tumaa-n wa. Ka dinin man tɔrɔ kɔsɔn lɛn tumaa a boɛɛn lɛa.