Timəə dí-pɛn 26:19 - LAWA A BOO SONBORE

¹⁹ A giala, Lawa tɔrɔ kɔsɔn mɛnɛn tumaa zɛnaa, a n die gugurubaa koe ka la, a ka tɔ bɔ, ka golebaa yɛ a la bɛn manɛ. Bɛ gɔ́ɔ̃ nɛ, a n giɛ li ka goã asɛ din wɔ lɛa, ka a bɛ́ á pɛ lɔn.

LAWA A BOO SONBORE 2011

¹⁹ A giala, Lawa tɔrɔ kɔsɔn mɛnɛn tumaa zɛnaa, a n die gugurubaa koe ka la, a ka tɔ bɔ, ka golebaa yɛ a la bɛn manɛ. Bɛ gɔ́ɔ̃ nɛ, a n giɛ li ka goã asɛ din wɔ lɛa, ka a bɛ́ á pɛ lɔn.

Timəə dí-pɛn 26:19 ပူးပေါင်းရင်းမြစ်များ

Loen 148:14

Á wusoo á pàã kɔ a minin la, Izirayeli nɛnyaanan lɛn, bɛa tɔrɔ kɛ lɛ mɔrɛɛ nɛ a ganaa. Bɛ lɛ nɛ, ǹ tumaa tá loe loe a tɔ boe ne. Aleluya, ka Dɛnaa Lawa tɔ bɔ!

Bɔ bɛ̀rɛbaa nɛ 19:5

Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

Izayii 62:12

Ǹ tá re ǹ bíi mà «Tɔrɔ sonbore» «Dɛnaa Lawa min mɛnɛn si á ǹ kaa». Nsɛ Zeruzalɛmu, ǹ tá re n bíi: «Lawa foo sii kiwi», «kiwi mɛn bɛ́ ǹ nə n la bɔ a ganaa wa».

Zeremii 13:11

Dɛnaa Lawa a da ǹ boo á ke: «Minbuiin nɛn bɛ́ maabɛlɛ yii ǹ binbin ni lɔn, ma dɔ n má Izirayeli zaman laanka Zudaa zaman yii ma binbin ni miɛ̃, máa ǹ maa zaman baa, ǹ ma tɔ bɔ, ǹ gugurubaa da ma tɔ la, ǹ ma foo kɔɔ̃n kɔ. Sɛnɛ, ǹ nə n too kɔ ma lon wa.»

Zeremii 2:3

Izirayeli, n nə n goã ma dinsɔɔ̃ wɔ lɛa. N nə n goã ma din wɔ baa nɛ, ka kaa-piɛ da nɛ bibinaa bɛ́ lɔn. Min mɛnɛn gɔn bɛ́ re miɛ n ganaa, zɛ̀rɛ n die bɛn kuĩ, koe bɔ ǹ ganaa. Dɛnaa Lawa a da ǹ boo ne.

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Sofonii 3:19

Bɛa biikoo li, min mɛnɛn nə bɔ n yii ni ka mɛnaa ma la siin ni, ma á re yui bɛn gialaa. Ma á re kaa busulən kaka koe. Ǹ wo ka min mɛnɛn nɛ gùli kɔ ǹ bàã nɛ, ma á re die bɛn nɛ piɛ. Kaa tɔ golebaa á re n diɛ wɔlɔ la, sìi ka kũ gánan mɛnɛn tumaa nɛ.

Sofonii 3:20

Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!»

Timəə dí-pɛn 27:1

Muizu laanka Izirayeli tɔrɔn lɛn min golen nə́ n gɔn waa zaman lɛ nɛ, á nə́ pɛ ǹ nɛ: «Ma bɛ́ n gɔn wɛɛ ka nɛ ka boon mɛnɛn tumaa-n pelo, ka ǹ tumaa tamaa.

Timəə dí-pɛn 28:1

Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

Timəə dí-pɛn 28:13

Dɛnaa Lawa n die ka diɛ nyɛɛnɛ, a re ka toɛ kio wa. Ka n die woe nyɛɛn miɛ̃ duduu, ka a wusii ka kio-n wa. Sɛnɛ, ma bɛ́ kaa Lawa, Dɛnaa Lawa a gɔn waa ǹ boo mɛnɛn lɛn koe ka la pelo, yǎa ka bɛn lɛn sii, ka ǹ tamaɛ, ka koe ǹ lɛ.

Timəə dí-pɛn 28:9

Bɛ̀ ká kaa Lawa, Dɛnaa Lawa a gɔn waa ǹ boon kɛn tamaa, bɛ̀ ká kɔ a dùũ siin lɛ, á re ka boe a ka koa a din wɔn lɛa, ka a bɛ́ á n liɛ ka-n lɔn.

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.