Timəə dí-pɛn 26:17 - LAWA A BOO SONBORE

¹⁷ Pelo ká pɛ mà Dɛnaa Lawa n kaa Lawa lɛa. Mà ka tá re a bɔlɔ sii dɔn, ka a landa boon kɛn tamaa, a gɔn waa ǹ boon laanka a sii yɔrɔ bɔ ǹ boon kɛn nɛ, ka n too kɔ a lon.

LAWA A BOO SONBORE 2011

¹⁷ Pelo ká pɛ mà Dɛnaa Lawa n kaa Lawa lɛa. Mà ka tá re a bɔlɔ sii dɔn, ka a landa boon kɛn tamaa, a gɔn waa ǹ boon laanka a sii yɔrɔ bɔ ǹ boon kɛn nɛ, ka n too kɔ a lon.

Timəə dí-pɛn 26:17 ပူးပေါင်းရင်းမြစ်များ

Siin Giala 28:21

bɛ̀ masɛ nə́ n bɔyaa, má daa ma dikion ka bǐɛ̃ nɛ, Dɛnaa á re masɛ a Lawa biɛ.

KZS2 34:31

Kii lɛ golee lon a golee ǹ bǎã nɛ, á lɛ-kɔ dii wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, a na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ, kiɛ̃ nɛ sɛ́wɔ lɛ nɛ.

Loen 48:14

A kungɔn ke, ka n taasɛ bɛ ganaa, ǹ màn mɛn dɔ ǹ nə́ tamaa nɛ, ka ga bɛ ganaa, ka á re boe la, ka a laakalaa kaa nɛnyaanan manɛ:

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Bɔ bɛ̀rɛbaa nɛ 19:8

Zaman lɛ tumaa na a lɛ si kun: «Dɛnaa din màn mɛn tumaa pɛ, wɔsɛn tá re bɛ tumaa zɛnɛɛ.» Muizu wusoo á daa zaman lɛ a boon lɛn pɛ Dɛnaa nɛ.

Bɔ bɛ̀rɛbaa nɛ 20:19

Ǹ nə́ pɛ Muizu ni: «N din boo da wɔ nɛ, wɔ á re miɛ̃. Lawa baran boo da wɔ-n wa, bɛ bie wa, wɔ á re giɛ̃.»

Bɔ bɛ̀rɛbaa nɛ 24:7

Á tɔ́n lɛ kɔ kɔn la ǹ boon sɛ́wɔ kɛ saa, á pɛ ka lɛn gole ne zaman lɛ yɔrɔ-a. Izirayeli nɛnyaanan lɛn nə́ pɛ: «Dɛnaa boon mɛnɛn tumaa da, wɔsɛn tá re bɛn tumaa a siin zɛnɛɛ, wɔ á re n too koe a lon.»

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 44:5

Goon tá re pii: "Dɛnaa Lawa wɔ n ka ma nɛ"; kɔsɔ á re n din tɔ koe "Zakɔba"; kɔsɔ á re kiɛ̃ a gɔn ganaa: "Man Dɛnaa Lawa wɔ lɛa", á re n din tɔ koe Izirayeli.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Nya ǹ dín 27:23

Sonbore, tèlò-n, masɛ bɛ́ Lawa mɛn wɔ lɛa, man dí nyɛɛ nɛ, bɛa lon a dia dí-a wole goon ná a n din nyaa ma nɛ.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Korɛnti2 8:5

Ma yiri bɛ́ a goã màn mɛn ganaa wa, bɛ nə́ n zɛnaa. Ǹ nə́ n dinin kɔ Dɛnaa la bɔrɔ, bɛ kio, ǹ nə́ n dinin kɔ masɛ dɔ la, ka Lawa foo sii barka nɛ.

Timəə dí-pɛn 13:18

Lawa ka kurəə mànan mɛnɛn goa ganaa, ka nyan toa ka n gɔn da bɛ kɔn ganaa wa. Bɛ̀ ká zɛnaa miɛ̃, Dɛnaa Lawa foo á re basɛ̃. Á re makara boe ka ganaa, a n dɔ ka lɛ, a toa ka mɔnaa, ka a bɛ́ á n lɛ kɔ ka digolon la lɔn.

Timəə dí-pɛn 15:5

A dàn nɛ, ka kaa Lawa, Dɛnaa Lawa lɛ bɔlɔ si. Ma bɛ́ n gɔn wɛɛ ka nɛ ka boon mɛnɛn tumaa-n pelo, ka n yiri koa li ka bɛn tamaa.

Timəə dí-pɛn 27:10

Bɛ lɛ taman yii, ka kaa Lawa, Dɛnaa Lawa lɛ bɔlɔ si. Ma bɛ́ gɔn waa ǹ boon laanka landa boon mɛnɛn pii ka nɛ pelo, ka kɔ bɛn lɛ.»

Timəə dí-pɛn 29:12

A n giɛ li, a ka baa a din a minin lɛa pelo, a dinmaa nə n baa kaa Lawa lɛa, ka a bɛ́ á n lɛ kɔ ka la lɔn, ka a bɛ́ á n liɛ ka digolon man lɔn: Abrahamu ni, Izaaki ni ka Zakɔba nɛ.

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Zozoe 22:5

Sɛnɛ, Dɛnaa Lawa lɛ, kaa Lawa lɛa, bɛa dí-nyali Muizu lɛ dí mɛn tumaa pɛ ka nɛ landa gɔ́ɔ̃ nɛ, ka n yiri koa bɛ li taãn-taãnɛ, ka kɔ lɛ. Dɛnaa Lawa lɛ, ka Lawa lɛa, ka bɛ lɛ narɛ, ka a foo sii zɛnaa, ka kɔ a dí-pɛn lɛ, ka n naa a din lɛ ganaa. Ka n dinin kɔ, ka dí nya a din lɛ nɛ, ka ka foo tumaa nɛ.»

Zozoe 24:22

Zozoe tɔ́n pɛ ǹ nɛ: «Táa ka dinin lɛ na á pɛ, mà kasɛn nə́ Dɛnaa Lawa bɔ, ka n die dí nyɛɛ nɛ?» Ǹ nə́ Zozoe lɛ si: «Wɔsɛn dinin lɛ na á pɛ.»