Timəə dí-pɛn 26:14 - LAWA A BOO SONBORE

¹⁴ Ma bɛ́ maa yɔrɔ-kɔsiɛ gɔ́ɔ̃ nɛ ǹ mɛn waáraa, ma màn kɔn bɔ a nɛ má bii wa, ma màn kɔn bɔ a nɛ má *gɔ̀ sii zɛnaa-n wa, ma ǹ kɔn dɔ kɔ geren la wa. Má n too kɔ maa Lawa, Dɛnaa Lawa lon, má zɛnaa á kɔnpɛ ka a gɔn waa ǹ boo lɛ tumaa nɛ.

LAWA A BOO SONBORE 2011

¹⁴ Ma bɛ́ maa yɔrɔ-kɔsiɛ gɔ́ɔ̃ nɛ ǹ mɛn waáraa, ma màn kɔn bɔ a nɛ má bii wa, ma màn kɔn bɔ a nɛ má *gɔ̀ sii zɛnaa-n wa, ma ǹ kɔn dɔ kɔ geren la wa. Má n too kɔ maa Lawa, Dɛnaa Lawa lon, má zɛnaa á kɔnpɛ ka a gɔn waa ǹ boo lɛ tumaa nɛ.

Timəə dí-pɛn 26:14 ပူးပေါင်းရင်းမြစ်များ

Loen 106:28

Ǹ bɛ́ ǹ nə́ dɔ Pewɔrɔ gána dɔ nɛ, ǹ nə́ woo ǹ dinin kɔ bɛ dɔ a dì kɛ la, a tɔ n *Baali. Ǹ nə́ geren zɔ́n wúlu mànan sɔ̃ walan.

Loen 18:22

A giala, má kɔ Dɛnaa Lawa a zii lɛ, má kɔ lɛ ka bɔlɔgoondɛnaabaa nɛ, man piã ka maa Lawa lɛ-n wa.

Zeremii 16:7

Min kɔn ba re woe màn-bii koe gɛ̀dɛnan la màn mɛn bɛ́ toɛ ǹ nə ǹ foo basã wa. Min kɔn ba re ǹ foo wɛɛ ǹ din hinlaa ǹ daanan gɛ̀ taman yii wa.»

Ezekieli 24:17

«Gini n din gɔ́ɔ̃ nɛ, n nyan toa n gɛ̀ koa wa. N mɔnaa gɔn kɛ pɛnɛ n mìi ganaa, kɔsɔnɔn wɔ ka n bɛ́ zɛnɛɛ lɔn lɛlɛ. N nyan màn kɔ n lɛ ka lɛ wa, n nyan lɛ kɔ n gɛ̀ wù si wa.»

Ozee 9:4

Ǹ ba re boe la ǹ duvɛ̃ zuməə Dɛnaa Lawa wɔ lɛa doo wa, ǹ wúlu mànan kɛn sii ba re kɔɔ̃n koe a ganaa doo wa. Ǹ màn-bii ke á re foo ziziɛ̃ ǹ màn-bii biɛ ǹ gɔn. Min mɛnɛn tumaa bɛ́ re bii, bɛn tá re *gɔ̀ diɛ ǹ dinin ganaa. Ǹ màn-bii lɛ á re ǹ dinin toe sɛn, sɛnɛ, a na a boe la a wɔ Dɛnaa Lawa a kion kɛ-n wa.

Lawa a wúlu-bɔlen 21:1

Dɛnaa Lawa pɛ Muizu ni: Boo da ka wúlu-bɔle Aarɔn tɔrɔn kɛn nɛ, n pɛ ǹ nɛ: Lawa a wúlu-bɔle kɔn doamaa bie a n mɔrɔ ǹ dɔɔ̃n gere ganaa, a *gɔ̀ da a din-a wa,

Lawa a wúlu-bɔlen 21:11

A doamaa bie a wo min kɔn gere la wa. Haalɛ ǹ di laanka ǹ dan a gɛ̀ li, a doamaa bie a gɔ̀ da a din ganaa wa.

Lawa a wúlu-bɔlen 7:20

Sɛnɛ, bɛ̀ min gɔ̀ toa a din ganaa, á barka da Lawa nɛ ǹ wúlu màn lɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Malakii 2:13

Ka bɛ́ sii mɛn kɔsɔ zɛnɛɛ doo bɛ á ke: Ka yii mu Dɛnaa Lawa a *wúlu bɔ ǹ bǎã si á n kɔ lɛ, wuu pɛ nɛ, ka ginii ni, a giala mà a ba n too koe ka lon doo wa. Ka bɛ́ die wúlu bɔ ǹ mànan mɛnɛn koe la, a ba ǹ sii ka gɔn wa.

Timəə dí-pɛn 13:5

Ka kɔ kaa Lawa, Dɛnaa Lawa dinsɔɔ̃ lɛ, ka nyɛ́ɛ baa a dinsɔɔ̃ nɛ. Ka a gɔn waa ǹ boon lɛn tamaa, ka n too kɔ a din lon. Ka dí nya a din ni, ka n naa a din lɛ ganaa.

Timəə dí-pɛn 15:5

A dàn nɛ, ka kaa Lawa, Dɛnaa Lawa lɛ bɔlɔ si. Ma bɛ́ n gɔn wɛɛ ka nɛ ka boon mɛnɛn tumaa-n pelo, ka n yiri koa li ka bɛn tamaa.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 26:13

Bɛ kio, ka tɔn kɛ pɛ kaa Lawa, Dɛnaa Lawa yɔrɔ-a: «Màn mɛn doamaa bɛ́ nɛ a dɔ Lawa ganaa, má bɛ waa má bɔ maa kion, má kɔ Levii tɔrɔn la, gùlin ni, nɛ-toenən ne, ka lɔ giɔɔrɔn nɛ, a kɔnpɛ ka n gɔn waa ǹ boon kɛn tumaa nɛ, ń nə́ ǹ pɛ ma nɛ. Ma bɛa gɔn waa ǹ boon kɛn lɛn kɔn la bɔ wa, ma yiri dɔ bɔ ǹ nɛ wa.

Timəə dí-pɛn 26:15

Sisia kəni, n toa n bǎã sonbore kɛ-n lon, n barka da n din a minin Izirayeli tɔrɔn lɛn ganaa, ka tán kɛ dɔ nɛ ń kɔ wɔ la, bɔ̀nyaa laanka zoo nyɔɔ bɛ baa sii gana mɛn nɛ, a kɔnpɛ ka n lɛ-kɔ kɛ nɛ ń wɔ wɔ digolon manɛ.»