Timəə dí-pɛn 26:12 - LAWA A BOO SONBORE

¹² Lɛ̀ sɔɔ woo lɛ̀ sɔɔ, ka màn mɛn yɛ kaa tán-kɔsiɛ gɔ́ɔ̃ nɛ, ka a fùbaa ǹ wɔ tumaa bɔ. Bɛ̀ ká bɔ, ka kɔ Levii tɔrɔn kɛn la, gùlin ni, nɛ toenən ne ka lɔ giɔɔrɔn nɛ, màn mɛn bɛ́ toɛ, ǹ dɔn nə màn bii ǹ dinin bǎã nɛ ǹ kã.

LAWA A BOO SONBORE 2011

¹² Lɛ̀ sɔɔ woo lɛ̀ sɔɔ, ka màn mɛn yɛ kaa tán-kɔsiɛ gɔ́ɔ̃ nɛ, ka a fùbaa ǹ wɔ tumaa bɔ. Bɛ̀ ká bɔ, ka kɔ Levii tɔrɔn kɛn la, gùlin ni, nɛ toenən ne ka lɔ giɔɔrɔn nɛ, màn mɛn bɛ́ toɛ, ǹ dɔn nə màn bii ǹ dinin bǎã nɛ ǹ kã.

Timəə dí-pɛn 26:12 ပူးပေါင်းရင်းမြစ်များ

Siin Giala 47:24

Sɛnɛ, ka bɛ́ re màn mɛn yii belee kurii waáraa, ka á re talɛ sooro. Ka á re a talɛɛ goon koe Faarahɔn la, ka dɔn nə nɔmɔ a talɛɛ sii kɛ ganaa. Ka á re bɛ lɛ kɔ́n boe a tɔrɔ lɛa, ka da kaa wurun ni, ka ka dinin too ka a gialakun ni, kun ka kaa nɛnyaanan nɛ, ka kaa kion min tumaa nɛ.»

Siin Giala 47:26

Zozɛfu landa bɔ, ǹ nə́ tɔn màn mɛn zɛnɛɛ haalɛ ka pelo yii ni, ǹ bɔ don a tala kɔn sooro ke, bɛa goon nə Faarahɔn wɔ lɛa. Wúlu-bɔlen dininsɔɔ̃nɔn tán na a goã Faarahɔn wɔ lɛa wa.

Suusun 14:21

Min mɛn bɛ́ ǹ miãn pɔpɔsɛ, a n sii baraa zɛnɛɛ. Min mɛn bɛ́ din boɛɛn kɔ wolen tá kɔɔ̃n a ganaa, bɛ n min foo kɔɔ̃naa lɛa.

Lawa a wúlu-bɔlen 27:30

Tán-kɔsiɛ màn tumaa ka da nɛn nɛ, ǹ fùbaa ǹ wɔ n Dɛnaa Lawa wɔ gii lɛa. Bɛ lɛ doamaa nɛ a dɔ a ganaa.

Minin nimi 18:24

Sɛnɛ, Izirayeli minin lɛn bɛ́ màn a fùbaa ǹ wɔ mɛn boe koe masɛ la, man bɛ koe Levii a tanlɛ minin lɛn dɔn la ǹ wɔ gii lɛa. Bɛ lɛ n ke ma á pii, bǎã ba re doe ǹ ganaa Izirayeli tɔrɔ gialakunun lɛn bii wa.»

Timəə dí-pɛn 16:14

Ka kaa zɔ́n lɛ zɛnaa ka nyɛnyɛɛ nɛ, ka dinin laanka kaa nɛnyaanan nɛ, kaa bɛ̀rɛgiĩn laanka kaa bɛ̀rɛlɔn nɛ, Levii tɔrɔn kɛn nɛ, gùlin ni, ka nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n ka bii.

Ebrəə 7:5

Wɔ á doɛ̃ wáa Levii tɔrɔ minin kɛn man wúlu-bɔlen lɛa. Wɔ á doɛ̃ wáa Lawa a dí-pɛn man nə́ zii kɔ bɛn la, mà ǹ màn tumaa a talɛɛ fùbaa ǹ wɔ si Izirayeli tɔrɔ minin la. Bɛa tɔrɔ minin kɛn lɛn manə ǹ dinin dɔɔ̃nɔn lɛa, ǹ dɔn nə́ Abrahamu a nɛnyaanan lɛa.

Ebrəə 7:9

Wɔ á boe la wɔ pɛ, wáa Abrahamu bɛ́ a gɔn màn tumaa a talɛɛ fùbaa ǹ wɔ boe ke, màn tumaa a talɛɛ fùbaa ǹ wɔ bɛ́ n koe Levii mɛn tɔrɔn la, bɛ dɔ na á màn tumaa a talɛɛ fùbaa ǹ wɔ bɔ bɛa biikoo lɛ li.