Timəə dí-pɛn 25:9 - LAWA A BOO SONBORE

⁹ lɔ lɛ nə n zɔ̃ a dɔ a li min golen lɛn yii ni, a giĩ lɛ a kɔsɔ gòã goon bɔ a gòã ganaa, a sɛ̀ duwəə a yɔrɔ nɛ, a pɛ: «Giĩ mɛn bɛ́ a ba ǹ dɔɔ̃n a kion koɛ wa, maǹ kɛ miã sii lɛ zɛnɛɛ bɛa dɛnaa nɛ.»

LAWA A BOO SONBORE 2011

⁹ lɔ lɛ nə n zɔ̃ a dɔ a li min golen lɛn yii ni, a giĩ lɛ a kɔsɔ gòã goon bɔ a gòã ganaa, a sɛ̀ duwəə a yɔrɔ nɛ, a pɛ: «Giĩ mɛn bɛ́ a ba ǹ dɔɔ̃n a kion koɛ wa, maǹ kɛ miã sii lɛ zɛnɛɛ bɛa dɛnaa nɛ.»

Timəə dí-pɛn 25:9 ပူးပေါင်းရင်းမြစ်များ

Zɔbu 30:10

Ma tìĩ bɔ ǹ nyin ni, ǹ ba n mɔrɛ ma-a doo wa. Maǹ sɛ̀ duwii tán ma yɔrɔ-a, nyɛ́ɛ din ba ǹ-a wa.

Izayii 20:2

Bɛa waáraa lɛ nɛ, Dɛnaa Lawa pɛ Amɔsi a nɛgiĩ Izayii-n kɛnɛn: «Gɛ̀ koa ǹ mɔnaa ke n binbin ni ka n gòãn ganaa ǹ kɔsɔnɔn kɛn nɛ, bɛn waa n nə ǹ bɔ n ganaa.» Izayii lɛ kɔ, á n gɔ̀nɔn kooro da, á tɔ wɔ a gòã kooro ne.

Izayii 50:6

Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

Minin nimi 12:14

Dɛnaa Lawa tɔ́n pɛ Muizu ni: «Bɛ̀ Miriyamu lɛ a díi na á sɛ̀ kaa a yɔrɔ nɛ, bɛ̀ sìi ba goɛ̃ a ganaa a dɔ pii zii goon wa? Bɛ lɛ nɛ, ka bɔ kaa giã ǹ bǎã lɛ nɛ ka da kanaa a lɛawaa sɔbaa, bɛ kio ka tɔn nə n bɔyaa ka da a bǎã nɛ.»

Matiə 26:67

Bɛ kio, ǹ nə́ sɛ̀ kakaa a yɔrɔ-a, ǹ nə́ dɛdɛ ka gɔn-muniin ni. Min tɛn nə́ ǹ gɔn tɔtɔ a para-n,

Matiə 27:30

Ǹ nə́ sɛ̀ kaa a ganaa, ǹ nə́ bàbàla lɛ saa bɛ̀ ǹ duwəə ne a mìi ganaa.

Marki 1:7

A na á goã pii zaman nɛ: «Min mɛn bɛ́ re die ma kio, bɛ pàã á gole á la masɛ wɔ nɛ, haalɛ ma n zuməə ma a kɔsɔ biɛn fore, ma mìi á kiɛɛrɛ bɛ ganaa.

Marki 10:34

Ǹ tá re yaa we a ganaa, ǹ sɛ̀ kaa a ganaa, ǹ duwəə ka sɛ̌n nɛ, ǹ dɛ a gã. Lɛawaa sɔɔ bɛ kio, a yii á die kiɛ.»

Zaã a sɛ́wɔ 1:27

bɛ lɛ n die die masɛ kio, masɛ mìi din tá kiɛɛrɛ a kɔsɔ biɛn fore ganaa.»

Timəə dí-pɛn 25:10

Bɛ kio, Izirayeli gána nɛ, ǹ bɛa giĩ lɛ a kion minin bíi: "gòã kooro-a a minin".

Timəə dí-pɛn 25:8

Bɛ kio, kiwi lɛ a min golen nə bíi ǹ boo da nɛ. Bɛ̀ á wusoo á na a nɛ bɛn dɔn yɔrɔ-a, mà asɛ ba lɔ giɔɔrɔ lɛ li wa,

Uruti 4:6

Wuru lɛ a mìi-bɔ bɛ́ doe min mɛn ganaa, bɛ́ tɔ́n pɛ: Ma a boe la ma a mìi bɔ wa. Bɛ̀ má a mìi bɔ, man maa nɛnyaanan kíɛ̃ ziziɛ̃. Wuru lɛ mìi bɔ masɛ dòo, a giala masɛ a boe la ma a mìi bɔ wa.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.