Timəə dí-pɛn 25:1 - LAWA A BOO SONBORE

¹ Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.

LAWA A BOO SONBORE 2011

¹ Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.

Timəə dí-pɛn 25:1 ပူးပေါင်းရင်းမြစ်များ

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Kiin1 8:32

n toa lon, n nə n too kɔ-a n nə n dí-nyalin lɛn waa kɔn. Min mɛn zɛ̀rɛ bɛ́ nɛ, n dɔlɔ da bɛa dɛnaa lɛ mìi ni a zɛ̀rɛ lɛa saraa lɛa. Zɛ̀rɛ bɛ́ a ba min mɛn ganaa wa, n sonbore pɛ n da bɛ lon, min tumaa dɔ̃ mà sonbore tá a lon.

Bɔ bɛ̀rɛbaa nɛ 22:9

«Bɛ̀ min dundun koa ǹ miã kɔsɔ li, hinlaa dii, sère, hinlaa tɔɔ tɔrɔ kɔsɔ, bɛ̀ tɔɔ lɛ gã, hinlaa bɛ̀ á busu da a din ganaa, hinlaa bɛ̀ mɛnaa minin la wolen nə́ kũ, siére ná a yɛ á sii la wa,

Suusun 17:15

Min mɛn bɛ́ sonbore koe min baraa la, ka min mɛn bɛ́ min pepere yii tì-a kuĩ koe, ǹ dinin paanan tìĩ n boe ne Dɛnaa Lawa nɛ.

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 5:20

Kaa wɔ n ka bɔ̀n nɛ, kasɛn mɛnɛn bɛ́ pii mà sii baraa n siĩni, mà sii sonbore n baraa. Ka n penleen bɔyɛɛ ka baa tèlò lɛa, ka tèlò bɔyaa ka baa penleen lɛa. Màn mɛn bɛ́ kɔɔsɛ, ka n bɛ bɔyɛɛ ka baa kɔɔ̃nɛ. Màn mɛn bɛ́ kɔɔ̃nɛ, ka n bɛ bɔyɛɛ ka baa kɔɔsɛ.

Izayii 5:23

Lɛ pii ǹ màn taman yii, ka n zɛ̀rɛdɛnaa toɛ walan. Sɛnɛ, ka nə n piɛ̃, ka sonbore kɔ min pepere la nɛ.

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Busii pɛ 3:35

Bɛ̀ n mɛnaa n miã minbuiin nɛ la, lon a Lawa yii giulun,

Busii pɛ 3:36

bɛ̀ n tá kiri diɛ min la kiri kuru ǹ bǎã nɛ biikoo mɛn li, Dɛnaa Lawa yii ba a ganaa wa?

Ezekieli 44:24

Bɛ̀ sii tá minin bii, ǹ dinin lɛn doamaa nɛ, ǹ na a yɔrɔ bɔ. Ǹ doamaa nɛ ǹ na a yɔrɔ bɔ a kɔnpɛ ka maa sii yɔrɔ bɔ ǹ gɔn nɛ. Ma dí-pɛn laanka landa boon mɛnɛn kɔ ǹ la, ǹ maa zɔ́nɔn kɛn tumaa zɛnaa a kɔnpɛ ka bɛn nɛ, ǹ maa susu ǹ piin kɛn tamaa masɛ wɔn lɛa.

Abakuku 1:13

N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

Abakuku 1:4

Dí-pɛn pàã nya. Min kɔn ba kiri pepere we wa. Min baraa n yui min pepere gialaa, Kiri-wɔlen man kiri kɔkɔrɔ we.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Matiə 3:10

«Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Timəə dí-pɛn 17:11

Ǹ bɛ́ re ka darɛɛ dí-pɛ mɛn ganaa, ǹ bɛ́ re sii yɔrɔ bɔ ǹ gɔn mɛn nyɛɛ ka nɛ, ka zɛnaa a kɔnpɛ ka bɛ nɛ. Ǹ bɛ́ re boo mɛn pii ka nɛ, ka kɔ bɛ lɛ, ka nyan kanaa ka wo gusin hinlaa gɔsɛ wa.

Timəə dí-pɛn 24:22

Ka n yiri koa a nɛ, mà ka n ká goã gùlin lɛa Ezipti gána nɛ. Bɛ lɛ na á toa, ma á n gɔn wɛɛ ka nɛ, máa ka kɔ bɛa boo lɛ lɛ.