Timəə dí-pɛn 24:13 - LAWA A BOO SONBORE

¹³ Bɛ̀ wasa mɛ, n doamaa nɛ n wo a giɔ̀mɔ lɛ koa ǹ màn lɛ kɔ la. Á die wɛɛ tán ka a mɔnaa nɛ a ganaa, bɛ̀ á n barka diɛ n nɛ. Ka bɛ dɔ nɛ, kaa Lawa, Dɛnaa Lawa yɔrɔ-a, n nə ń sii sonbore zɛnaa.

LAWA A BOO SONBORE 2011

¹³ Bɛ̀ wasa mɛ, n doamaa nɛ n wo a giɔ̀mɔ lɛ koa ǹ màn lɛ kɔ la. Á die wɛɛ tán ka a mɔnaa nɛ a ganaa, bɛ̀ á n barka diɛ n nɛ. Ka bɛ dɔ nɛ, kaa Lawa, Dɛnaa Lawa yɔrɔ-a, n nə ń sii sonbore zɛnaa.

Timəə dí-pɛn 24:13 ပူးပေါင်းရင်းမြစ်များ

Siin Giala 15:6

Abramu nə́ n foo doa Dɛnaa Lawa ganaa. Bɛ lɛ na á toa, Dɛnaa Lawa kũ min pepere lɛa.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Bɔ bɛ̀rɛbaa nɛ 22:25

Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

Izayii 58:8

Ka bɛ nɛ, n wɔlɔ fúlu n die yui tán ka baayɛlɛ a wɔlɔ fúlu bɛ́ lɔn. N baayɛrɛ lɛ á re nyɛɛ fufuu. N peperebaa á re n nyɛɛnaan boe, Dɛnaa Lawa a gugurubaa kɔ n kio lɛ.

Ezekieli 18:12

A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ.

Ezekieli 18:16

A mɛnɛɛ min kɔn la wa, a nɔmɛ giɔ̀mɔ lɛ koa ǹ màn ganaa wa, a wurumu biɛ wa. A n màn-bii koe bòonaa la, a n mɔnaa koe gɔ̀nɔn kooro-a lɛ.

Ezekieli 18:7

A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la.

Ezekieli 33:15

A giɔ̀mɔ lɛ koa ǹ màn mɛn si minin la, bɛ̀ á bɛ kɔ ǹ la, a màn mɛn koã, bɛ̀ á wusoo á bɛ kɔ ǹ dɛnaa la, á n nyɛnaa sii baraa zɛnaa nɛ, bɛ̀ á kɔ dí-pɛn kɛn lɛ yiikoonaabaa koe min la, bɛ̀ á zɛnaa miɛ̃, sàabaa ba la wa, a yii á re goɛ̃ koo, a re giɛ̃ wa.

Amɔɔsi 2:8

Ǹ mɔnaan mɛnɛn si doobaan la giɔ̀mɔ lɛ koa ǹ mànan lɛa, maǹ bɛn naɛ tán wúlu bɔ ǹ bǎãn nɛ, ǹ nə́ wɛɛ ǹ la. Ǹ duvɛ̃ mɛn si ka pàã nɛ, maǹ bɛ mii ǹ dì kionən kɛn nɛ.

Efɛɛzi minin 4:26

Bɛ̀ ka foo yoo, ka nyan sii baraa zɛnaa wa. Ka nyan toa ka foo goã yoo ne a wasa mɛ-n wa.

Timəə dí-pɛn 24:12

Bɛ̀ doobaa nɛ ń ná a mɔnaa si la giɔ̀mɔ lɛ koa ǹ màn lɛa, n nyan toa n gɔn n waa tán nɛ wa.

Timəə dí-pɛn 24:15

Bɛ̀ á dí nya ǹ mɛn pinaa, ka a saraa kɔ la a din pinaa. Ka nyan toa wasa mɛ a saraa lɛ ganaa ka gɔn wa. A giala, doobaa nɛ, a laadoo n bɛa saraa lɛ ganaa taãn-taãnɛ. Ka nyan toa a Dɛnaa Lawa bii ka li wa. Bɛ̀ á n baa miɛ̃, sii baraa n ka mìi ni.

Timəə dí-pɛn 6:25

A gɔn waa ǹ boon mɛnɛn kɔ wɔsɛn la, bɛ̀ wɔ tá n yiri koɛ li, wɔ á bɛn tumaa tamaɛ, wɔa Lawa, Dɛnaa Lawa yɔrɔ-a, bɛ lɛ n nyɛɛ, mà wɔ tá a bɔlɔ sii.»

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.