Timəə dí-pɛn 24:1 - LAWA A BOO SONBORE

¹ Ka bɛ̀ kaa min mɛn na á lɔ wɔsɔ á saa. Bɛ kio, a bɛ́ á zɛ̀rɛbaa ǹ paǹ yɛ lɔ lɛ ganaa, á n susu a ba n yɔrɔ bǐɛ̃ diɛ lɔ lɛ la doo wa. Ka bɛ dɔ nɛ, á ná a loo ǹ sɛ́wɔ zɛnaa á kɔ la, á loo á bɔ a kion.

LAWA A BOO SONBORE 2011

¹ Ka bɛ̀ kaa min mɛn na á lɔ wɔsɔ á saa. Bɛ kio, a bɛ́ á zɛ̀rɛbaa ǹ paǹ yɛ lɔ lɛ ganaa, á n susu a ba n yɔrɔ bǐɛ̃ diɛ lɔ lɛ la doo wa. Ka bɛ dɔ nɛ, á ná a loo ǹ sɛ́wɔ zɛnaa á kɔ la, á loo á bɔ a kion.

Timəə dí-pɛn 24:1 ပူးပေါင်းရင်းမြစ်များ

Bɔ bɛ̀rɛbaa nɛ 21:10

«Bɛ̀ mìinaa lɛ ga lɔ kɔsɔ li a din wɔ lɛa, a ba màn boe bɛ̀rɛlɔ lɛ a màn-bii lɛ wa, a boe a mɔnaa lɛ wa, a boe ǹ tá kun dɔ lɛ wa.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 3:8

Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

Malakii 2:16

Dɛnaa Lawa, Izirayeli a Lawa pɛ: «Ma soɛ̃ n ka gòã li ǹ lɔ loo ne, ka min mɛn bɛ́ kakaarɛbaa zɛnɛɛ. Dɛnaa Lawa Pàãyiidɛnaa na á pɛ miɛ̃. Ka yiri bɔ ka dinin li, ka nyan wusoo kaa lɛ kɔn boon kio wa.»

Minin nimi 5:12

– Boo da Izirayeli minin lɛn nɛ, n pɛ ǹ nɛ: bɛ̀ min mɛn a lɔ giã doɛ̃ wa, á n baa bɔlɔgoonbaãdɛnaa lɛa ǹ dɛnaa nɛ,

Minin nimi 5:28

Sɛnɛ, bɛ̀ lɔ lɛ nə n din gɔgɔrɛ kɔ wa, á n *yoreene, sii na á n bɔ lɛ, á boe la a nɛ yɛ.

Matiə 1:19

A san Zozɛfu lɛ na á goã Lawa foo sii zɛnaali lɛa, a lɛ kɔ a ná a tɔ ziziɛ̃ minin yɔrɔ-a wa. Á n yɔrɔ bɔ, mà a n sanbaa lɛ sàabiɛ ka durii ni.

Luku 16:18

«Min woo min ná a lɔ loo, á kɔsɔ saa, bɛa dɛnaa na á naarɛbaa zɛnaa. Lɔ mɛn dɔ bɛ́ ǹ zuũ loo, bɛ̀ min mɛn bɛ dɔ saa, ǹ dɛnaa na á naarɛbaa zɛnaa.

Timəə dí-pɛn 21:15

Ká bɛ̀ lɔ paa n giĩ goon lon, á n goon narɛ, a ná a ba goon narɛ wa. Ǹ dinin paanan daa ǹ nə́ nɛgiĩn yɛ. A bɛ́ a lɔ mɛn lɛ narɛ wa, nɛgiĩ bibinaa lɛ n bɛ wɔ lɛa.

Timəə dí-pɛn 22:13

Kɔntan, kaa min kɔn tá re lɔ siɛ, a giã kun ni, bɛ kio, lɔ lɛ tìĩ daa a bɔ a nyin ni.

Timəə dí-pɛn 22:19

Ǹ doamaa nɛ ǹ wɔrɔ paabiɛ da a mìi ni, ǹ bɛ si ǹ kɔ nɛlɔ lɛ a díi la. A giala, giĩ lɛ na á soɛ da Izirayeli minin nɛlɔ la. A giĩ lɛ toa a yii n koo, lɔ lɛ na a wɔ lɛa, a doamaa dɔ bie a loo wa.

Timəə dí-pɛn 22:29

giĩ lɛ doamaa nɛ a wɔrɔ posooro kɔ nɛniɛ lɛ a díi la. A bɛ́ á ga li á nya, a toa a yii n koo, lɔ lɛ na a wɔ lɛa, a doamaa dɔ bie a loo wa.

Timəə dí-pɛn 24:2

Lɔ lɛ bɛ́ á soo á woo, á woo wɔ giĩ kɔsɔ li.

Timəə dí-pɛn 24:3

Bɛ̀ a tìĩ bɔ bɛ dɔ nyin ni, yǎa a na a loo ǹ sɛ́wɔ zɛnaa á kɔ la á loo á bɔ a kion, hinlaa bɛa giĩ kɔsɔ kɛ lɛ á saa ta bɛ na á gã,