Timəə dí-pɛn 23:7 - LAWA A BOO SONBORE

⁷ A ka toa kanaa kɛ nɛ, ka nyan toa ka ga bɛa tɔrɔ màn paa kɛ lɛ a là nyantoro laanka a yii-nyɛɛ yɛ li duuduu wa.

LAWA A BOO SONBORE 2011

⁷ A ka toa kanaa kɛ nɛ, ka nyan toa ka ga bɛa tɔrɔ màn paa kɛ lɛ a là nyantoro laanka a yii-nyɛɛ yɛ li duuduu wa.

Timəə dí-pɛn 23:7 ပူးပေါင်းရင်းမြစ်များ

Siin Giala 25:30

Á tɔ́n pɛ Zakɔba nɛ: «Toa ma zii tã kɛ kɔ́n bɔ ma da ma lɛ-n, a giala, bòo n die ma dii. Bɛ lɛ nɛ, ǹ nə́ tɔ́n Ezawu bíi Edɔmu, bɛ giala mà "Tã".»

Siin Giala 46:7

Á woo ka a minin tumaa-n Ezipti gána nɛ: A nɛgiĩn laanka a nɛlɔn nɛ, ka a nɔ̀ɔn giĩdɛnan laanka ǹ lɔdɛnan nɛ.

Siin Giala 47:12

Zozɛfu nə́ ǹ di lɛ laanka ǹ dɔɔ̃nɔn lɛn bii bɔ, ǹ di a kion minin tumaa, min mɛn tumaa bɛ́ màn bii.

Siin Giala 47:27

Zakɔba giã Ezipti gána nɛ, Gosɛnɛ tán la. A tɔrɔn lɛn nə́ tándɛnan baa, ǹ nə́ nɛnyaanan yɛ, ǹ nə́ mɔnaa parsiini.

Siin Giala 47:6

Ezipti gána lɛ bɛ́ tán n yɔrɔ-a. Bǎã mɛn bɛ́ siĩni, bɛ kɔ ǹ la, ǹ giã a nɛ. Ǹ tá boe la, ǹ giã Gosɛnɛ gána nɛ. Bɛ̀ ń tá boo sii la wolen doɛ̃ ǹ bii, bɛn bɔ, n nə ǹ koa maa tɔɔn mìi la.»

Kiin1 11:25

Rezɔn na á goã Izirayeli a zɔ́ɔ lɛa miɛ̃ Salomɔn a yiikoonaabaa tumaa gɔ́ɔ̃ nɛ, ka Adaadi dɔ bɛ́ lɔn. Izirayeli sii goon goã Rezɔn ganaa wa, á kiibaa zɛnaa Siirii gána nɛ.

Ɛsidrasi 9:12

Bɛ lɛ nɛ, ka baran toa ka kaa nɛlɔn kɔ ǹ nɛgiĩn la wa, ka baran toa ka ǹ nɛlɔn wɔ, ka ǹ kɔ kaa nɛgiĩn la wa. Ka baran toa ka n taasɛ ka duduu ka ǹ là nyantoro yɛ laanka ǹ yii-nyɛɛ yɛ-n wa, màn mɛn bɛ́ toɛ, ka pàã yɛ ka gána lɛ a màn sonboren bii, ka die ka toa kaa nɛnyaanan gɔn kíɛ̃ lɛa yǎa duduu.»

Loen 105:23

Bɛ kio, Zakɔba lɛ, a tɔ n Izirayeli dɔn, bɛ́ bɔ Kanaan gána kɛ nɛ, á daa giã Ezipti.

Bɔ bɛ̀rɛbaa nɛ 22:21

Ka baran fuu nyaa lɔ giɔɔrɔ kɔ́n nɛ, ka nɛ-toen kɔ́n nɛ wa.

Bɔ bɛ̀rɛbaa nɛ 23:9

«Ka baran fuu nyaa gùli kɛ nɛ giã nɛ ka li wa. Ka dininmaan kɛn lɛn tá gùlibaa sii doɛ̃. A giala, ka n ka goã gùlin lɛa Ezipti gána nɛ.

Lawa a wúlu-bɔlen 19:34

Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.

Malakii 1:2

Dɛnaa Lawa pɛ a zaman nɛ: «Ma á ka narɛ.» Sɛnɛ, ǹ nə́ nɔ̀n da la: «Wàa n nyɛɛ mà n tá wɔ narɛ?» Dɛnaa Lawa nə́ ǹ lɛ si: – Ezawu bie á goã Zakɔba ǹ dɔɔ̃n lɛa wa? Sɛnɛ má Zakɔba narɛ,

Minin nimi 20:14

Muizu nə́ n toa Kadɛsi, á minin dia woe pii Edɔmu a kii ni kɛnɛn: «N dɔɔ̃n Izirayeli minin lɛn man pii: Nɔmaa mɛn tumaa wɔsɛn yɛ, n tá doɛ̃.

Timəə dí-pɛn 10:19

Ka gùlin narɛ, a giala, ka dɔn man ká goã gùlin lɛa Ezipti gána nɛ.

Timəə dí-pɛn 23:8

Ka nyan toa Edɔmu minin kɛn tìĩ bɔ ka nyin ni wa, a giala, ka dɔɔ̃nɔn manɛ. Ka nyan toa Ezipti minin kɛn tìĩ bɔ ka nyin ni wa, a giala, ka n ká goã gùlin lɛa ǹ gána nɛ.