Timəə dí-pɛn 23:20 - LAWA A BOO SONBORE

²⁰ Bɛ̀ kaa min mɛn giɔ̀mɔ da ǹ dɔɔ̃n ganaa, ta wɔrɔ nɛ, ta màn-bii ni, ta màn woo màn nɛ á n là we, a nyan toa a pɛ, mà yǎa a na a là diɛ wa.

LAWA A BOO SONBORE 2011

²⁰ Bɛ̀ kaa min mɛn giɔ̀mɔ da ǹ dɔɔ̃n ganaa, ta wɔrɔ nɛ, ta màn-bii ni, ta màn woo màn nɛ á n là we, a nyan toa a pɛ, mà yǎa a na a là diɛ wa.

Timəə dí-pɛn 23:20 ပူးပေါင်းရင်းမြစ်များ

Nehemii 5:7

Má giã má fɔ̃, máa yǎa ma taãn pii min yii guguru-an lɛn laanka nyɛɛnaandɛnan lɛn manɛ. Má tɔ́n pɛ ǹ nɛ kɛnɛn: «Guĩ n ke ka á diɛ kɔn mìi ni.» Bɛ kio, má lɛ dia ǹ la lɛsɔkɔn gole kɔn ganaa.

Loen 15:5

A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

Bɔ bɛ̀rɛbaa nɛ 22:24

«Bɛ̀ ka giɔ̀mɔ da ka miã doobaa ganaa, ka baran zɛnaa nɛ ka giɔ̀mɔ-dali gialakunun wɔ bɛ́ lɔn wa. Ka baran pɛ mà a da saraa ka là-n wa.

Bɔ bɛ̀rɛbaa nɛ 22:25

Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 24:2

A din sii goon lɛ n die min tumaa yii: min mɛnɛn bɛ́ Lawa a wúlu-bɔlen lɛa, ka min mɛn bɛ́ min kooro lɛa, min mɛn bɛ́ maadigiĩ lɛa ka min mɛn bɛ́ bɛ̀rɛ lɛa, min mɛn bɛ́ maadigiĩ a lɔ lɛa ka min mɛn bɛ́ bɛ̀rɛ lɔ lɛa, min mɛn bɛ́ màn siɛ̃, ka a pii wole ne, min mɛn bɛ́ giɔ̀mɔ diɛ, ka min mɛn bɛ́ giɔ̀mɔ siɛ, min mɛn bɛ́ giɔ̀mɔ ná a bɔlɔ-a ka min mɛn bɛ́ a giɔ̀mɔ n kanaa.

Ezekieli 18:8

A ba giɔ̀mɔ diɛ a ga là li wa, a ba là babaraa boe wa. A ba sii kɔkɔrɔ zɛnɛɛ wa, bɛ̀ á sii yɔrɔ boe minin bii, a na a yɔrɔ boe ka peperebaa nɛ.

Lawa a wúlu-bɔlen 25:36

Ka baran là si bɛa dɛnaa lɛ la wa, ka baran n là bɔ la wa, màn mɛn bɛ́ toɛ, a dɔ la ka li. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa nɛ.

Luku 14:14

A laan màn kɔ́n ba bɛn lon ǹ tá re n bǐɛ̃ lɛ dòo sarɛɛ-n wa, barka tá bɛ nɛ, a giala, Lawa din nə die n bǐɛ̃ lɛ dòo sarɛɛ min peperen yii kaa pinaa.»

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Timəə dí-pɛn 14:21

Ka nyan toa ka màn gere kɔn sɔ̃ wa. Gùlin mɛnɛn bɛ́ kaa kiwin ni, ka kɔ bɛn la, bɛn tá boe la ǹ sɔ̃. Bɛ̀ a miɛ̃ wa, ka sã tii la. A giala, kasɛn man ka gɔrɔn, kaa Lawa, Dɛnaa Lawa a zaman lɛa. Ka baran bòe nɛ siĩ kɔrɛ n dan nyɔ mu li wa.

Timəə dí-pɛn 15:10

Ka bɔ ka foo-a, ka kɔ la bɛ̀ ka foo n kɔɔ̃nɛ. Bɛ lɛ n die toɛ kaa Lawa, Dɛnaa Lawa barka da kaa nya ǹ dí tumaa ganaa, ka bɛ́ re n gɔn diɛ dí woo dí ganaa, a bɛ bǐɛ̃ kɔ.

Timəə dí-pɛn 15:3

Bɛ̀ tii ni, ka á boe la ka liɛ bɛ la. Sɛnɛ, bɛ̀ kaa giɔ̀mɔ tá ka dinin dɔɔ̃n ganaa, ka toa nɛ.

Timəə dí-pɛn 28:12

Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.