Timəə dí-pɛn 22:8 - LAWA A BOO SONBORE

⁸ Bɛ̀ ká kion dii dɔ, ka a lɛ kìri dɔ á woo lon, màn mɛn bɛ́ toɛ, min baran bɔ a kala la a mɛnaa, a sii saa a kɔ ka la wa.

LAWA A BOO SONBORE 2011

⁸ Bɛ̀ ká kion dii dɔ, ka a lɛ kìri dɔ á woo lon, màn mɛn bɛ́ toɛ, min baran bɔ a kala la a mɛnaa, a sii saa a kɔ ka la wa.

Timəə dí-pɛn 22:8 ပူးပေါင်းရင်းမြစ်များ

Samayeli2 11:2

Ǹ kɔn pinaa wasamiɛ̃nɛ, Davida yoo á n bɔ tán a waa ǹ piì la, á woo n gòã bɔ kɔn a kiibaa ǹ kion kɛa kala-n. Á n toa kala lɛ la walan, á lɔ goon yɛ n zoe. Lɔ lɛ goã siĩni yɔrɔ-a á la yii ni.

Bɔ bɛ̀rɛbaa nɛ 22:6

«Bɛ̀ min daa wɔrɔ hinlaa màn sonbore kɔ́n koa ǹ miã li, yǎa wurumu da saa ǹ miã lɛ a kion, bɛ̀ wurumu lɛ yɛ, a n bɛa wɔrɔ hinlaa màn lɛ a laman màn paa sarɛɛ.

Izayii 22:1

"Sii nyaa ǹ nyankɔrɔ basa" a boo gii: Zeruzalɛmu minin lɛn, a n siɛ lɔn ka tumaa a dii kalan la?

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Ezekieli 3:18

Bɛ̀ ma pɛ min baraa nɛ má á re giɛ̃, bɛ̀ n nə n gɔn waa-n wa, bɛ̀ n boo da min baraa lɛ nɛ, màn mɛn bɛ́ toɛ, a na a tɔ wɔ ǹ gɔn baraa kɛ kaa ń giɛ a yii á goɛ̃ koo wa, min baraa lɛ á re giɛ̃ sɛn. Sɛnɛ, man die a gɛ̀ lɛ a sii diɛ n din mìi ni.

Ezekieli 3:20

A din yii goon ne, bɛ̀ min pepere dɔ ná a peperebaa kaa, á n sii kɔkɔrɔ zɛnɛɛ, a giala mà má n da a gɔ̀ɔ̃ li, ma á re dii a sã lɛ taman yii a gã. Bɛ̀ n nə n gɔn waa-n sɛn wa, a n die giɛ̃ a sii baraan lɛn taman yii. A sii peperen mɛnɛn zɛnaa lɛlɛ, ma bie re giɛ bɛn ganaa wa. Sɛnɛ, man die a gɛ̀ lɛ a sii diɛ n din mìi ni.

Matiə 10:27

Masɛ bɛ́ màn mɛn pii ka nɛ wɔlɔ tì li, ka pɛ wɔlɔ fúlu-a; ma bɛ́ màn mɛn pii ka nɛ dɔndɔɔn nɛ, ka pɛ sùnbaa ǹ bǎã nɛ, min tumaa ma.

Marki 2:4

Sɛnɛ, zaman lɛ taman yii, ǹ ba boe la ǹ tá n mɔrɛ a ganaa wa. Yezu bɛ́ kion mɛn nɛ, ǹ nə́ nɔmaa ǹ nə́ dii bɛ lɛ a kala la, ǹ ná a baã bii fɔ̃ Yezu din mìi la. Ǹ bǎã mɛn lɛ fɔ̃, ǹ nə́ giĩ paǹ tumaa gere-a lɛ dia Yezu la ka bɛ lɛ nɛ, a n naa nɛ a piì la.

Nya ǹ dín 10:9

Bɛa sii lɛ a lɛawaa, Kɔrnɛyi a dia dí-a wolen lɛn bɛ́ zii tɔ we, ǹ nə́ diri kiwi la. Piɛrɛ na á goã kala-n, a n Lawa nyankoe. Penleen tiɛɛ̃n kɛ miã nɛ.

Rɔmu minin 14:13

Ka daa wɔ kiri kuru kɔn la lɛ da. Màn mɛn bɛ́ soɛ, a ba siĩni min nə ǹ miã nyanaa a da sii baraa-n wa.

Korɛnti1 10:32

Ka giã doɛ̃, ta Zuifun manɛ, ta Grɛkin manɛ, ta Lawa a sɔmɔn manɛ, ka nyan kɔ́n da kanaa ǹ minin baa wa.

Timəə dí-pɛn 22:7

Ka doamaa-n ka bàan dan lɛ toa a woo, ka a nɛn lɛn goa ka wo ǹ ne. Bɛ lɛ n die toɛ kaa wɔ bǐɛ̃ kɔ, ka nyin sasa yɛ kanaa.

Timəə dí-pɛn 22:9

Ka nyan màn tɔrɔ kɔsɔ zumu kaa rezɛ̃ wuru-n wa. Bɛ̀ ká bɛ zɛnaa, màn lɛ tumaa n Lawa wɔ biɛ: n màn tɔrɔ kɔsɔ mɛn zumu, ka *rezɛ̃ da lɛ a nɛ nɛ.

Filipi minin 1:10

màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.

Tesaloniki1 5:22

Ka n bɔ sii baraa tɔrɔ tumaa nɛ.

Samayeli1 9:25

Bɛ kio, ǹ nə́ n toa wúlu bɔ ǹ bǎã nɛ, ǹ nə́ daa kiwi gɔ́ɔ̃ nɛ. Samayeli sùn baa kun ka Sayulu ni, kala-n.