Timəə dí-pɛn 22:21 - LAWA A BOO SONBORE

²¹ ǹ nɛlɔ lɛ kũ ǹ soo ne ǹ di a kiɛnlɛ-a. Bɛ kio, kiwi lɛ a giĩn nə kɔlɔ kaã bɔ a ganaa ǹ dɛ a gã, a giala, a bɛ́ á n toa ǹ di kion á giĩ si, a na á sìi da ǹ sii zɛnaa Izirayeli gána nɛ. Ka zɛnaa miɛ̃ ka sii baraa bɔ ka bɔ ka bii.

LAWA A BOO SONBORE 2011

²¹ ǹ nɛlɔ lɛ kũ ǹ soo ne ǹ di a kiɛnlɛ-a. Bɛ kio, kiwi lɛ a giĩn nə kɔlɔ kaã bɔ a ganaa ǹ dɛ a gã, a giala, a bɛ́ á n toa ǹ di kion á giĩ si, a na á sìi da ǹ sii zɛnaa Izirayeli gána nɛ. Ka zɛnaa miɛ̃ ka sii baraa bɔ ka bɔ ka bii.

Timəə dí-pɛn 22:21 ပူးပေါင်းရင်းမြစ်များ

Siin Giala 34:7

Zakɔba a nɛgiĩn bɛ́ boe don die piɛ, ǹ nə́ boo lɛ ma. Ǹ bɛ́ ǹ nə́ boo lɛ ma lɔn, ǹ nə́ yɛ mà á n yii wɔ ǹsɛn la, ǹ foo yoo parsiini. A giala, Sisɛmu bɛ́ á Zakɔba a nɛlɔ lɛ kũ á ga li, bɛ n sìi sii lɛa, á zɛnaa Izirayeli gána nɛ. Min doamaa bie a bɛ miã zɛnaa wa.

Siin Giala 38:24

Mui sɔɔ bɛ kio, min daa pɛ Zudaa nɛ: «N manaa Tamaara lɛ kɔrɔbaa zɛnaa. A n nɔ̀-n dinin!» Zudaa tɔ́n pɛ: «Ka kũ ka soo-n kanaa, ka tã.»

Lawa a wúlu-bɔlen 19:29

Ka baran kaa nɛlɔn kaa kɔrɔbaa ganaa landa zii la, ka ǹ baa màn kooron lɛa ka ǹ kaa bii-a wa. Bɛ̀ ka bɛ zɛnaa, ka n die gána minin lɛn kiɛ kɔrɔbaa ganaa, gána lɛ n die piɛ̃ ka kɔrɔbaa nɛ.

Lawa a wúlu-bɔlen 20:2

N die n pɛ Izirayeli minin lɛn manɛ: min woo min, á n Izirayeli min lɛa, hinlaa á n gùli lɛa Izirayeli gána nɛ, bɛ kɔn baran a nɛ kɔ, mà ǹ wúlu bɔ nɛ, dì Molɛki kɛ ganaa wa. Bɛ̀ min mɛn bɛ zɛnaa, gána lɛ a minin nə kɔlɔ kaã bɔ a ganaa, ǹ dɛ a gã.

Lawa a wúlu-bɔlen 21:9

Bɛ̀ Lawa a wúlu-bɔle a nɛlɔ kɔrɔbaa zɛnaa, á n din ziziɛ̃ nɛ, a na á ǹ di tɔ ziziɛ̃. Ǹ nɛlɔ lɛ kũ ǹ da tɛ-n ǹ tã.

Lawa a wúlu-bɔlen 24:16

Kɛ kio, bɛ̀ min woo min Dɛnaa Lawa tɔ ziziɛ̃, ka dɛ a gã. Ta gùli ni hinlaa Izirayeli min ni, ka kɔlɔ kaã bɔ a ganaa, ka dɛ a gã, masɛ tɔ ziziɛ̃ lɛ a lɛa.

Lawa a wúlu-bɔlen 24:23

Muizu bɛa boo lɛn yɔrɔ pɛ Izirayeli minin manɛ. Bɛ kio, ǹ nə́ sɔ kɔ Lawa ganaa wole lɛ bɔ ǹ nə́ bɔ giã ǹ bǎã lɛ nɛ, ǹ nə́ soo ne, ǹ nə́ kɔlɔ kaã bɔ a ganaa, ǹ nə́ dɛ á gã. Dɛnaa Lawa pɛ Muizu-n lɔn, Izirayeli minin lɛn dɔn man nə́ zɛnaa miɛ̃.

Timəə dí-pɛn 13:10

Sɛnɛ, yǎa ǹ nə ǹ dɛnaa dii a giɛ̃. A bɛ́ mà a n min mɛn lɛ sɔmɛ diɛ dì guguru kɔ ganaa, bɛ lɛ doamaa nɛ a n gɔn saa a dɛ bibinaa nɛ, zaman lɛ tumaa tɔn nə gòɛ̃ wɔ a-n bɛ kio.

Timəə dí-pɛn 13:5

Ka kɔ kaa Lawa, Dɛnaa Lawa dinsɔɔ̃ lɛ, ka nyɛ́ɛ baa a dinsɔɔ̃ nɛ. Ka a gɔn waa ǹ boon lɛn tamaa, ka n too kɔ a din lon. Ka dí nya a din ni, ka n naa a din lɛ ganaa.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 17:5

min mɛn sii lɛ zɛnaa, giĩ ni hinlaa lɔ nɛ, ka ǹ dɛnaa kũ ka soo ne kiri wɔ ǹ bǎã, ka kɔlɔ kaã bɔ a ganaa, ka dɛ a gã.

Timəə dí-pɛn 17:7

Siéren lɛn dinin nə kɔlɔ kaã bɔ a ganaa bibinaa nɛ, bɛ kio, zaman lɛ tumaa zɛnaa miɛ̃ ǹ dɛ a gã. Bɛ á re toɛ, ka sii baraa bɔ ka bɔ ka bii.

Timəə dí-pɛn 19:19

Bɛ gɔ́ɔ̃ nɛ, a bɛ́ á goã giɛ li, mà ǹ sii mɛn zɛnaa ǹ miã lɛ nɛ, ka bɛ lɛ zɛnaa a din ni. Bɛ lɛ n die toɛ ka sii baraa bɔ ka bɔ ka bii.

Timəə dí-pɛn 21:21

Bɛ kio, kiwi lɛ a minin tumaa kɔlɔ kaã bɔ a ganaa ǹ dɛ a gã. Bɛ̀ ká zɛnaa miɛ̃, ka á re sii baraa boe ka bɔ ka bii. Izirayeli minin tumaa á re bɛ miɛ̃, nyɛ́ɛ á re ǹ kuĩ.

Timəə dí-pɛn 22:22

Lɔ mɛn bɛ́ zuũ li, bɛ̀ ǹ nə́ giĩ mɛn kũ a gialaa giɛ bɛ li, giĩ lɛ laanka lɔ lɛ nɛ, ǹ doamaa nɛ ǹ nə ǹ dinin paanan dɛ. Ka zɛnaa miɛ̃ ka sii baraa bɔ ka bɔ Izirayeli gána nɛ.

Timəə dí-pɛn 22:24

ka ǹ dinin paanan kũ ka da ǹ nɛ kiri wɔ ǹ bǎã, ka kɔlɔ kaã bɔ ǹ ganaa, ka ǹ dɛ ǹ gã. Nɛniɛ lɛ doamaa-n ka gɛ̀ nɛ a giala, a n lɛ dɛ mà min da asɛ si wa, a da yaa, a n kiwi gɔ́ɔ̃ nɛ. Giĩ lɛ dɔ doamaa-n ka gɛ̀ nɛ, a giala, a na á ga ǹ miã a lɔ-wɔsiɛ li. Ka zɛnaa, miɛ̃ ka sii baraa bɔ ka bɔ ka bii.

Sii yɔrɔ-bɔlen 19:23

Kion lɛ a dɛnaa soo á pɛ ǹ nɛ: «Ma dɔɔ̃nɔn lɛn, masɛ n ka nyankoe, ka nyan toa ka sii baraa zɛnaa wa. Kanna, giĩ kɛ lɛ bɛ́ masɛ a tii lɛa, ka baran toa ka bɛa sìi da ǹ sii kɛ zɛnaa wa.

Sii yɔrɔ-bɔlen 20:10

Wɔ n die minin boe Izirayeli tɔrɔn lɛn tumaa bii: Giĩ paabiɛ la, min fù, duu goon la, min paabiɛ, min duu fù la, min duu goon, bɛn nə wo ga màn-bii li, ǹ da kɔ zaman lɛ la. Bɛ̀ bɛn nə́ n bɔyaa ǹ nə́ daa, Bɛnzamɛn tɔrɔn kiwi Gibeya minin kɛn nə sìi da ǹ sii mɛn tumaa zɛnaa Izirayeli gána nɛ, wɔsɛn tá re dɔlɔ boe ǹ ganaa, a kɔnpɛ ka ǹ zɛnaa ǹ sii ni.»

Sii yɔrɔ-bɔlen 20:5

Gibeya kiwi minin lɛn nə́ yoo ma gialaa. Ma goã kion mɛn nɛ, ǹ nə́ daa bɛ lɛnpɛnɛ tèlò-n, ǹ nə́ giɛ li, ǹ tá ma dii. Ǹ nə́ bɔ maa a lɔ lɛ yii ni yǎa á gã.

Sii yɔrɔ-bɔlen 20:6

Bɛ lɛ n ke, má maa lɔ lɛ gere saa, má kukuru kɔn, má dia Izirayeli minin lɛn bǎã tumaa nɛ. A giala, sii bɔbɔnɛɛ laanka sìi da ǹ sii n ke, ǹ nə́ zɛnaa Izirayeli gána nɛ.