Timəə dí-pɛn 21:21 - LAWA A BOO SONBORE

²¹ Bɛ kio, kiwi lɛ a minin tumaa kɔlɔ kaã bɔ a ganaa ǹ dɛ a gã. Bɛ̀ ká zɛnaa miɛ̃, ka á re sii baraa boe ka bɔ ka bii. Izirayeli minin tumaa á re bɛ miɛ̃, nyɛ́ɛ á re ǹ kuĩ.

LAWA A BOO SONBORE 2011

²¹ Bɛ kio, kiwi lɛ a minin tumaa kɔlɔ kaã bɔ a ganaa ǹ dɛ a gã. Bɛ̀ ká zɛnaa miɛ̃, ka á re sii baraa boe ka bɔ ka bii. Izirayeli minin tumaa á re bɛ miɛ̃, nyɛ́ɛ á re ǹ kuĩ.

Timəə dí-pɛn 21:21 ပူးပေါင်းရင်းမြစ်များ

Samayeli2 18:17

Ǹ nə́ Abusalɔn gere saa, ǹ nə́ zũ nyankɔrɔ gole kɔn nɛ daã lɛ nɛ, ǹ nə́ kɔlɔ goa, ǹ nə́ dɛrɛ kɔn la a lalan. Bɛa biikoo li, bɛ̀ Abusalɔn a zia-baalin lɛn gogoonmaa á baa la woe piɛ.

Bɔ bɛ̀rɛbaa nɛ 21:17

«Bɛ̀ min boo baraa da ǹ di ganaa hinlaa ǹ dan ganaa, ǹ bɛa min lɛ dɛ a gã.

Suusun 30:17

Min mɛn bɛ́ yaa we ǹ di ganaa, a na a ba ǹ dan bɔlɔ sii wa, zankoon tá re a yii nànan fɔfoɛ̃, zèwon nə muĩ.

Lawa a wúlu-bɔlen 20:2

N die n pɛ Izirayeli minin lɛn manɛ: min woo min, á n Izirayeli min lɛa, hinlaa á n gùli lɛa Izirayeli gána nɛ, bɛ kɔn baran a nɛ kɔ, mà ǹ wúlu bɔ nɛ, dì Molɛki kɛ ganaa wa. Bɛ̀ min mɛn bɛ zɛnaa, gána lɛ a minin nə kɔlɔ kaã bɔ a ganaa, ǹ dɛ a gã.

Lawa a wúlu-bɔlen 20:27

Bɛ̀ giĩ hinlaa lɔ tá boobaa ǹ dí nyɛɛ minin manɛ, ka kɔlɔ kaã bɔ ǹ ganaa, ka ǹ dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.

Lawa a wúlu-bɔlen 24:14

Min mɛn nə sɔ lɛ kɔ, a bɔ giã ǹ bǎã lɛ nɛ, n soo ne. Min mɛn tumaa na a lɛ ma sɔ lɛ koe masɛ Dɛnaa Lawa ganaa, bɛn nə n gɔnɔn kaa a mìi ni, bɛ kio, Izirayeli zaman lɛ tumaa kɔlɔ kaã bɔ a ganaa, ǹ dɛ a gã.

Lawa a wúlu-bɔlen 24:16

Kɛ kio, bɛ̀ min woo min Dɛnaa Lawa tɔ ziziɛ̃, ka dɛ a gã. Ta gùli ni hinlaa Izirayeli min ni, ka kɔlɔ kaã bɔ a ganaa, ka dɛ a gã, masɛ tɔ ziziɛ̃ lɛ a lɛa.

Minin nimi 15:25

Lawa a wúlu-bɔle die a sii baraa sawaa ǹ wúlu bɔ Izirayeli zaman lɛ tumaa a lɛa, ǹ sii baraa á re n toɛ ǹ nɛ. A giala ǹ bie ǹ nə́ sii baraa lɛ zɛnaa woon wa, ka bɛ dɔ nɛ, ǹ nə́ daa ka ǹ Lawa gɔ ǹ màn nɛ Dɛnaa Lawa yɔrɔ-a, ka wúlu màn tiɛ̃n laanka ǹ sii baraa sawaa ǹ wúlu màn nɛ, ǹ sã lɛ taman yii.

Minin nimi 15:35

Dɛnaa Lawa tɔ́n pɛ Muizu ni: «Ka doamaa nɛ ka giĩ lɛ dɛ. Zaman lɛ tumaa kɔlɔ kaã bɔ a ganaa giã ǹ bǎã lɛ kio.»

Minin nimi 15:36

Bɛ kio, zaman lɛ tumaa giĩ lɛ kũ ǹ nə́ soo-n giã ǹ bǎã lɛ kio, ǹ nə́ kɔlɔ kaã bɔ a ganaa, á gã. Dɛnaa Lawa na á goã á pɛ Muizu-n miɛ̃ lɛ-n.

Timəə dí-pɛn 13:12

Izirayeli minin tumaa á die bɛ miɛ̃, nyɛ́ɛ á die ǹ kuĩ. Ǹ tá re bɛa sii babaraa kɛ miã tɔrɔ a zɛnaa lɛ diɛ ka bii.

Timəə dí-pɛn 13:5

Ka kɔ kaa Lawa, Dɛnaa Lawa dinsɔɔ̃ lɛ, ka nyɛ́ɛ baa a dinsɔɔ̃ nɛ. Ka a gɔn waa ǹ boon lɛn tamaa, ka n too kɔ a din lon. Ka dí nya a din ni, ka n naa a din lɛ ganaa.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 17:5

min mɛn sii lɛ zɛnaa, giĩ ni hinlaa lɔ nɛ, ka ǹ dɛnaa kũ ka soo ne kiri wɔ ǹ bǎã, ka kɔlɔ kaã bɔ a ganaa, ka dɛ a gã.

Timəə dí-pɛn 17:7

Siéren lɛn dinin nə kɔlɔ kaã bɔ a ganaa bibinaa nɛ, bɛ kio, zaman lɛ tumaa zɛnaa miɛ̃ ǹ dɛ a gã. Bɛ á re toɛ, ka sii baraa bɔ ka bɔ ka bii.

Timəə dí-pɛn 21:20

Ǹ pɛ min golen lɛn manɛ kɛnɛn: «Wɔsɛn nɛgiĩ á ke, too kaka-a nɛ, piã wɔle ne, a ba n too koe wɔsɛn lon wa. A dí n ka màn-bii laanka yɔ-mii dinsɔɔ̃ nɛ.»

Timəə dí-pɛn 22:21

ǹ nɛlɔ lɛ kũ ǹ soo ne ǹ di a kiɛnlɛ-a. Bɛ kio, kiwi lɛ a giĩn nə kɔlɔ kaã bɔ a ganaa ǹ dɛ a gã, a giala, a bɛ́ á n toa ǹ di kion á giĩ si, a na á sìi da ǹ sii zɛnaa Izirayeli gána nɛ. Ka zɛnaa miɛ̃ ka sii baraa bɔ ka bɔ ka bii.

Timəə dí-pɛn 22:24

ka ǹ dinin paanan kũ ka da ǹ nɛ kiri wɔ ǹ bǎã, ka kɔlɔ kaã bɔ ǹ ganaa, ka ǹ dɛ ǹ gã. Nɛniɛ lɛ doamaa-n ka gɛ̀ nɛ a giala, a n lɛ dɛ mà min da asɛ si wa, a da yaa, a n kiwi gɔ́ɔ̃ nɛ. Giĩ lɛ dɔ doamaa-n ka gɛ̀ nɛ, a giala, a na á ga ǹ miã a lɔ-wɔsiɛ li. Ka zɛnaa, miɛ̃ ka sii baraa bɔ ka bɔ ka bii.