Timəə dí-pɛn 21:18 - LAWA A BOO SONBORE

¹⁸ Bɛ̀ nɛgiĩ too kaka-a piã wole ta giĩ mɛn lon, haalɛ ta ǹ di laanka ǹ dan dɛ, a ná a ba n too koe ǹ boo li wa,

LAWA A BOO SONBORE 2011

¹⁸ Bɛ̀ nɛgiĩ too kaka-a piã wole ta giĩ mɛn lon, haalɛ ta ǹ di laanka ǹ dan dɛ, a ná a ba n too koe ǹ boo li wa,

Timəə dí-pɛn 21:18 ပူးပေါင်းရင်းမြစ်များ

Samayeli2 7:14

Ma á re n biɛ a díi lɛa, a dɔ á re n biɛ maa nɛ lɛa. Bɛ̀ á sii baraa zɛnaa, man die minin biɛ a doroo ǹ bàlà lɛa, ma minbuiinin kaa a ganaa ǹ dɔlɔ bɔ a ganaa.

Bɔ bɛ̀rɛbaa nɛ 20:12

- N díi laanka n náa guguru kɔ, màn mɛn bɛ́ toɛ, n nyin sasa yɛ gána kɛ nɛ, n Dɛnaa Lawa din kɔ n la.

Bɔ bɛ̀rɛbaa nɛ 21:15

«Bɛ̀ min nə́ ǹ di dɛ hinlaa ǹ dan dɛ, ǹ bɛa min kɛ lɛ dɛ a gã.

Bɔ bɛ̀rɛbaa nɛ 21:17

«Bɛ̀ min boo baraa da ǹ di ganaa hinlaa ǹ dan ganaa, ǹ bɛa min lɛ dɛ a gã.

Suusun 1:8

Maa nɛ, n too kɔ n di a gɔn waa ǹ boon kɛn li. N nyan nə n piã ka a doroon ne wa.

Suusun 13:24

Min mɛn bɛ́ a ba a nɛ dii wa, a na a ba narɛ wa. Sɛnɛ, ǹ mɛn bɛ́ a wɔ doree, bɛ n nyɛɛ mà a n narɛ.

Suusun 15:5

Nɛnyaan yiriwɛɛnaa laadoo bie ka ǹ di a doroo-n wa. Sɛnɛ ǹ mɛn bɛ́ n too koe a gɔn waa ǹ boo li, bɛ n sii-dɔ̃li lɛa.

Suusun 19:18

N nɛnyaan doroo a kɔnpɛ ka a doroo biikoo ne. Sɛnɛ n foo yoo gɔ́ɔ̃ nɛ, n nyan nə ǹ dɛ n nə ǹ koa gɛ̀ li wa.

Suusun 20:20

Bɛ̀ min liɛ baraa wɔ ǹ di laanka ǹ dan nɛ, a yiikoonaabaa n die nimi ka bolon bɛ́ lɔn tèlò-n.

Suusun 22:15

Gaãnaabaa ǹ sii zɛnaa n kɔɔ̃n nɛ tenən ganaa. Sɛnɛ, ǹ doroo ǹ bàlà n die toɛ ǹ nə n wɔlɔ lui a ganaa.

Suusun 28:24

Min mɛn bɛ́ ǹ di laanka ǹ dan koɛ̃, a n pii mà: «Sii baraa bie wa,» a soɛ denzuu n wa.

Suusun 29:17

Dɔlɔ bɔ n nɛ ganaa sɔnbɔraanɛ, n tá re goɛ̃ yii-nyɛɛ la. Ka bɛ nɛ, á re n foo kɔɔ̃n koe.

Suusun 30:11

Min tɛnɛn man Lawa bíi ǹ di li, ǹ ba barka diɛ ǹ dan ganaa wa.

Suusun 30:17

Min mɛn bɛ́ yaa we ǹ di ganaa, a na a ba ǹ dan bɔlɔ sii wa, zankoon tá re a yii nànan fɔfoɛ̃, zèwon nə muĩ.

Izayii 1:2

Lon, n too kɔ! Tán, n dɔ nə n too da! Dɛnaa Lawa n kɛ pii: «Man nɛnyaanan too, ǹ nə́ dadara kɔ, sɛnɛ, ǹ nə́ n gòãn dii ma ganaa.

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Zeremii 31:18

Má Efrayimu minin lɛ-dɛ ma taãn-taãnɛ, Maǹ pii: «Dɛnaa Lawa, ń wɔ doroo ka kakaarɛbaa nɛ, ka ǹ bɛ́ dii ten darɛɛ lɔn. Sɛnɛ, toa wɔ da n li, wɔ wusoo wɔ da n li taãn-taãnɛ. A giala, Dɛnaa Lawa n din ni wɔa Lawa lɛa.

Zeremii 5:23

Sɛnɛ, kasɛn man tɔrɔ too kaka, gòãn dii wolen lɛa. Ka n dɔ̀ɔ̃ wɔ ma nɛ, ka woo.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Ezekieli 24:13

N gɛsɛbaa kɛ lɛ na á n gɔgɔrɛ kɔ, Zeruzalɛmu. A giala, man má goã giɛ li ma n *yoreen kɔ, sɛnɛ, ń nə́ n piã. Ma foo mɛn yoo n li ke, n ba yoreen koe doo wa, yǎa ma nə n foo nyɛɛ n la.

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 21:9

Bɛ̀ Lawa a wúlu-bɔle a nɛlɔ kɔrɔbaa zɛnaa, á n din ziziɛ̃ nɛ, a na á ǹ di tɔ ziziɛ̃. Ǹ nɛlɔ lɛ kũ ǹ da tɛ-n ǹ tã.

Timəə dí-pɛn 21:19

ǹ kũ ǹ wo ne ǹ kiwi lɛ a min golen li, kiwi lɛ a kiɛnlɛ-a.

Timəə dí-pɛn 27:16

Bɛ̀ min mɛn nə́ ǹ di laanka ǹ dan puusə kɔ, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Timəə dí-pɛn 8:5

Ka dɔ̃ ka bɛ lɛ-n kəni, mà kaa Lawa, Dɛnaa Lawa lɛ n giɛ li a ka doroo, ka díi bɛ́ a nɛ doree lɔn.

Samayeli1 3:13

Má pɛ nɛ, máa ma á re dɔlɔ boe a kion ganaa duduu a sã lɛ taman yii. Á goã doɛ̃ mà a nɛnyaanan lɛn man barka boe masɛ Lawa nɛ, sɛnɛ, a na á bɔ ǹ gɔn lɛ-a wa.