Timəə dí-pɛn 20:4 - LAWA A BOO SONBORE

⁴ A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.»

LAWA A BOO SONBORE 2011

⁴ A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.»

Timəə dí-pɛn 20:4 ပူးပေါင်းရင်းမြစ်များ

KZS1 14:15

Bɛ̀ ń bìn diɛ ma dan lɛn mìi ni ǹ mɛn waáraa ka gòã wuu n boe, soo bɛa waáraa kəni n nə ǹ zia baa, a giala masɛ Lawa á re soe n nyɛɛnɛ ma Filisiti minin zia nɛn lɛn dɛ.»

KZS2 13:12

Kanna, Lawa dinmaa n wɔa kiã lɛa. Lawa a wúlu-bɔlen nə́ ke bii-a, ǹ yɔrɔ n boe ne ziabaa ǹ bɛn pɛ a lɛa ka ganaa. Izirayeli minin lɛn, ka nyan zia baa Dɛnaa Lawa, ka digolon Lawa ganaa wa! Kaa wɔ ba a-n ma!»

Bɔ bɛ̀rɛbaa nɛ 14:14

Dɛnaa din nə die kaa zia gii diɛ. Kasɛn nə giã ka kiĩni!»

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Timəə dí-pɛn 1:30

Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Timəə dí-pɛn 11:25

Min kɔn din ba re boe la a golee ka nyɛɛnɛ a yɔ bɔ ka-a wa. Ka bɛ́ re boe gána lɛ a bǎã mɛn tumaa nɛ, kaa Lawa, Dɛnaa Lawa á re nyɛ́ɛ laanka foo biɛ na kiɛ minin ganaa ka kaa sii ni, ka a bɛ́ á pɛ ka-n lɔn.

Timəə dí-pɛn 3:22

Ka baran nyɛ́ɛ baa ǹ nɛ wa. A giala kaa Lawa, Dɛnaa Lawa lɛ, a din nə zia diɛ kaa lɛa.»

Timəə dí-pɛn 31:6

Ka n gù we yii, ka n foo taã, ka baran nyɛ́ɛ baa wa, ka gɔ̀nɔn baran bìn da ǹ nyɛɛn wa. A giala, kaa Lawa, Dɛnaa Lawa din nə die ka diɛ zii, a re n gɔn boe ka ganaa wa, a re ka toɛ walan wa.»

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?

Zozoe 10:11

Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zozoe 23:10

Kaa min goon na á goã baa diɛ kaa zɔ́ɔn lɛn min duu goon gòã li. A giala, Dɛnaa Lawa lɛ, kaa Lawa lɛa, bɛ na á goã zia diɛ kaa lɛa, ka a bɛ́ á pɛ ka-n lɔn.

Samayeli1 14:23

Bɛa pinaa kɛ lɛ nɛ, Dɛnaa Lawa gɔ̀lɔ̀baa kɔ Izirayeli minin la. Ǹ nə́ zia lɛ baa yǎa ǹ nə́ woo Bɛti-Avɛn da ǹ kio.