Timəə dí-pɛn 2:7 - LAWA A BOO SONBORE

⁷ A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

LAWA A BOO SONBORE 2011

⁷ A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

Timəə dí-pɛn 2:7 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 24:35

Dɛnaa barka wɔ maa dɛnaagiĩ lɛ nɛ, á paãma gole baa. Á sèren kɔ la, ka bòen laanka diin ni, wɔrɔ laanka sana nɛ, bɛ̀rɛlɔn laanka bɛ̀rɛgiĩn ni, ka nyɔɔmaan laanka dundunun ni.

Siin Giala 26:12

Izaaki wuru bɔ bɛa gána lɛ-n bɛa lɛ̀ lɛ ganaa. A màn tɔrɔ mɛn da a nɛ, á bɛa laman paabiɛ bɔ a nɛ. Dɛnaa barka wɔ a nɛ,

Siin Giala 30:27

Laban tɔ́n pɛ nɛ: «Bɛ̀ ma sii tá kɔɔ̃nɛ n ganaa, n nə n too kɔ ma lon. Maa mànan nə́ nyaa ma nɛ, mà n din a lɛa nɛ, Dɛnaa barka wɔ ma nɛ.

Siin Giala 39:3

Bɛ́ yɛ mà Dɛnaa tá kun ni, a bɛ́ dí mɛn tumaa nyɛɛ, a nà a tumaa bǐɛ̃ koe a gɔn.

Siin Giala 39:5

A bɛ́ á Zozɛfu saa á da a kion, á koa a mànan tumaa mìi la lɔn, Dɛnaa barka da Eziptin giĩ lɛ a kion ganaa, Zozɛfu taman yii. Bɛa barka damaa lɛ a zín dɔ a gɔn mànan tumaa ganaa, a kion gɔ́ɔ̃ wɔn nɛ, ka a wuru gɔ́ɔ̃ wɔn nɛ.

Nehemii 9:21

Lɛ̀ pusi gɔ́ɔ̃ nɛ, ń ga ǹ walan don, màn kɔn nyaabaa ǹ ganaa wa, ǹ dɔnkɛn nə kun baa wa, ǹ gòãn dɔn nə yuyu wa.

Zɔbu 23:10

A da yaa, a din tá masɛ a kiɛ̃ ǹ zii doɛ̃. Bɛ̀ á maa sii giala gɔsɛ, man die soe a-n *yoreen ka sana bɛ́ lɔn.

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Loen 107:4

Min tɛn papaã don sa bii, zii banban ǹ tá koe lɛ wa, ǹ yii ba kiwi-a ǹ tá giɛ̃ a-n wa.

Loen 31:7

Min mɛnɛn bɛ́ dì kooron kɛn guguru koe, masɛ n bɛn biɛ zɔ́ɔ. Masɛ, masɛ foo n doa-n Dɛnaa Lawa ganaa.

Loen 90:17

Dɛnaa Lawa, n die n barka da wɔ ganaa. N die n barka da wɔa nya ǹ dín ganaa, n nyan toa wɔa nya ǹ dí kooro baa wa.

Bɔ bɛ̀rɛbaa nɛ 16:35

Izirayeli nɛnyaanan lɛn man nə́ maánə bii lɛ̀ pusi gɔ́ɔ̃ nɛ, yǎa ǹ nə́ woo dɔ giã ǹ gána kɔ́n nɛ, bɛ n ka Kanaan gána nɛ.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Ozee 13:5

Man má n dɔ̃ diə ne, lɛ̀ gere gána nɛ.

Amɔɔsi 2:10

Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

Minin nimi 1:1

Izirayeli minin lɛn soo a bɔ Ezipti gána nɛ a lɛ̀ paabaa ǹ wɔ, a mui paabaa ǹ wɔ a lɛawaa bibinaa pinaa, Dɛnaa Lawa boo da ka Muizu ni, Sinayii diə gole ne, kɔn yɛ ka Lawa nɛ ǹ kion kɛ nɛ, á pɛ:

Minin nimi 14:33

Kaa nɛnyaanan lɛn tá re n binbirin boe diə gole lɛ nɛ, lɛ̀ pusi gɔ́ɔ̃ nɛ. Kaa bɔlɔgoonbaãdɛnaa siin lɛn nɔmaa n die goɛ̃ kaa nɛnyaanan lɛn kio, yǎa ka dinin kɛn tumaa giɛ̃ ka nyɛɛ diə gole kɛ nɛ.

Minin nimi 14:34

Ka n ka woo ga gána lɛ-a, ka lɛawaa pusi. Lɛawaa goon nə die lɛ̀ goon bǎã siɛ: ka n die n toɛ̃ ka kaa sãn lɛn guĩ ni lɛ̀ pusi gɔ́ɔ̃ nɛ. Màn mɛn tá gòãn dii masɛ ganaa nɛ, ka á re bɛ doɛ̃.

Minin nimi 22:12

Lawa pɛ Balaamu ni: «N baran toa n wo kun ka bɛa minin kɛn lɛn nɛ wa. N baran toa n lɛn baraa bii zaman kɛ lɛ li wa, a giala masɛ barka da zaman lɛ ganaa.»

Minin nimi 32:13

Muizu mà bɛ lɛ n ke, Dɛnaa Lawa foo yoo Izirayeli minin lɛn li á ǹ kaa birin bɔ ganaa lɛ̀ pusi, diə gole gɔ́ɔ̃ nɛ, yǎa bɛa biikoo lɛ a minin tumaa gã ǹ nə́ nya. Sii mɛn bɛ́ a ba Dɛnaa Lawa foo sii wa, bɛa biikoo lɛ a minin man nə́ bɛ zɛnaa.

Luku 22:35

Yezu pɛ ǹ nɛ: «Masɛ bɛ́ má ka dia biikoo mɛn waáraa, má pɛ ka nɛ máa ka baran wɔrɔ saa wa, boroo ne ka kɔsɔn nɛ, màn nyaabaa ka ganaa?» Ǹ ná a lɛ si mà màn kɔ́n nyaabaa ǹsɛn-a wa.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Timəə dí-pɛn 1:19

Bɛ kio, wɔ́ kiɛ̃ wɔ́ n bɔ Horɛbu kele li, ka wɔa Lawa, Dɛnaa Lawa lɛ goã á pɛ á laa wɔ-a lɔn. Wɔ don gangabiɛ mɛn yɛ a sii n nyɛ́ɛ diɛ, wɔ́ bɛ lɛ wɔsɔ kɔn, wɔ́ Amɔɔrɔ tɔrɔn kele yii zii kɛ saa, wɔ́ daa yǎa Kadɛsi-Barneya.

Timəə dí-pɛn 1:46

Bɛ lɛ nɛ, ká tɔ́n giã Kadɛsi kiwi, ká belebɔ walan taãn-taãnɛ.

Timəə dí-pɛn 2:14

A saa Kadɛsi-Barneya ganaa, yǎa Zerɛdi tà gòã lɛ nɛ, lɛ̀ pɔsɔɔwenkiwisi tɔ-n wɔ́ wɔ. A kũ wɔa soo lɛ ganaa, a da bɛa biikoo lɛ yaa, zia-baalin mɛnɛn nə goã, bɛn tumaa gã ǹ nə́ n bɔ wɔ bii, ka Dɛnaa Lawa goã á n liɛ wɔ-n lɔn.

Timəə dí-pɛn 2:6

Ka bɛ́ re màn mɛn bii, ka bɛ pii ka wɔrɔ nɛ ǹ lon, ka tɔn bii. Haalɛ kaa mi ǹ mu, ka bɛ dɔ pii ǹ lon ka wɔrɔ nɛ, ka tɔn mi.»

Timəə dí-pɛn 29:4

Ma din Lawa n má ka nyɛɛnaan bɔ don, lɛ̀ pusi gɔ́ɔ̃ nɛ. Dɔnkɛn mɛnɛn nə goã ka-a, kɔsɔnɔn mɛnɛn nə goã ka gòãn-a, bɛn nə ziziɛ̃ wa.

Timəə dí-pɛn 29:5

Ka màn mɛn sɔ̃, buuru bie wa, ka màn mɛn mi, duvɛ̃ laanka yɔ kakaarɛ bie wa. Man má bɛ zɛnaa, màn mɛn bɛ́ toɛ ka dɔ̃, mà ma din Dɛnaa Lawa lɛ n kaa Lawa lɛa.

Zozoe 5:6

Sonbore, Izirayeli minin lɛn man nə́ n binbirin bɔ don, lɛ̀ pusi gɔ́ɔ̃ nɛ. Zaman mɛn tumaa soo Ezipti, ǹ mɛnɛn bɛ́ boe zia-baa la, yǎa bɛn tumaa papaã ǹ nə́ nya. A giala, ǹ nə n too kɔ Dɛnaa Lawa lon wa. Bɛ lɛ nɛ, á n liɛ bɛ lɛ a biikoo li, mà asɛ a re toɛ ǹ yii mɛ gána kɛ lɛ ganaa doo wa. Bɛ bie wa, Dɛnaa Lawa na á goã á n lɛ kɔ ǹ digolon la, mà asɛ n die bɛa gána kɛ lɛ koe ǹsɛn la, bɔ̀nyaa laanka zoo nyɔɔ bɛ́ baa sii gána mɛn nɛ.