Timəə dí-pɛn 2:14 - LAWA A BOO SONBORE

¹⁴ A saa Kadɛsi-Barneya ganaa, yǎa Zerɛdi tà gòã lɛ nɛ, lɛ̀ pɔsɔɔwenkiwisi tɔ-n wɔ́ wɔ. A kũ wɔa soo lɛ ganaa, a da bɛa biikoo lɛ yaa, zia-baalin mɛnɛn nə goã, bɛn tumaa gã ǹ nə́ n bɔ wɔ bii, ka Dɛnaa Lawa goã á n liɛ wɔ-n lɔn.

LAWA A BOO SONBORE 2011

¹⁴ A saa Kadɛsi-Barneya ganaa, yǎa Zerɛdi tà gòã lɛ nɛ, lɛ̀ pɔsɔɔwenkiwisi tɔ-n wɔ́ wɔ. A kũ wɔa soo lɛ ganaa, a da bɛa biikoo lɛ yaa, zia-baalin mɛnɛn nə goã, bɛn tumaa gã ǹ nə́ n bɔ wɔ bii, ka Dɛnaa Lawa goã á n liɛ wɔ-n lɔn.

Timəə dí-pɛn 2:14 ပူးပေါင်းရင်းမြစ်များ

Loen 106:26

Bɛ lɛ taman yii, Lawa nə́ n gɔn saa lon, á n liɛ, mà asɛ n die ǹ dii don gɔ́ɔ̃ nɛ, ǹ gã.

Loen 90:15

N nɔmaa da wɔ mìi-n lɛawaan mɛnɛn li, koe bɛ́ á bɔ wɔ ganaa lɛ̀n mɛnɛn gɔ́ɔ̃ nɛ, foo kɔɔ̃nbaa kɔ wɔ la bɛ doo.

Loen 90:3

N din nə toɛ minbuiin nɛ á wusii woe tii li. N din nə ń kɛ pɛ: Minbuiinin lɛn, ka wusoo ka wo tii li.

Loen 90:9

Taãn nɛ, n din a foo-yoo lɛ na á toa wɔa lɛawaan tá nyɛɛ. Wɔa lɛ̀n man nyɛɛ ka lɛ gɔ́ɔ̃ ǹ piɛ̃ bɛ́ lɔn.

Loen 95:11

Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.

Ezekieli 20:15

Má wusoo má n liɛ ǹ nɛ diə gole lɛ-n doo má pɛ ǹ nɛ máa ma goã má gána mɛn lɛ kɔ ǹ la, bɔ̀nyaa laanka zoo nyɔɔ bɛ́ baa sii gána mɛn nɛ, siĩni á la gánan tumaa nɛ, máa ma a re we ǹ ne walan doo wa.

Minin nimi 1:1

Izirayeli minin lɛn soo a bɔ Ezipti gána nɛ a lɛ̀ paabaa ǹ wɔ, a mui paabaa ǹ wɔ a lɛawaa bibinaa pinaa, Dɛnaa Lawa boo da ka Muizu ni, Sinayii diə gole ne, kɔn yɛ ka Lawa nɛ ǹ kion kɛ nɛ, á pɛ:

Minin nimi 13:26

Ǹ nə́ daa Muizu yaa, ka Aarɔn laanka Izirayeli a zaman lɛ tumaa nɛ, Paran diə gole ne, Kadɛsi. Ǹ yii sii mɛn yɛ, ǹ nə́ bɔ ka bɛa boo ne ǹ nə́ pɛ ǹ tumaa nɛ, ǹ nə́ gána lɛ a da nɛn dɔn nyaa ǹ nɛ.

Minin nimi 32:11

«Min mɛnɛn nə soo Ezipti gána lɛ nɛ, ǹ lɛ̀ ń lɛ̀ fuə, ka lɛ̀ fuə ka kio ne, bɛn kɔn yii ba re gána kɛ yii wa, masɛ nə n lɛ kɔ ka ǹ mɛn lɛ nɛ, máa ma á koe Abrahamu la, ka Izaaki laanka Zakɔba nɛ. A giala, ǹ kɔ ma lɛ ka ǹ yɔrɔ-n wa.

Korɛnti1 10:5

A laanka bɛ nɛ, ǹ gigiã goã ǹ bii, ǹ nə́ ǹ ba Lawa foo sii minin lɛa wa. Bɛ lɛ na á toa, ǹ nə́ goã boe bɛ̀ ǹ kaa don gɔ́ɔ̃ nɛ ǹ gã.

Timəə dí-pɛn 1:19

Bɛ kio, wɔ́ kiɛ̃ wɔ́ n bɔ Horɛbu kele li, ka wɔa Lawa, Dɛnaa Lawa lɛ goã á pɛ á laa wɔ-a lɔn. Wɔ don gangabiɛ mɛn yɛ a sii n nyɛ́ɛ diɛ, wɔ́ bɛ lɛ wɔsɔ kɔn, wɔ́ Amɔɔrɔ tɔrɔn kele yii zii kɛ saa, wɔ́ daa yǎa Kadɛsi-Barneya.

Timəə dí-pɛn 1:2

Bɛ̀ ń nə́ n toa Horɛbu kele li, ń Seyiiri a kele yii zii kɛ saa, lɛawaa fulugoon tɔ nə n tá we, n tɔn dɔ Kadɛsi-Barneya kiwi.

Timəə dí-pɛn 1:46

Bɛ lɛ nɛ, ká tɔ́n giã Kadɛsi kiwi, ká belebɔ walan taãn-taãnɛ.

Timəə dí-pɛn 2:13

Dɛnaa Lawa tɔ́n pɛ: «Kanna kəni, ka yoo ka Zerɛdi tà gòã kɛ kuru.» Wɔ́ yoo, wɔ́ Zerɛdi tà gòã kuru.

Timəə dí-pɛn 2:16

Gɛ̀ bɛ́ á zia-baalin lɛn tumaa dɛ á ǹ bɔ wɔ bii ǹ mɛn waáraa,

Timəə dí-pɛn 2:7

A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

Zozoe 24:7

Ka digolon lɛn nə́ n lɛ dɛ masɛ Dɛnaa Lawa ganaa, ma tɔ́n labara tì da ǹ laanka Ezipti minin lɛn bii, má kɔ̀ mu nyɛnaa má kɔ Ezipti minin lɛ. Ma sii mɛn zɛnaa Ezipti minin manɛ, ka yii bɛ́ á yɛ. Bɛ kio, ka dɔn nə́ giã don, ka belebɔ walan.

Zozoe 5:4

Bɛ̀ ń yaa Zozoe nə́ ǹ kuru, a mìi n ka kɛ nɛ: Zaman mɛn tumaa goã ǹ nə́ soo Ezipti gána nɛ giĩn lɛa, ǹ mɛnɛn tumaa bɛ́ boe zia-baa la, bɛn nə́ gã don, zii tɔ we lɛ gɔ́ɔ̃ nɛ, ǹ soo lɛ kio Ezipti gána nɛ.

Zozoe 5:6

Sonbore, Izirayeli minin lɛn man nə́ n binbirin bɔ don, lɛ̀ pusi gɔ́ɔ̃ nɛ. Zaman mɛn tumaa soo Ezipti, ǹ mɛnɛn bɛ́ boe zia-baa la, yǎa bɛn tumaa papaã ǹ nə́ nya. A giala, ǹ nə n too kɔ Dɛnaa Lawa lon wa. Bɛ lɛ nɛ, á n liɛ bɛ lɛ a biikoo li, mà asɛ a re toɛ ǹ yii mɛ gána kɛ lɛ ganaa doo wa. Bɛ bie wa, Dɛnaa Lawa na á goã á n lɛ kɔ ǹ digolon la, mà asɛ n die bɛa gána kɛ lɛ koe ǹsɛn la, bɔ̀nyaa laanka zoo nyɔɔ bɛ́ baa sii gána mɛn nɛ.

Zude 1:5

A laan ka á bɛ doɛ̃ taãn-taãn gɔrɔ, man giɛ li, ma ka yiri gisĩ a nɛ, máa Dɛnaa bɛ́ a ná a din a minin kɛn si, á ǹ bɔ Ezipti minin pàã giulun ǹ mɛn waáraa, ǹ mɛnɛn nə n piã bɛ kio, ǹ nə́ ǹ golee li wa, Lawa toa bɛn nə́ gã.