Timəə dí-pɛn 2:11 - LAWA A BOO SONBORE

¹¹ Maǹ nə́ goã ǹ dɔn bíi Refaa tɔrɔn ka Anaaki tɔrɔn kɛn bɛ́ lɔn. Sɛnɛ, Moabu tɔrɔn lɛn man nə́ goã ǹ bíi Emimu tɔrɔn.

LAWA A BOO SONBORE 2011

¹¹ Maǹ nə́ goã ǹ dɔn bíi Refaa tɔrɔn ka Anaaki tɔrɔn kɛn bɛ́ lɔn. Sɛnɛ, Moabu tɔrɔn lɛn man nə́ goã ǹ bíi Emimu tɔrɔn.

Timəə dí-pɛn 2:11 ပူးပေါင်းရင်းမြစ်များ

Siin Giala 14:5

A lɛ̀ fulusiibaa ǹ wɔ, Kedɔrlomɛɛrɛ laanka ǹ miã kiin mɛnɛn bɛ́ kun ni, ǹ nə́ daa kɔ Astaarɔti-Karnayimu kiwi lɛ, ǹ nə́ Refaa tɔrɔn dɛ walan. Bɛ kio, ǹ nə́ Zuzu tɔrɔn dɛ Hamu kiwi. Ǹ nə́ Emu tɔrɔn dɛ Kiriata a diə fúlu ni.

Siin Giala 6:4

Bɛa waáraa, haalɛ bɛ dɔ din kio, min sasa gegeren nə́ goã kanaa lɛ nɛ. Lawa a nɛnyaanan nə minbuiinin nɛlɔn mɛnɛn bɔ, ǹ nə́ nɛnyaanan yɛ ǹ la, bɛn lɛn tɔrɔn manɛ. Ǹ dinin lɛn man nə́ goã min gegere pàãdɛnan lɛa lɛlɛ, ǹ tɔ bɔ parsiini.

Samayeli2 21:16

Yiisibii-Benɔbu mɛn bɛ́ Harafaa tɔrɔn kɛn min goon lɛa, a na á goã bɛ gɔ́ɔ̃ nɛ, mà a Davida dɛ. Gɔya sà dii na á goã a ganaa ka sɛmiɛ̃ nɛ. Bɛa sɛmiɛ̃ lɛ nàn na á n zɛnaa ka zan nɛ, a gugurubaa á doe kilo sɔɔ.

Minin nimi 13:22

Bɛ kio, ǹ nə́ woo gusin a lɛ̀gɔn li, ǹ nə́ woo soo yǎa Ebrɔn kiwi. Anaaki a nɛnyaanan kɛn, Ayiman nɛ, Sesayii ni ka Talmayii ni, bɛn tanlɛn minin man nə́ goã giã-n bɛa bǎã lɛ nɛ. (Ǹ nə́ goã ǹ nə́ Ebrɔn kiwi kɛ koa á dɔ lɛ̀ sɔbaa, ǹ nə́ tɔ́n Soan kiwi kɛ koa Ezipti gána nɛ.)

Minin nimi 13:28

Sɛn kəni, pàã tá gána lɛ a minin lon, ǹ kiwin nə́ dadara, kungɔn nə́ pɛnɛɛ nɛ ǹ ganaa sɔnbɔraanɛ. Wɔ Anaaki tɔrɔn dinin yɛ a nɛ.

Minin nimi 13:33

Wɔ min mɛnɛn tumaa yɛ a nɛ, maǹ sɔsɔrɔ. Wɔ́ Anaaki tɔrɔn yɛ a nɛ, bɛa min sasa gegere tɔrɔn kɛn lɛn. Wɔ́ goã giɛ wɔ dinin ganaa bisinin lɛa ǹ genli, ǹ dɔn yii na á goã wɔsɛn ganaa miɛ̃ lɛn.»

Timəə dí-pɛn 1:28

Wɔ n die woe maa? Wɔ dɔɔ̃nɔn lɛn dɔn nə́ wɔ foo biɛ na, bɛ̀ ǹ bɛ́ ǹ nə́ pɛ: Gána lɛ a minin tá didi ǹ nə́ la wɔ nɛ, ǹ tá kaka dɔn, ǹ nə́ la wɔ nɛ. A kiwin tá dadara, kungɔnun nə́ ǹ lɛnpɛnɛ, sasa lon ka piwɔɔn! Anaaki ke, á goã sasa gegere, wɔ bɛ tɔrɔn yɛ walan.»

Timəə dí-pɛn 2:20

Bǎã lɛ na á goã Refaa tɔrɔn bǎã lɛa. A giala bɛn man nə́ goã-n lɛlɛ. Amɔn tɔrɔn lɛn dinin man nə́ goã ǹ bíi Zamuzumu tɔrɔn.

Timəə dí-pɛn 3:11

Basanan kii Ɔgu dinsɔɔ̃ na á goã Refayimu tɔrɔn lɛn min giala-nyɔmiɛ̃ lɛa. Ǹ na a gere da goo mɛn nɛ, fɔlɔ goo ne. A din lɛ n ke tɔn Amɔn tɔrɔn kɛn kiwi Rabaa. A sasabaa n mɛtərə sii ka talɛɛ, a gɔ́ɔ̃ a golebaa n mɛtərə paa.

Timəə dí-pɛn 9:2

Sanparɛ Anaaki tɔrɔn kɛn mɔnaa nɛ, sɔsɔrɔ dɔn. Ka tá doɛ̃, ǹ bin pɛ, ká ma dɔn dinin mà die n boe la a golee Anaaki tɔrɔn kɛn nyɛɛnɛ?