Timəə dí-pɛn 19:10 - LAWA A BOO SONBORE

¹⁰ Ka die ka zɛnaa miɛ̃, màn mɛn bɛ́ toɛ, kaa Lawa, Dɛnaa Lawa bɛ́ re gána mɛn lɛ koe ka la mà a kaa wɔ baa, zɛ̀rɛbaãnaa mà nyan kaa tán a-n wa. Bɛ bie wa, a sii n goɛ̃ ka dinin mìi ni.

LAWA A BOO SONBORE 2011

¹⁰ Ka die ka zɛnaa miɛ̃, màn mɛn bɛ́ toɛ, kaa Lawa, Dɛnaa Lawa bɛ́ re gána mɛn lɛ koe ka la mà a kaa wɔ baa, zɛ̀rɛbaãnaa mà nyan kaa tán a-n wa. Bɛ bie wa, a sii n goɛ̃ ka dinin mìi ni.

Timəə dí-pɛn 19:10 ပူးပေါင်းရင်းမြစ်များ

Kiin1 2:31

Kii lɛ tɔ́n pɛ nɛ: «A zɛnaa ka Zoabu din pɛ lɔn lɛn, bɔ n mɛ la n dɛ, bɛ kio, n die n na a gere bĩ. Bɛa yɔrɔ kɛ lɛ la, Zoabu mà mɛn kaa kooro ke, n tá re toɛ bɛ ná a ba kuĩ, masɛ laanka ma di a kion mìi-n wa.

Kiin2 21:16

Manaasee zɛrɛbaãnaa gigiã dɔ mà kaa tán, yǎa Zeruzalɛmu gɔ́ɔ̃ yii pã ka mà nɛ. Bɛ̀ á yoo bɛ la, sii mɛn bɛ́ baraa Dɛnaa Lawa yii li, a na á Zudaa minin lɛn kaa bɛa zɛnaa ganaa.

Kiin2 24:4

a goã á zɛ̀rɛbaãnaan mà mɛn kaa á Zeruzalɛmu kiwi gɔ́ɔ̃ pã nɛ, bɛ lɛ dɔ taman yii ni. A giala Dɛnaa Lawa lɛ kɔ á bɛ toa-n wa.

Loen 94:21

Maǹ yɔ boe min peperen ganaa, maǹ zɛ̀rɛ koɛ zɛ̀rɛbaãnan ganaa.

Izayii 59:7

Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

Zonaasi 1:14

Ǹ nə́ n lɛ dɛ Dɛnaa Lawa ganaa ǹ nə́ pɛ: «E Dɛnaa Lawa, n nyan toa wɔsɛn nə bɔ̀n baa wa. N baran giĩ zɛrɛdɛnaa kɛa gɛ̀ dɔlɔ da wɔsɛn mìi-n wa. A giala, bɛ̀ sii mɛn kɔɔ̃n kɔ n din ganaa, n nə n bɛ zɛnɛɛ.»

Minin nimi 35:33

Ka bɛ́ re goɛ̃ gána mɛn lɛ nɛ, ka doamaa bie ka bɛ gɔgɔrɛ kɔ wa. Sonbore, gɛ̀-dɛ n sii lɛa, sii mɛn nə́ ke gána gɔgɔrɛ koe. Bɛ̀ ǹ nə́ mà kaa gána lɛ nɛ, màn kɔn ba boe la a bɛ tuturu wa, yǎa mà-kaali lɛ mà.

Timəə dí-pɛn 19:13

Ka nyan makara bɔ a ganaa duduu wa. Min mɛn lɛ zɛ̀rɛbaãnaa lɛ mà kaa, ka bɛ lɛ bɔ ka bɔ ka bii, màn mɛn bɛ́ toɛ, kaa wɔ bǐɛ̃ kɔ.

Timəə dí-pɛn 26:1

Kaa Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka á re we a nɛ. Ǹ mɛn waáraa, bɛ̀ ka giã gána

Timəə dí-pɛn 4:21

A laan bɛ yii ni, Dɛnaa Lawa foo yoo masɛ li, ka dinin kɛn lɛn taman yii. Á tɔ́n nə n liɛ á pɛ: «N ba re Zurdɛ̃ tà kɛ kuri n wɔ gána sonbore kɛ nɛ, kaa Lawa, Dɛnaa Lawa lɛ n koe ka la, kaa wɔ lɛa wa.

Samayeli1 19:5

Á n din kɔ gɛ̀ la, á Filisiti min lɛ dɛ, Dɛnaa Lawa gɔ̀lɔ̀baa gole kɔ Izirayeli minin tumaa la. Ń bɛ yɛ, á n foo kɔɔ̃n kɔ. Davida sii kɔn la wa. Wàa na á baa n tá re Davida dii, n zɛ̀rɛbaãnaa kɛ mà kaa, á sii baraa zɛnaa?»