Timəə dí-pɛn 18:22 - LAWA A BOO SONBORE

²² Boo gii-dali lɛ boo mɛn da ka Dɛnaa Lawa tɔ nɛ, bɛ̀ a sii nə n zɛnaa wa, ka dɔ̃ mà Dɛnaa Lawa bie á bɛa boo lɛ da wa. Boo gii-dali lɛ na á n saa din gole kɔ li á da. Ka nyan nyɛ́ɛ baa-n wa.

LAWA A BOO SONBORE 2011

²² Boo gii-dali lɛ boo mɛn da ka Dɛnaa Lawa tɔ nɛ, bɛ̀ a sii nə n zɛnaa wa, ka dɔ̃ mà Dɛnaa Lawa bie á bɛa boo lɛ da wa. Boo gii-dali lɛ na á n saa din gole kɔ li á da. Ka nyan nyɛ́ɛ baa-n wa.

Timəə dí-pɛn 18:22 ပူးပေါင်းရင်းမြစ်များ

Kiin1 22:28

Misee tɔ́n pɛ kii lɛ nɛ: «Bɛ̀ n dɔ woo zia lɛ la, n nə ń bɔyaa ń din yii lɛa sonbore, Dɛnaa Lawa bie á masɛ da boo lɛ a diɛ ganaa wa. Misee wusoo á pɛ mà zaman lɛ din tumaa nə n too da!»

Kiin2 20:1

Bɛa biikoo lɛ li, busu kɔn Ezekiasi kũ, á woo dɔ gɛ̀ gɔn la. Amɔsi a nɛgiĩ Izayii lɛ Lawa a boo gii-dali lɛa, bɛ daa yaa, á pɛ nɛ: – Dɛnaa Lawa n kɛ pii: «N gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.»

Suusun 26:2

Leere bàan bɛ́ kiɛ̃ lon lɔn, bàan bɛ́ yui tán lɔn, liɛ mali mɛn bɛ́ mìi ba la wa, bɛa min kuĩ wa.

Izayii 41:22

Ka da ǹ nɛ, siin mɛnɛn bɛ́ die, ka bɛn pɛ wɔ nɛ. Lɛlɛ siin kɛn nə goã lɔn, ka bɛ pɛ wɔ nɛ. Ka ǹ nyaa wɔ nɛ, wɔ n taasɛ ǹ ganaa. Wɔ á re bɛn kio siin doɛ̃. Biɛ̃ ǹ siin kɛn, ka ǹ pɛ wɔ nɛ, wɔ dɔ̃ sii mɛn bɛ́ re n zɛnɛɛ.

Zonaasi 3:4

Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.»

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Timəə dí-pɛn 18:20

Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

Timəə dí-pɛn 18:21

Kɔntan, ka n die nɔ̀n diɛ ka dinin la kɛnɛn: «Min nə siɛ lɔn a dɔ̃, mà Dɛnaa Lawa bie á boo lɛ da wa?»

Samayeli1 3:19

Samayeli bɛ́ gole koe woe, Dɛnaa Lawa goã kun ni, a boon lɛn kɔn goã kooro, lɛ-pã baã wa.