Timəə dí-pɛn 18:20 - LAWA A BOO SONBORE

²⁰ Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

LAWA A BOO SONBORE 2011

²⁰ Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

Timəə dí-pɛn 18:20 ပူးပေါင်းရင်းမြစ်များ

Kiin1 13:19

Lawa a boo gii-dali lɛ nə́ n bɔyaa kun ni, á màn bii a kion, á mu mi.

Kiin1 18:19

Kanna, Izirayeli minin tumaa lɛ sɔkɔn ma li, Karmɛli kele la, kɔnlɛ ka Baali a wúlu-bɔle biɛsii ka posooro (450) kɛ nɛ, ka dì Aseeraa a wúlu bole biɛsii kɛ nɛ, Zezabɛli nə́ ǹ bii boe.»

Kiin1 18:27

Penleen biikoo li, Yilii Baali a wúlu-bɔlen lɛn da yaa lɛa, á pɛ: «Baali lɛ bie kaa lawa lɛa wa ya, ka màn da kaa lɛ dɛ li taãnɛ. Kɔntan dí na a gɔn, hinlaa taasiɛn man a gialaa. Kɔntan a wo zii ni, hinlaa a goã nyuù we, a yii á die kiɛ!»

Kiin1 18:40

Yilii tɔ́n pɛ ǹ nɛ: «Ka Baali a wúlu-bɔlen lɛn kũ! Ka baran toa ǹ goon la ka la wa!» Zaman lɛ wúlu-bɔlen lɛn tumaa kũ, Yilii woo ǹ ne Kiisɔn a mu zii genli, á ǹ bɔ́lɔn kuru walan.

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

Zeremii 23:30

Lawa a boo gii-dalin kɛn maa da ǹ boon koɛ̃ kɔn lɛ-n, man die yui ǹ gialaa. Dɛnaa Lawa a da ǹ boo ne.

Zeremii 23:31

Hiĩ, bɛa Lawa a boo gii-dalin lɛn, soɛ boe ka masɛ tɔ nɛ, ma á re yui ǹ gialaa, ǹsɛn mɛnɛn bɛ́ pii: «Dɛnaa Lawa a da ǹ boo ne.»

Zeremii 26:11

Lawa a wúlu-bɔlen laanka Lawa a boo gii-dalin lɛn nə́ tɔn kɛ pɛ gána nyɛɛnaandɛnan lɛn manɛ ka zaman lɛ tumaa nɛ: «Giĩ kɛ doamaa-n ka gɛ̀ nɛ. A giala, a na á boo da Zeruzalɛmu ganaa. Ka dinin too bɛ́ á ma!»

Zeremii 27:15

Masɛ bie má ǹ dia wa. Maǹ pii mà ǹsɛn man boo diɛ ka masɛ tɔ nɛ, sɛnɛ, soɛ nɛ. Bɛ̀ ka n too kɔ ǹ lon, ka ǹ die giɛ̃, man die ka lui ma ka bɔ kànaa, ka dinin ni ka kaa Lawa a boo gii-dalin kɛn nɛ bɛa boon lɛn pii ka nɛ. Dɛnaa Lawa a da ǹ boo ne.

Ezekieli 13:6

Sii-nyaa kooron manɛ ǹ tá yii, maǹ nə n gɔn noɛ̃: «Dɛnaa Lawa a da ǹ boo ne.» A da yaa, masɛ Dɛnaa Lawa nə ǹ dia wa. Maǹ nə n yii diɛ kəni, mà masɛ sii lɛ zɛnaa a kɔnpɛ ka ǹ da ǹ boo ne.

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Zakarii 13:3

Min woo min bɛ́ re yui mà asɛ n Lawa a boo gii diɛ, a din a yɛ ǹ di laanka a yɛ ǹ dan tá re yui a gialaa ǹ pɛ nɛ: «N doamaa-n ka gɛ̀ nɛ, a giala, n nə́ n soɛ bɔ ka Dɛnaa Lawa tɔ nɛ.» A toa a n soɛ boe ka masɛ tɔ nɛ, a din a yɛ ǹ di laanka a yɛ ǹ dan tá re dii a gã.

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 17:12

Sɛnɛ, giĩ mɛn bɛ́ re din gole kɔ ǹ sii zɛnɛɛ, a ná a ba n too koe wúlu-bɔle lɛ a boo li wa, ǹ mɛn lɛ bɛ́ golee ne Lawa a bǎã sonbore kɛ nɛ, dí nyɛɛ kaa Lawa, Dɛnaa Lawa nɛ, a ná a ba n too koe sii yɔrɔ-bɔle kɛ dɔ a boo li wa, ka bɛa giĩ lɛ dɛ a gã. Bɛ á re toɛ ka sii baraa bɔ ka bɔ Izirayeli minin bii.

Timəə dí-pɛn 18:21

Kɔntan, ka n die nɔ̀n diɛ ka dinin la kɛnɛn: «Min nə siɛ lɔn a dɔ̃, mà Dɛnaa Lawa bie á boo lɛ da wa?»

Timəə dí-pɛn 18:22

Boo gii-dali lɛ boo mɛn da ka Dɛnaa Lawa tɔ nɛ, bɛ̀ a sii nə n zɛnaa wa, ka dɔ̃ mà Dɛnaa Lawa bie á bɛa boo lɛ da wa. Boo gii-dali lɛ na á n saa din gole kɔ li á da. Ka nyan nyɛ́ɛ baa-n wa.

Piɛrɛ2 2:12

Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii yɔrɔ-bɔlen 2:15

Ǹ soo a wo zia baa gogoonmaa yii, Dɛnaa Lawa gɔn na á goã ǹ gialaa, á ń baraa zɛnɛɛ ǹ nɛ, ka a din bɛ́ á goã á pɛ ǹ nɛ lɔn, á n liɛ ǹ nɛ. Á nɔmaa baa ǹ ganaa parsiini.