Timəə dí-pɛn 18:14 - LAWA A BOO SONBORE

¹⁴ Ka bɛ́ re tɔrɔn mɛnɛn lɛn lui ka ǹ bɔ ǹ bǎã nɛ, bɛn manə n too koe boobaa ǹ dí-nyalin laanka wɔ-kũlin lɛn lon. Sɛnɛ kasɛn, kaa Lawa, Dɛnaa Lawa lɛ kɔ ka la, mà ka bɛ miã siin kɛn zɛnaa wa.

LAWA A BOO SONBORE 2011

¹⁴ Ka bɛ́ re tɔrɔn mɛnɛn lɛn lui ka ǹ bɔ ǹ bǎã nɛ, bɛn manə n too koe boobaa ǹ dí-nyalin laanka wɔ-kũlin lɛn lon. Sɛnɛ kasɛn, kaa Lawa, Dɛnaa Lawa lɛ kɔ ka la, mà ka bɛ miã siin kɛn zɛnaa wa.

Timəə dí-pɛn 18:14 ပူးပေါင်းရင်းမြစ်များ

Siin Giala 20:6

Lawa tɔ́n pɛ nɛ a din narɛɛ lɛ nɛ: «Masɛ dɔ á doɛ̃, máa n nə́ n zɛnaa ka gɔ́ɔ̃ fubaa nɛ, ma dinmaa lɛ dɔ n man kurəə wɔ masɛ lon ganaa. Bɛ lɛ nɛ, ma toa ń nə́ n mɔrɔ lɔ lɛ-a wa.

Kiin2 21:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Izayii 2:6

Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

Zeremii 27:9

Kasɛn, ka nyan nə n too kɔ kaa Lawa a boo gii-dalin lon wa, ǹ mɛnɛn bɛ́ biɛ̃ ǹ pii, narɛɛ giala-pɛlen ne, lon gɔ̀nɔn ganaa pɛlen ne, ka kɔ́lɔnbaalin ni. Maǹ pii ka nɛ, mà ka a re goɛ̃ Baabiloniin kii a pàã kɛ giulun wa.

Misee 5:12

Kaa dìn laanka kaa tíĩn kɛn, ma á die bɛn wurii ma ǹ bɔ ka bii. Ka dinin nə mànan mɛnɛn zɛnaa ka ka gɔn nɛ, ka a die kiɛ tán bɛn giulun doo wa.

Nya ǹ dín 14:16

Lɛlɛ á tɔrɔn tumaa toa walan, didie kɔ a din a zii lɛ.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.