Timəə dí-pɛn 17:9 - LAWA A BOO SONBORE

⁹ Ka wo dɔ Levii tɔrɔ, Lawa a wúlu-bɔlen kɛn li, ka min mɛn dɔ bɛ́ sii yɔrɔ-bɔle lɛa bɛa waáraa lɛ nɛ. Ka nɔ̀n da ǹ la, ǹ tá re sii lɛ a yɔrɔ bɔ ǹ gɔn pii ka nɛ.

LAWA A BOO SONBORE 2011

⁹ Ka wo dɔ Levii tɔrɔ, Lawa a wúlu-bɔlen kɛn li, ka min mɛn dɔ bɛ́ sii yɔrɔ-bɔle lɛa bɛa waáraa lɛ nɛ. Ka nɔ̀n da ǹ la, ǹ tá re sii lɛ a yɔrɔ bɔ ǹ gɔn pii ka nɛ.

Timəə dí-pɛn 17:9 ပူးပေါင်းရင်းမြစ်များ

Bɔ bɛ̀rɛbaa nɛ 18:16

Bɛ̀ zia tá ǹ bii ni, maǹ die ma a yɔrɔ bɔ. Man zia lɛ nyɛɛ ǹ bii ni, ma tɔn Lawa a dí-pɛn laanka a daraan nyaa ǹ nɛ.»

Bɔ bɛ̀rɛbaa nɛ 22:8

Bɛ̀ kɔn liere-kɔ yɛ min paa bii, dii lɛa, dundun lɛa, sère, hinlaa mɔnaa lɛa, ka màn tɔrɔ kɔsɔ nɛ, a na á papaã, ǹ nə́ pii a wɔ paǹ li, «a din nə́ ke», min paa kɛ lɛ, ǹ didie n màn lɛ biɛ a din wɔ lɛa, bɛn doamaa nɛ, ǹ da Lawa yɔrɔ-a. Bɛ̀ Lawa zɛ̀rɛ koa ǹ mɛn ganaa, bɛ nə ǹ miã kɔsɔ kɛ sarɛɛ, ka màn lɛ a laman màn paa nɛ.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Ezekieli 44:24

Bɛ̀ sii tá minin bii, ǹ dinin lɛn doamaa nɛ, ǹ na a yɔrɔ bɔ. Ǹ doamaa nɛ ǹ na a yɔrɔ bɔ a kɔnpɛ ka maa sii yɔrɔ bɔ ǹ gɔn nɛ. Ma dí-pɛn laanka landa boon mɛnɛn kɔ ǹ la, ǹ maa zɔ́nɔn kɛn tumaa zɛnaa a kɔnpɛ ka bɛn nɛ, ǹ maa susu ǹ piin kɛn tamaa masɛ wɔn lɛa.

Azee 2:11

– Á ke Dɛnaa Lawa Pàãyiidɛnaa n kɛ pii: «Nɔ̀n da Lawa a wúlu-bɔlen kɛn la ka dí-pɛn kɛn nɛ.

Zakarii 3:7

«Dɛnaa Lawa Pàãyiidɛnaa a lɛ kɔ goon nə́ ke: Ma bɛ́ boo mɛn pii n ni bɛ̀ n bɛ zɛnaa, bɛ̀ n kɔ maa dí-pɛn kɛn lɛ, n tá re maa kion lɛ a nyɛɛnaandɛnaa biɛ, ka a sumun dɔn nɛ. Min mɛnɛn bɛ́ maa dí nyɛɛ kànaa, man die n diɛ kun ka bɛn nɛ.

Malakii 2:7

Hiĩ, Lawa a wúlu-bɔle a nya ǹ dí n ka Lawa doɛ̃ nɛ, ka a landan tamaa nɛ. Maǹ die nɔ̀n diɛ a din la ka Lawa a dí-pɛn yɔrɔn nɛ. A din ni Dɛnaa Lawa Pàãyiidɛnaa á boo sii á pɛ wole lɛa.

Timəə dí-pɛn 16:18

Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.

Timəə dí-pɛn 17:10

Ǹ bɛ́ re boo mɛn pii ka nɛ a yɔrɔ bɔ ǹ gɔn lɛa, Dɛnaa Lawa a bǎã kɛ nɛ á bɔ, ka zɛnaa a kɔnpɛ ka bɛ lɛ nɛ. Ǹ bɛ́ re ka darɛɛ sii mɛn tumaa ganaa, ka n yiri koa li ka kɔ bɛ lɛ.

Timəə dí-pɛn 21:5

Bɛa biikoo li, Levii tɔrɔ wúlu-bɔlen kɛn nə n zɔ̃ ǹ dɔ. A giala, kaa Lawa, Dɛnaa Lawa lɛ na á ǹ dinin lɛn bɔ mà ǹ dí nya asɛ nɛ, ǹ barka da minin ganaa ka asɛ tɔ nɛ. Minin bii gɔ́ɔ̃ ǹ sii tumaa laanka kɔn-dɛ a mà bɔ kɔn ganaa ǹ sii tumaa nɛ, ǹ dinin man bɛ yɔrɔ boe.

Timəə dí-pɛn 25:1

Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.

Timəə dí-pɛn 33:10

Ǹ dinin lɛn man Zakɔba tɔrɔn darɛɛ n sii yɔrɔ bɔ ǹ boon ganaa, ǹ dinin man Izirayeli minin darɛɛ n dí-pɛn ganaa. Ǹ dinin man nyɔɔ gìĩ kɔɔ̃n tiɛ̃ n yɔrɔ-a, ǹ dinin man *wúlu màn tiɛ̃ *wúlu bɔ ǹ bǎã kɛ nɛ.