Timəə dí-pɛn 17:8 - LAWA A BOO SONBORE

⁸ Bɛ̀ sii mɛn a yɔrɔ bɔ ǹ gɔn tá kaka ka ganaa á la yii ni, gɛ̀-dɛ nɛ hinlaa kɔn-dɛ a mà bɔ kɔn ganaa nɛ, minin mɛ kɔn-a ǹ sii tumaa, bɛ̀ kaa kiwi a sii yɔrɔ-bɔlen ná a yɔrɔ bɔ ǹ nə́ fɔ̃ li, kaa Lawa, Dɛnaa Lawa lɛ bǎã mɛn bɔ á koa, ka yoo ka wo walan.

LAWA A BOO SONBORE 2011

⁸ Bɛ̀ sii mɛn a yɔrɔ bɔ ǹ gɔn tá kaka ka ganaa á la yii ni, gɛ̀-dɛ nɛ hinlaa kɔn-dɛ a mà bɔ kɔn ganaa nɛ, minin mɛ kɔn-a ǹ sii tumaa, bɛ̀ kaa kiwi a sii yɔrɔ-bɔlen ná a yɔrɔ bɔ ǹ nə́ fɔ̃ li, kaa Lawa, Dɛnaa Lawa lɛ bǎã mɛn bɔ á koa, ka yoo ka wo walan.

Timəə dí-pɛn 17:8 ပူးပေါင်းရင်းမြစ်များ

Samayeli2 15:2

Abusalɔn na á goã yui baayɛlɛ yiisoone, bɛ̀ a wo golee kiwi lɛ a wɔ ǹ kiɛnlɛ zii la. Bɛ̀ sii yoo min ganaa yǎa a kiri baa, bɛ̀ á bɛa dɛnaa yɛ kiɛ̃ lɔn, a n woe a yɔrɔ boe kii li, a na á goã lɛ diɛ bɛ la, bɛ̀ a nɔ̀n da la: «Ma n boe kɛ mɛn-a?» Bɛ na a lɛ sii mà Izirayeli tɔrɔn kɛn min goon nə ka asɛ nɛ.

Bɔ bɛ̀rɛbaa nɛ 18:15

Muizu pɛ ǹ daãgiĩ lɛ nɛ: «Zaman lɛ n die ma li, ǹ nə́ nɔ̀n diɛ Lawa la ka siin ni.

Bɔ bɛ̀rɛbaa nɛ 18:26

Bɛn nə́ goã kiri we zaman lɛ ganaa biikoo tumaa li. Bɛ̀ sii lɛ mɛn tá kaka, maǹ die bɛ nyɛɛ Muizu ni, sɛnɛ, sii lɛ mɛn bɛ́ a kaka wa, ǹ dinin man bɛ yɔrɔ boe.

Bɔ bɛ̀rɛbaa nɛ 21:20

«Bɛ̀ min na á bɛ̀rɛgiĩ hinlaa á bɛ̀rɛlɔ dɛ ka dɔ̀rɔ̀ nɛ, yǎa a gã a gɔn, ǹ doamaa nɛ ǹ gɛ̀ dòo bɔ a ganaa.

Bɔ bɛ̀rɛbaa nɛ 21:22

«Bɛ̀ minin dɔn man nə́ kɔn kũ, ǹ nə́ n tɔ lɔ nɔnoa nɛ, bɛ̀ a nɔ̀ lɛ ziziɛ̃, baraa ná a n zɛnaa a din ni wa, minin lɛn doamaa nɛ, ǹ màn saraa a kɔnpɛ ka lɔ lɛ zuũ a màn pɛ nɛ. Ǹ saraa sii yɔrɔ-bɔlen yii ni.

Bɔ bɛ̀rɛbaa nɛ 21:28

«Bɛ̀ dii giĩ hinlaa lɔ dɛ ka a bɛn nɛ, yǎa a gã, bɛa dii lɛ nə n dii ka kɔlɔ nɛ yǎa a giɛ̃. Min dɔ baran a siĩ sɔ̃ wa. Sɛnɛ, zɛ̀rɛ ba re goɛ̃ dii lɛ a dɛnaa ganaa wa.

Bɔ bɛ̀rɛbaa nɛ 22:2

Sɛnɛ, bɛ̀ sii lɛ na á yɛ wasa yii ni, bɛa gɛ̀-dòo bɔ tan. Bɛ̀ màn ba wurumu lɛ lon, a tá màn lɛ a dɛnaa sarɛɛ-n wa, a dinmaa lɛ nə n siɛ̃, a giɔ̀mɔ bɛa màn lɛ saraa.

Bɔ bɛ̀rɛbaa nɛ 22:8

Bɛ̀ kɔn liere-kɔ yɛ min paa bii, dii lɛa, dundun lɛa, sère, hinlaa mɔnaa lɛa, ka màn tɔrɔ kɔsɔ nɛ, a na á papaã, ǹ nə́ pii a wɔ paǹ li, «a din nə́ ke», min paa kɛ lɛ, ǹ didie n màn lɛ biɛ a din wɔ lɛa, bɛn doamaa nɛ, ǹ da Lawa yɔrɔ-a. Bɛ̀ Lawa zɛ̀rɛ koa ǹ mɛn ganaa, bɛ nə ǹ miã kɔsɔ kɛ sarɛɛ, ka màn lɛ a laman màn paa nɛ.

Ezekieli 44:24

Bɛ̀ sii tá minin bii, ǹ dinin lɛn doamaa nɛ, ǹ na a yɔrɔ bɔ. Ǹ doamaa nɛ ǹ na a yɔrɔ bɔ a kɔnpɛ ka maa sii yɔrɔ bɔ ǹ gɔn nɛ. Ma dí-pɛn laanka landa boon mɛnɛn kɔ ǹ la, ǹ maa zɔ́nɔn kɛn tumaa zɛnaa a kɔnpɛ ka bɛn nɛ, ǹ maa susu ǹ piin kɛn tamaa masɛ wɔn lɛa.

Azee 2:11

– Á ke Dɛnaa Lawa Pàãyiidɛnaa n kɛ pii: «Nɔ̀n da Lawa a wúlu-bɔlen kɛn la ka dí-pɛn kɛn nɛ.

Malakii 2:7

Hiĩ, Lawa a wúlu-bɔle a nya ǹ dí n ka Lawa doɛ̃ nɛ, ka a landan tamaa nɛ. Maǹ die nɔ̀n diɛ a din la ka Lawa a dí-pɛn yɔrɔn nɛ. A din ni Dɛnaa Lawa Pàãyiidɛnaa á boo sii á pɛ wole lɛa.

Minin nimi 35:11

ka die ka kiwin kɔnɔn bɔ ka ǹ koa mìi duru ǹ bǎãn lɛa. Bɛ̀ min mɛn nə́ gɛ̀ dɛ, ǹ dɛnaa ná a bie á zɛnaa woo-n wa, ǹ dɛnaa die a wo n duru walan.

Minin nimi 35:16

Sɛnɛ, bɛ̀ min nə́ ǹ miã dɛ ka fɔlɔ màn nɛ yǎa a gã, bɛa dɛnaa n gɛ̀ woon dɛli lɛa, ǹ doamaa nɛ ǹ na a dɔ dɛ.

Timəə dí-pɛn 1:17

Sii yɔrɔ bɔ gɔ́ɔ̃ nɛ, ka nyan toa ka minin bɔkɔnlɛ wɔ wa. Ka n too kɔ doobaa lon, ka ka bɛ́ n too koe pàãma dɔ lon lɔn, ka baran nyɛ́ɛ baa min kɔn yii-n wa. A giala, sii yɔrɔ bɔ n Lawa a sii lɛa. Bɛ̀ sii mɛn a yɔrɔ bɔ la ka pàã nɛ, ka da a yɔrɔ pɛ ma nɛ, ma ga a ganaa.»

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:14

Sɛnɛ, Dɛnaa Lawa bɛ́ re bǎã mɛn boe kaa tɔrɔn lɛn bii, ka kaa wúlu mànan tã bɛa bǎã lɛ dinsɔɔ̃ nɛ. Man gɔn waa ka nɛ ka sii mɛn tumaa nɛ, ka a tumaa zɛnaa walan lɛ dinsɔɔ̃ nɛ.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 19:17

sii lɛ bɛ́ ǹ dinin min paa mɛn bii, ǹ doamaa nɛ, ǹ wo golee Dɛnaa Lawa yɔrɔ-a, ǹ nə ǹ sii lɛ yɔrɔ pɛ Lawa a wúlu-bɔlen laanka sii yɔrɔ-bɔlen manɛ, ǹ mɛnɛn bɛ́ dí la bɛa biikoo lɛ gɔ́ɔ̃ nɛ.

Timəə dí-pɛn 19:4

Bɛ̀ min mɛn gɔn sã á ǹ miã dɛ, a da yǎa a ná a bie biɛ zɔ́ɔ lɛlɛ wa, bɛ miã dɛnaa dinsɔɔ̃ n boe la a baa si, a wo n mìi duru walan a tɔn la.

Timəə dí-pɛn 21:5

Bɛa biikoo li, Levii tɔrɔ wúlu-bɔlen kɛn nə n zɔ̃ ǹ dɔ. A giala, kaa Lawa, Dɛnaa Lawa lɛ na á ǹ dinin lɛn bɔ mà ǹ dí nya asɛ nɛ, ǹ barka da minin ganaa ka asɛ tɔ nɛ. Minin bii gɔ́ɔ̃ ǹ sii tumaa laanka kɔn-dɛ a mà bɔ kɔn ganaa ǹ sii tumaa nɛ, ǹ dinin man bɛ yɔrɔ boe.

Timəə dí-pɛn 25:1

Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.