Timəə dí-pɛn 17:2 - LAWA A BOO SONBORE

² Kaa Lawa, Dɛnaa Lawa bɛ́ re kiwin mɛnɛn lɛn koe ka la, kɔntan, min tá re yii ka bii bɛa kiwin lɛn goon ne ǹ kɔn pinaa, giĩ lɛa hinlaa lɔ lɛa, a na a lɛ kɔ kɔn la ǹ boo kɛ la kuru, a sii zɛnaa, sii mɛn nə́ ke baraa Dɛnaa Lawa yii li.

LAWA A BOO SONBORE 2011

² Kaa Lawa, Dɛnaa Lawa bɛ́ re kiwin mɛnɛn lɛn koe ka la, kɔntan, min tá re yii ka bii bɛa kiwin lɛn goon ne ǹ kɔn pinaa, giĩ lɛa hinlaa lɔ lɛa, a na a lɛ kɔ kɔn la ǹ boo kɛ la kuru, a sii zɛnaa, sii mɛn nə́ ke baraa Dɛnaa Lawa yii li.

Timəə dí-pɛn 17:2 ပူးပေါင်းရင်းမြစ်များ

Kiin2 18:12

A giala Izirayeli minin lɛn man nə n too kɔ ǹ Lawa, Dɛnaa Lawa lɛ lon wa. Ka bɛ dɔ nɛ, ǹ ná a lɛ kɔ kɔn la lɛ ziziɛ̃. Dɛnaa Lawa a dí-nyali Muizu goã á màn mɛn yii pɛ, ǹ nə n too kɔ bɛ-a wa, ǹ kɔ lɛ dɔn wa.

Kiin2 21:3

Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Zɔbu 31:28

Bɛ̀ man má bɛ zɛnaa, bɛ̀ kiri-kurulin doamaa nɛ ǹ dɔlɔ bɔ ma ganaa. A giala, a n goon ka man má n piã ka lon a Lawa kɛ nɛ.

Bɔ bɛ̀rɛbaa nɛ 22:19

«Bɛ̀ min wúlu bɔ dì ganaa Dɛnaa goon toto kɛ kio, bɛa dɛnaa doamaa nɛ, a n dɛ a gã.

Bɔ bɛ̀rɛbaa nɛ 22:20

«Ka baran mɛnaa gùli la wa, ka baran fuu nyaa-n wa. A giala, ka dɔn nə́ goã gùlin lɛa Ezipti gána nɛ.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Zeremii 34:18

Zudaa laanka Zeruzalɛmu a nyɛɛnaandɛnan nɛ, ǹ dí-nyali dadaran nɛ, ǹ Lawa a wúlu-bɔlen ne, ka min mɛnɛn tumaa bɛ́ tándɛnan lɛa, bɛn tumaa lɛ-kɔ wɔ ka masɛ nɛ. Maǹ nə́ wúlu bɔ ǹ dii nɛ lɛ na kɔn paa, ǹ nə́ bɔ a bii ni. Sɛnɛ, bɛa minin lɛn nə kɔ ǹ lɛ-kɔ lɛ wa, ǹ tamaa wa. Ma dɔ n die ǹ dɔn biɛ ka dii nɛ lɛ bɛ́ lɔn ǹ nə́ na kɔn paa.

Ezekieli 16:38

Lɔ naarɛn laanka ǹ mɛnɛn bɛ́ gɛ̀ dii, bɛn doamaa bɛ́ ka dɔlɔ mɛn nɛ, ma á re bɛ lɛ tɔrɔ diɛ n mìi ni. Ma á re mà boe n ganaa maa foo yoo kɛa pinaa, a giala ń ma sã.

Ozee 6:7

Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Lawa a wúlu-bɔlen 20:2

N die n pɛ Izirayeli minin lɛn manɛ: min woo min, á n Izirayeli min lɛa, hinlaa á n gùli lɛa Izirayeli gána nɛ, bɛ kɔn baran a nɛ kɔ, mà ǹ wúlu bɔ nɛ, dì Molɛki kɛ ganaa wa. Bɛ̀ min mɛn bɛ zɛnaa, gána lɛ a minin nə kɔlɔ kaã bɔ a ganaa, ǹ dɛ a gã.

Lawa a wúlu-bɔlen 26:15

bɛ̀ ka n piã ka masɛ a landa boon kɛn nɛ, bɛ̀ masɛ a sii yɔrɔ bɔ ǹ boon kɛn tìĩ bɔ ka nyin ni, yǎa ka ǹ tii, bɛ̀ ka a masɛ a gɔn waa ǹ boon kɛn tumaa a sii zɛnɛɛ doo wa, ka maa lɛ kɔ kɔn la lɛ ziziɛ̃.

Lawa a wúlu-bɔlen 26:25

Masɛ a lɛ kɔ kɔn la ke ka n ziziɛ̃, man die zia yiɛ ma kaa ka ganaa, ma bɛa dɔlɔ bɔ ka ganaa. Ta ka baa si ka woo n duru kaa kiwin kɛn nɛ kungɔn nə́ ǹ lɛnpɛnɛ, ma á re busu babaraa kiɛ ka ganaa, ma ka wɔ kaa zɔ́ɔn lɛn gɔn.

Timəə dí-pɛn 17:5

min mɛn sii lɛ zɛnaa, giĩ ni hinlaa lɔ nɛ, ka ǹ dɛnaa kũ ka soo ne kiri wɔ ǹ bǎã, ka kɔlɔ kaã bɔ a ganaa, ka dɛ a gã.

Timəə dí-pɛn 29:18

Bɛ̀ min mɛn dɔ́ bɛa liɛ ǹ boon lɛn ma, yǎa a taasɛ a din gɔ́ɔ̃ nɛ, mà asɛ wɔ na á bǐɛ̃ kɔ, á n pii: «Ma bɛ́ má n tã, má kɔ ma din a taasiɛ lɛ, maa sii tumaa á ke á bǐɛ̃ kɔ!» Sonbore, tán mɛn bɛ́ basiɛ̃ nɛ, mu boro a bɛ ganaa doo wa.

Timəə dí-pɛn 29:25

A giala, maǹ nə́ woo dí nya lawa kɔsɔn manɛ, ǹ nə́ bɛn guguru kɔ, a da yǎa ǹ ba ǹ doɛ̃ lɛlɛ wa, Dɛnaa Lawa dɔ din lɛ kɔ ǹ la, mà ǹ nə ǹ guguru kɔ wa.

Timəə dí-pɛn 31:20

Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.

Timəə dí-pɛn 4:23

Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.

Ebrəə 10:28

Min mɛn bɛ́ Muizu a Dí-pɛ lɛ ziziɛ̃, bɛ̀ min paa hinlaa min sɔɔ yɛ, ǹ nə́ bɛa sii lɛ a siéren baa, bɛ nə n dii a gã, makara-bɔ ba a-n wa.

Zozoe 23:16

Dɛnaa Lawa lɛ, kaa Lawa lɛa, bɛ lɛ kɔ kɔn la boo mɛn da ka nɛ, bɛ̀ ka bɛ toa walan, ka kiɛ̃ ka woo kaa tán dìn giulun ka bɛn guguru kɔ, Dɛnaa Lawa foo á re yui ka li. A gána sonbore mɛn lɛ kɔ ka la, á re ka dii bǎã goon a ka bɔ a nɛ.»

Zozoe 7:11

Izirayeli minin lɛn man nə́ sii baraa zɛnaa. Ma ǹ kurəə sii mɛn a zɛnaa ganaa, maǹ nə́ bɛ zɛnaa. Ma ǹ kurəə mànan mɛnɛn goa ganaa, maǹ nə́ bɛn goa. Maǹ nə́ ǹ koã dinin, ǹ nə́ ǹ duru, ǹ nə́ ǹ kaa kun ka ǹ mànan nɛ.

Zozoe 7:15

Ma bɛ́ re n gɔn nyɛɛ min mɛn ganaa màn lɛ a saali lɛa, ǹ die ǹ bɛa dɛnaa da tɛ-n ǹ tã, a din laanka màn mɛn tumaa bɛ́ a wɔ lɛa. A giala, a na á masɛ Dɛnaa Lawa bɔlɔ tii, á sii bɔbɔnɛɛ zɛnaa Izirayeli gána nɛ.»

Sii yɔrɔ-bɔlen 2:20

Dɛnaa Lawa foo yoo Izirayeli minin lɛn li, á tɔ́n pɛ: «Tɔrɔ kɛ lɛ a minin nə́ maa lɛ kɔ kɔn la ziziɛ̃, lɛ kɔ kɔn la kɛ lɛ má wɔ ka ǹ digolon ne. Ǹ nə n too kɔ maa boo-a wa.

Sii yɔrɔ-bɔlen 6:31

Min mɛnɛn nə goã Zoasi li, Zoasi pɛ ǹ tumaa nɛ: «Kasɛn doamaa nɛ, ka Baali a gɛ̀ dòo bɔ? Ka doamaa nɛ, ka da n dɔ lɛ? Bɛ̀ min mɛn tá Baali a gɛ̀ dòo boe, ka doamaa nɛ, ka bɛa dɛnaa dɛ, bɛ̀ lɛ̀ ná a tɔn waa wa. Bɛ̀ Baali lɛ á Lawa taãn lɛa, ǹ bɛ́ ǹ ná a wúlu bɔ ǹ bǎã wuru ǹ nə́ kaa, ka toa a din na a gɛ̀ dòo bɔ.»