Timəə dí-pɛn 17:17 - LAWA A BOO SONBORE

¹⁷ A lɔ dɔ doamaa bie a goã gigiã, ǹ kiɛ̃ ǹ na a taasiɛn bɔyaa ǹ bɔ Lawa la wa. A nyan ga wɔrɔ laanka sana li a la yii-n wa.

LAWA A BOO SONBORE 2011

¹⁷ A lɔ dɔ doamaa bie a goã gigiã, ǹ kiɛ̃ ǹ na a taasiɛn bɔyaa ǹ bɔ Lawa la wa. A nyan ga wɔrɔ laanka sana li a la yii-n wa.

Timəə dí-pɛn 17:17 ပူးပေါင်းရင်းမြစ်များ

Siin Giala 2:24

Bɛ lɛ na á toa, giĩ á re n niɛ a n bɔ ǹ di laanka ǹ dan ganaa, a n doa kɔn ka a lɔ nɛ, ǹ nə n baa goon.

Samayeli2 12:11

Dɛnaa Lawa n kɛ pii: Á ke, man die toɛ n nɔmaa bɔ n din a kion kɛ lɛ nɛ. Masɛ n die n lɔn kɛn kuĩ n din yii ni, ma ǹ kɔ min kɔsɔ la. Bɛ á re giɛ̃ kun ka n lɔn lɛn nɛ wɔlɔ fúlu-a.

Samayeli2 5:13

Davida bɛ́ á bɔ Ebrɔn á daa Zeruzalɛmu, á san kɔsɔn bɔ walan, á lɔn dɔn goa. Bɛn dɔn nə́ wusoo ǹ nə́ nɛgiĩn laanka nɛlɔn yɛ Davida wɔn lɛa.

Kiin1 10:21

Kii Salomɔn a màn mi ǹ mànan tumaa na á goã sana lɛa. Mànan mɛnɛn tumaa goã "Liban daã kion" kɛ nɛ, ǹ yii na á goã sana yoreen yoreen lɛa. Ǹ kɔn goã wɔrɔ lɛa wa, a giala Salomɔn a wasa nɛ, wɔrɔ goã màn kɔn lɛa ǹ gɔn wa.

Kiin1 10:27

Kii lɛ toa wɔrɔ mɔnaa Zeruzalɛmu ka kɔlɔ bɛ́ lɔn, á toa *sɛdrə dan dɔn nə́ mɔnaa ka *Sefelaa a nyankɔrɔ lɛ kɛa sikomɔɔrɔ dan bɛ́ lɔn.

KZS1 14:3

Davida wusoo á lɔn kɔsɔn goa Zeruzalɛmu kiwi, á nɛgiĩn laanka nɛlɔn yɛ doo.

KZS2 1:15

Kii lɛ pàã nɛ, wɔrɔ laanka sana mɔnaa Zeruzalɛmu ka kɔlɔ bɛ lɔn, *sɛdrə da mɔnaa ka *Sefelaa a nyankɔrɔ lɛ kɛa sikomɔɔrɔ dan bɛ́ lɔn.

KZS2 11:21

Roboamu na á Maakaa, Abusalɔn a nɛlɔ kɛ narɛ á la a lɔn manɛ ka a lɔ gialakunun kɛn tumaa nɛ. A lɔ baaraa n fulukiwisi, ka kɔsɔn kɛn dɔn nɛ pɔsɔrɔ, nɛgiĩ fuəwenkiwisi ka nɛlɔ pɔsɔrɔ nɛ.

Nehemii 13:26

Má pɛ ǹ nɛ kɛnɛn: «Táa bɛ lɛ na á toa Izirayeli a kii Salomɔn sii baraa zɛnaa. Gána damata kɛn kiin bii, kii yɛ ka a bɛ́ lɔn wa. Á goã kɔɔ̃n Lawa ganaa. Lawa na á goã á koa kii lɛa, Izirayeli kuturu mìi la. A laanka bɛ yii ni, a din kɛ lɛ nɛ, tɔrɔ kɔsɔ lɔn nə́ nyanaa ǹ nə́ da sii baraa nɛ.

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Suusun 31:3

Maa nɛ, n nyan toa lɔn nə n pàã nya wa. Lɔn mɛnɛn bɛ́ kiin papaɛ̃, n nyan toa bɛn nə n yiri si wa.

Malakii 2:15

Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

Matiə 13:22

Min tɛn dɔ n kɔnboe ka màn tɔrɔ nɛ á mɛnaa nyan bii. Ǹ nə́ boo lɛ ma koe, sɛnɛ, kanaa sii a taasiɛn laanka naforo a lɛn bebelee siin man boo lɛ kuĩ, ǹ baa nɛ-kɔbaã wole lɛa.

Matiə 19:5

Bɛ kio á tɔ́n pɛ: «Bɛ lɛ a lɛa nɛ, giĩ á re n niɛ̃ a n bɔ ǹ di laanka ǹ dan ganaa, a n doa kɔn ka a lɔ nɛ, ǹ dinin paanan tá re n biɛ goon.»

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Timote1 6:9

Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.